Tui - galiciasuroeste

Title
Vaya al Contenido

Tui

COMARCA
C21 solicita que se atenda ao perigo que supón un eucalipto inclinado na N – 550 a altura da Ponte do Río Louro, cerca da rotonda de Guillarei
Tui, 31 de maio de 2021. C21 ven de solicitar por rexistro de entrada e pediu tamén no último pleno que o Goberno Local atenda a situación de perigo dun eucalipto que se ven inclinando de forma notable sobre a ponte do río Louro, cerca da rotonda de Guillarei.
O voceiro liberal, José Palacín, explica que, aínda que é consciente de que non é competencia do Concello, si entende que: “Debemos notificar esta cuestión por seguridade, estando enriba para se lle dea solución”.   


Continúa o programa Cultiva a Mente retomando a actividade presencial
Tui, 2 de xuño de 2021. O programa Cultiva a Mente, posto en marcha polo Concello de Tui e AFAGA, retomou a pasada semana a actividade presencial.  Até o 15 de xullo este programa desenvólvese durante hora e media á semana nos centros culturais de Areas, Caldelas, Guillarei, Pazos de Reis e Rebordáns, tras a mellora da situación epidemiolóxica e con todas as medidas de seguridade.  Nos últimos meses a actividade mantívose de xeito telemático  enviando o material a través de distintas plataformas ou ao domicilio.
Cultiva a Mente é un programa preventivo dirixido a calquera persoa maior de 55 anos. Os seus obxectivos son promover un envellecemento activo e saudable, coñecer coma funciona o noso cerebro, técnicas de aprendizaxe de mellora, estimulación de distintas funcións cognitivas coma memoria, atención, linguaxe, … e tamén fomenta a sociabilidade ao ser unha actividade grupal.
As persoas interesadas en participar nesta actividade poden presentar por rexistro de entrada a solicitude na casa do concello ou contactar con AFAGA no 986 22 97 97. Poden acudir a aquela parroquia na que hai prazas independentemente do seu lugar de residencia, sempre que sexa no termo municipal de Tui.  Hai prazas libres en Areas, Caldelas, Pazos de Reis e Guillarei, mentres que Rebordáns que ten o grupo completo.
Os horarios da actividade son os seguintes: martes ás 10 h en Caldelas, mércores ás 10 h en Pazos de Reis e ás 12 h en Areas, xoves ás 9.30 h en Guillarei  e venres ás 10 h en Rebordáns.
 
Alumnado e profesorado do Conservatorio Profesional e da Escola de Música ofrecerán concertos nos venres de xuño e na primeira quincena de xullo
Tui, 2 de xuño de 2021. A música soará nas rúas de Tui os venres do mes de xuño e na primeira quincena de xullo da man do alumnado e profesorado do Conservatorio Profesional e da Escola de Música de Tui co apoio da concellería de Cultura do Concello de Tui.
Con concertos e actividades, a realizar en horario de tarde, amosarán á poboación os froitos do traballo realizado ao longo deste curso 2020/21, que estivo marcado polas restricións derivadas da pandemia da covid 19.
A cita será os venres 4, 11, 18 e 25 de xuño e o 2 e 9 de xullo, sempre que as condicións climatolóxicas o permitan.
Este venres, 4 de xuño, ás 19.30 h no Palco da Música no Paseo da Corredoira as alumnas e os alumnos de Música e Movemento da Escola de Música, xunto ao seu profesor, Eduardo Rodríguez, ofrecerán o primeiro concerto.
 

C21 solicita que se atenda a un cruce perigoso, por non ter visibilidade, entre a saída dos pavillóns e a Rúa Canónigo Valiño
Tui, 3 de xuño de 2021. O Concelleiro do partido liberal de Tui, José Palacín, ven de solicitar por rexistro de entrada  dentro da campaña #Tuiseguro que se analice e corrixa a situación de perigosidade do cruce que empata os pavillóns e a Rúa Canónigo Valiño, debido a escasa visibilidade que existe, e polo tanto, con claro risco de accidente.
Converxencia 21 plantexa dúas posibles solucións, o ben a eliminación directa do aparcamento para ampliar o ángulo de visión ou a colocación dun espello que permita contemplar o tráfico da rúa a que se accede.
O voceiro liberal volve a aproveitar para reclamar que se reverta a degradación das infraestruturas e da estética desta vía por estar preto do Colexio Nº 1, por ser antesala da zona deportiva e por pertencer ao Camiño de Santiago.


C21 lamenta o absoluto abandono da Praia Fluvial no entorno da Mariña e solicita a inmediata xestión para levar a cabo a súa recuperación
Tui, 7 de xuño de 2021. O voceiro do partido liberal de Tui, José Palacín, acaba de introducir por rexistro de entrada unha petición para que o Goberno Local xestione a recuperación da Praia Fluvial no entorno da Mariña, debido a situación lamentable de abandono que presenta, con malas herbas invadindo este privilexiado espazo e ca conseguinte perda do areal.
“A loita contra a degradación medioambiental e contra o feismo no entorno do Río Miño debe ser un compromiso de primeiro orde si se pretende reactivar o turismo de natureza trala pandemia, e ao mesmo tempo, ter esta praia limpa é útil será obxecto de orgullo e de desfrute para os tudenses”, explica Palacín.
Do mesmo modo, Converxencia 21 lembra que xa fai máis de un ano que se aprobou unha moción plenaria para elevar a Medio Ambiente unha petición de estudo co obxectivo de radicar as algas invasoras do fondo do Miño e que a día de hoxe non se sabe absolutamente nada desta iniciativa.         
 

Este mes comezarán as obras de construción dunha rotonda no acceso á A55 en Guillarei
Tui, 8 de xuño de 2021. Este mes darán comezo as obras de construción dunha rotonda en Guillarei na intersección entre a N-550 e o ramal que da acceso á A-55, a altura do Hotel Alfonso I.  Suporá un investimento de 357.858.43€ financiado ao abeiro do Plan Concellos 2020 da Deputación de Pontevedra.
Trátase dunha infraestrutura longamente demandada que redundará nunha mellora da seguridade vial na zona tanto para peóns coma para o tráfico rodado, nun punto no que se teñen rexistrado numerosos accidentes de diversa gravidade.
Por outra parte o Concello de Tui vén de licitar as obras de acceso á praia de Areeiros en Guillarei por importe de 191.436,36 euros, que serán financiados tamén co Plan Concellos 2020. Esta actuación mellorará as condicións do vial de acceso a un dos enclaves naturais do municipio máis visitados.
Tamén compre lembrar que está en execución, cun importe de importe de 117.276,09 €, con cargo do Plan Concellos 2020, as obras de humanización da estrada da Veiga. A actuación abrangue case 1,5 quilómetros dende a intersección coa Ponte Romana até a rotonda situada na PO-404.  Estase a acondicionar unha ruta peonil e vía ciclista, substitúese o bordillo de separación entre a calzada e a zona peonil e ciclista por un elemento continúo e sen aristas vivas. Os pasos de peóns existentes serán substituídos por outros elevados e con iluminación intelixente. Tamén se están a crear zonas de descanso e sombra.
 
Prazo de inscrición no Campamento de Verán “Igual é +” Tui 2021
Tui, 8 de xuño de 2021. O Concello de Tui, a través das concellerías de Igualdade e Deportes, realizará durante o mes de xullo o Campamento de Verán “Igual é +” Tui 2021.
Este campamento vai destinado aos nenos e nenas e mozos e mozas de Tui con idades comprendidas entre os 3 e os 12 anos (idades cumpridas antes do inicio de cada quenda).
O Campamento de Verán “Igual é +” Tui 2021 levarase a cabo co fin de ofrecer unha alternativa lúdica – deportiva - educativa aos nenos/as do concello. A finalidade deste campamento, é a de ofrecer unha alternativa aos pais e nais que traballan durante ese período, para que poidan conciliar deste xeito a vida familiar e laboral, incorporando a perspectiva de xénero para fomentar a igualdade entre mulleres e homes, nos nenos e nenas que participen neles.
A primeira quenda realizarase do 1 ao 15 de xullo e a segunda do 16 ao 30 de xullo, en horario de 9.00 a 14.00 horas, tendo a opción de aula matinal, de 8.00 a 09.00 horas, e aula de sobremesa, de 14.00 a 15.00 horas.
As inscricións formalizaranse preferentemente a través da sede electrónica do Concello de Tui ata o día 16 de xuño, ou no rexistro de entrada do Concello de Tui, de luns a venres, de 09.00 a 14.00 horas, solicitando cita previa no número de teléfono 687.227.190, debido ás medidas establecidas polo Concello de Tui para a prevención da COVID19. O prezo será de 30,56€ por quenda.
O Campamento de Verán “Igual é +” TUI 2021 conta con 130 prazas, das que se reservan 20 prazas en total para casos de exclusión social debidamente acreditados polos Servizos Sociais Municipais.
Toda a documentación poderá descargarse da páxina web do Concello de Tui, www.tui.gal, ou na sede electrónica do Concello de Tui.
 
O Arquivo Municipal de Tui organiza unha visita guiada para celebrar a Semana Internacional dos Arquivos
Tui, 8 de xuño de 2021. O Consello Internacional de Arquivos (ICA) promove anualmente a celebración do Día Internacional dos Arquivos o 9 de xuño, con ocasión da devandita celebración, do luns 7 ao venres 11 de xuño, ten lugar a terceira Semana Internacional dos Arquivos, cuxo lema central achegado polo Consello Internacional de Arquivos (ICA) é: Empoderar os Arquivos, convidando aos centros arquivísticos a realizar actividades ao longo desa semana coa finalidade de dar a coñecer pola cidadanía a documentación que conservan estes centros e como se traballa nos mesmos.
O Arquivo Municipal de Tui súmase a esta celebración organizando unha visita guiada as súas instalacións e a unha escolla dos seus fondos que terá lugar o vindeiro venres 11 de xuño ás 12.00 horas nas propias instalacións deste Arquivo Municipal na casa do concello de Tui. Todas as persoas interesadas en participar deben realizar unha inscrición previa a través do correo electrónico: arquivo@tui.gal, sendo admitidas por rigoroso orde de inscrición e as inscricións son de carácter individual.
Neste ano 2021 o lema escollido polo Consello Internacional de Arquivos (ICA) é EMPODERAR OS ARQUIVOS, co obxectivo de recoñecelos como os espazos do coñecemento que custodian o patrimonio documental.
Ao longo desta semana, as distintas administracións, os titulares dos arquivos, os profesionais que traballan neles e as organizacións arquivísticas e de xestión documental unen as súas voces para conseguir que os arquivos, os documentos que conservan, o traballo que neles se realiza e os servizos que prestan sexan visualizados e coñecidos polo maior número de persoas.
·         Arquivos que mediante a xestión documental facilitan a transparencia, dan cumprimento do dereito da cidadanía ao acceso aos documentos e á información que conteñen.
·         Arquivos traballando en rede e prestando os seus servizos de maneira presencial e telemática.
·         Arquivos con profesionais que están en permanente e constante formación, adaptados ás novas tecnoloxías da información e da comunicación, colaborando e compartindo coñecementos e experiencias.
Datos sobre o Arquivo Municipal de Tui
O Arquivo Municipal recolle documentos dende 1.597 ata a actualidade. Está composto por máis de 6.300 unidades de instalación cos instrumentos suficientes para o seu manexo e control, especialmente a base de datos do inventario descritivo formado por mais de 36.000 rexistros que detallan a nivel de expediente a maior parte dos fondos.
Dende o 1 de outubro de 2012 no Arquivo Municipal atópase tamén a documentación histórica do Concello de Tui depositada no Arquivo Histórico Provincial de Pontevedra dende o ano 1943. Esta documentación consta de 145 libros, de entre os anos 1597 e 1834, en soporte papel e encadernados en pergameo. Deles, 115 corresponden aos libros de acordos municipais e cartas ordes de 1597 – 1775; 5 libros con documentación varia de 1705-1771; 16 libros de copias das actas da Xunta do Reino de Galicia entre os anos 1608 e 1834 e 3 libros Reais do Catastro do Marqués da Ensenada da cidade de Tui e freguesía de San Xurxo de Saiáns.
Como curiosidade se conserva un pergamiño, escrito en portugués, datado en 1688, que facía de tapa doutro documento sen data, referido a un “Prorrateo de aguas de la Virgen del Camino en la parroquia de Revordanes hecho por Don Juan Gil de la Barrera vecino de la ciudad de Tui”. Este pergamiño, que inicialmente non ten relación co documento que resgardaba, é unha “carta de quitaçao” dada polo rei de Portugal Pedro ós herdeiros de Ignacio Monteiro de Souza, almoxarife falecido que prestaba os seus servizos na “Caça do Passo da Madeira”.
Pese a que a maior parte da documentación corresponde ao século vinte e vinte un aínda se aprecia un elevado volume documental do dezanove, destacando os libros de actas municipais dende 1782, con documentos de quintas dende 1874, de patrimonio dende 1849, de persoal ou contratación dende 1874, dos presupostos municipais dende 1845, dos padróns de habitantes dende 1884 ou das eleccións dende 1891.
No Arquivo Municipal tudense se conserva tamén o fondo do cárcere do partido xudicial, recuperado no seu momento polo funcionario e investifador Aquilino G. Santiso. Este fondo contén información continuada, especialmente sobre os reclusos, dende 1897 ata 1960 figurando en diversas series documentais, tanto de expedientes (follas histórico-penais de penados, expedientes persoais de reclusos, expedientes procesais de reclusos, pases de penados, mandamentos de prisión y de liberdade e notificacións acordos de prisión e liberdade), coma de rexistros ( libro de entrada e saída de presos, libro rexistro de presos con condena de arresto maior, libro rexistro de presos preventivos). As súas condicións de conservación son precarias, pero é un dos fondos máis demandados por investigadores de temas relacionados coa memoria histórica.
Nunha época de profundas transformacións, unha das necesidades críticas que a pandemia puxo de manifesto é a urxencia de dixitalizar a sociedade. A documentación histórica do Arquivo Municipal tudense así como as actas de sesión do Pleno e das Xuntas de Goberno (que tiveron diversos nomes ao longo do tempo) foron dixitalizadas gracias ao programa Arpad e están accesibles para todos os interesado na biblioteca dixital de Galicia, Galiciana http://arquivo.galiciana.gal/arpadweb/es.ga.15078.ag/es/consulta/registro.do?control=ADGD20160032604 ,  así como no portal Atopo da Deputación Provincial de Pontevedra: https://atopo.depo.gal/Search/Results?type=AllFields&filter[]=institution:Arquivo%20municipal%20de%20Tui e en breve prazo tamén na web do Concello de Tui.
No último ano o Arquivo Municipal tudense ten continuado co seu labor de integración dos fondos documentais dos diversos servizos municipais ao tempo que da resposta, nun prazo cada vez mais reducido, ás máis de cincocentas consultas producidas tanto dende a propia Administración Municipal como por cidadáns que reclaman o acceso á documentación. Calquera cidadán pode solicitar aquela documentación que precisa, presentado on line a correspondente solicitude: http://www.tui.gal/sites/default/files/documentos/concello-de-tui-impreso-solicitude-acceso-documentacion-arquivo-municipal.pdf
A finais do pasado ano 2020 Concello de Tui ven de ampliar a capacidade de depósito do Arquivo Municipal de Tui coa instalación de novos módulos de armarios tipo compactus para a documentación administrativa do Concello tudense, así como algunha peza de mobiliario de oficina, deshumidificadores e termohigrómetros para garantir as condicións axeitadas de conservacións da documentación. Coa instalación destes novos módulos o Arquivo Municipal tudense incrementa en mais de 80 metros lineais de estantes a capacidade dos seus depósitos. Foi un investimento de case 7.000 euros realizado ao abeiro dunha baixa nunha obra promovida pola Deputación Provincial de Pontevedra que ten facilitado esta importante mellora no Arquivo Municipal que precisa incrementar a capacidade dos seus depósitos para custodiar a documentación municipal.
 
C21 solicita ao Goberno Local que reclame ao Goberno Central o diñeiro  do desentullo de Paramos
Tui, 8 de xuño de 2021. O concelleiro de Converxencia 21, José Palacín, solicitará novamente no próximo pleno que o Goberno Local do Partido Socialista reclame o diñeiro que o Goberno de España lle debe ao Concello de Tui en concepto dos traballos de desentullo que a administración local adiantou no propio ano da traxedia.
Palacín lembra que en 2018 o anterior rexedor, o liberal D. Carlos Vázquez Padín, insistiu de forma determinativa no Ministerio de Política Territorial  para que fora esta entidade a que abordase a xestión de forma directa, a conta de fondos estatais, pero finalmente foi o Concello o que se veu obrigado a adiantar a totalidade dese montante, 753.249,15 € (Base: 622.519,96 €; IVE: 130.729,19 €), comprometéndose o Estado a devolvelos en virtude do BOE do 23 de Xaneiro de 2019 polo cal o ámbito do Barrio da Torre de Paramos foi declarado “Zona Catastrófica”.
C21 non comprende porque despois de tres anos dende a traxedia o Goberno de D. Pedro Sánchez Castejón aínda non ofreceu unha solución satisfactoria a esta demanda, e máis cando o Goberno de C21 deixara esta cuestión practicamente solucionada dende o punto de vista administrativo.
Palacín declara estar disposto a apoiar politicamente ao actual rexedor, D. Enrique Cabaleiro, para recuperar esta importantísima cantidade e que supón unha quinta parte do actual remanente líquido de Tesourería do Concello de Tui, aínda que o liberal Palacín detecta: “Un certo desleixo e escasa determinación por parte do novo executivo local”.
 

As actuacións para adecuar o Pazo Episcopal da Catedral de Tui a usos museísticos poranse en marcha nas vindeiras semanas
Tui, 10 de xuño de 2021. O conselleiro de Cultura, Educación e Universidade, Román Rodríguez, visitou hoxe a Catedral de Tui, onde está previsto licitar nas próximas semanas unha serie de actuacións para adecuar o Pazo Episcopal a usos museísticos. Trátase dun proxecto no que colaboran a Xunta de Galicia, o Ministerio de Fomento e a Diocese de Tui-Vigo e que se enmarca no Plan Catedrais no que traballa a Administración autonómica para actuar nos templos catedralicios da Comunidade co horizonte do Xacobeo 2027.
Como explicou o responsable de Cultura, o proxecto é un exemplo de colaboración entre administracións que permitirá actuar tanto no interior como no exterior do Pazo Episcopal mellorando a súa accesibilidade e rehabilitando as cubertas do claustro para adaptar á edificación a novos usos museísticos. Trátase dunha intervención financiada ao abeiro do 1,5% cultural que, no seu conxunto, conta con preto de 600.000€ de orzamento, dos que a Xunta achega 175.000, e que, tal e como engadiu, garantirá que o templo tudense continúe sendo "unha das principais iconas do concello e un punto de referencia para a sociedade e paisaxe urbana de Tui".
Nesta liña, o conselleiro incidiu en que tanto as actuacións que se porán en marcha en Tui, como as que a Administración autonómica impulsa en diferentes puntos da xeografía galega, "requiren que todas as administracións implicadas traballemos xuntas, de xeito planificado, coordinado e sumando vontades e esforzos".
Investimento nos últimos anos
Román Rodríguez fixo fincapé en que os traballos previstos están encadrados no Plan Catedrais, unha “útil ferramenta que marca a folla de ruta dos vindeiros anos no eido patrimonial e que servirá para fortalecer e reforzar o papel que xogan as catedrais, que no seu conxunto suman máis de 4.500 anos de historia, dentro do escenario patrimonial galego". Así, co horizonte no Xacobeo 2027, a Administración autonómica traballa para blindar algúns dos maiores bens patrimoniais de Galicia vencellados ao Camiño de Santiago "para que afronten a década xacobea nas mellores condicións de conservación".
As actuacións previstas ao abeiro do Plan Catedrais súmanse aos investimentos que a Xunta puxo en marcha nos últimos anos neste templo para impulsar os atractivos dun dos monumentos máis senlleiros da arquitectura relixiosa que é, ademais, unha das xoias máis destacadas do Camiño Portugués a Santiago. Neste sentido, o conselleiro lembrou que nos últimos anos o Goberno galego investiu preto de 530.000€ para garantir a súa correcta conservación e posta en valor.
 
Rematada a primeira fase da humanización da rúa Loureiro
Tui, 10 de xuño de 2021. Está rematada a primeira fase da humanización da rúa Loureiro consistente no asfaltado do vial e a colocación de pasos de peóns elevados e redutores de velocidade.  Estas obras supuxeron un investimento de 93.877,84 euros, financiados integramente ao abeiro do Plan Concello 2020 da Deputación de Pontevedra.
O goberno municipal está traballando xa na segunda fase de humanización da rúa que consistirá na ampliación das beirarrúas, para favorecer así a mobilidade dos peóns, e garantir a seguridade dos mesmos.
Por outra parte están rematadas as obras de asfaltado executados no barrio de Figueira, en Areas, financiadas tamén pola Deputación de Pontevedra cun importe de 44.623,92.
Amais esta semana comezaron as obras de asfaltado no barrio do Calvario, en Caldelas de Tui, por importe de 45.918,85€, cofinanciadas pola Xunta de Galicia ao abeiro do Plan Marco do ano 2020. Amais ao abeiro deste Plan Marco executarase o cambio da capa de rodadura na estrada de Eira Vella en Ribadelouro, unha obra que estará arestora en fase de licitación.
 
O cambio climático, a enerxía e a contaminación mariña centran mañá as actividades do programa do Día Mundial do Medio Ambiente
Tui, 10 de xuño de 2021. Mañá venres, 11 de xuño, proseguen os actos organizados polo Concello de Tui para celebra o Día Mundial de Medio Ambiente, que comezaron a semana pasada.
A Sala Municipal de Exposicións acollerá o programa de actividades previsto.
Ás 16.30 h será inaugurada a mostra “Adaptación: a outra cara do cambio climático” do Centro Nacional de Educación Ambiental, CENEAM.  Ás 17 h no anexo da sala Títeres en Tu casa representará a obra  “Operación Plancton” na que un biólogo mariño e o seu axudante investigan coma afectan os plásticos no mar aos animais mariños. Vai dirixida a público infantil.
Ás 19 h baixo o título de “Enerxía e Clima” terá lugar unha charla obradoiro sobre “Impactos do modelo enerxético. Factura Eléctrica” e proxectarase o documental “We the power” sobre o movemento comunitario enerxético liderado por cidadáns en Europa.
O programa remata o sábado, 19 de xuño, de 11 a 14 h está prevista a actividade “O monte en man común, xestión forestal e legado histórico” na Sala Municipal de Exposición.  Comezará ás 11 h coa proxección do documental “En todas as mans” e ás 13 h coa charla-debate sobre as comunidades de montes e xestións dos recursos forestais coa intervención de persoas e entidades que participaron no documental xunto a representantes de comunidade de montes e persoas ligadas á xestión forestal.
 
Alumnado da Big Band do Conservatorio ofrecerá venres un concerto na Corredoira
Tui, 10 de xuño de 2021. Venres, 11 de xuño, ás 19.30 h na no Paseo da Corredoira, na zona do Palco da Música, terá lugar o segundo concerto do alumnado e profesorado do Conservatorio Profesional e da Escola de Música de Tui dentro do ciclo de concerto na rúa previstos neste mes de xuño e na primeira quincena de xullo. Colabora nesta iniciativa a concellería de Cultura do Concello de Tui.
Mañá venres o concerto correrá a cargo do alumnado da “Big Band” e do conxunto do Conservatorio Profesional baixo a dirección do profesor Jacobo González Álvarez. Composicións de jazz e de pop conforman o repertorio que van interpretar.
Cursos de verán
Por outra parte até o próximo venres, 18 de xuño, está aberto o prazo de inscrición, de forma gratuíta, para os que Cursos de Verán dirixidos a nenos e nenas de 5 a 10 anos.
O Conservatorio Profesional e Escola de Música de Tui, impartirán en horario de mañá un curso de “Música e Movemento” para cativos e cativas de 5 e 6 anos. Na mesma poderán achegase á música de forma lúdica a través do xogo e o baile.
Mentres para nenos e nenas de 7 a 10 anos ofertan a posibilidade de probar ata tres instrumentos diferentes da súa elección.
Os cursos terán lugar entre o mércores 23 e o mércores 30 de xuño, en horario matinal pendente de determinar.
A inscrición pode realizarse a través do formulario dispoñible na web do conservatorio, enviando o modelo de solicitude ao correo cmus.profesional.tui@edu.xunta.es ou por Whatsapp ao 687 24 99 57. Tamén telefonicamente no 986 60 44 06 ou no 687 24 99 57 mañá venres de 15 a 20 h, e dende o próximo luns de 9 a 13.30 h.
 

Comezan os traballos previos para a construción da pasarela peonil e a senda do Louro
Tui, 11 de xuño de 2021. O Concello de Tui iniciou esta semana os labores de retirada dos elementos existentes na finca afectada pola construción dunha pasarela sobre o río Louro. Estes traballos comezaron tras a sinatura das actas de ocupación para poder por a dispor da Confederación Hidrográfica do Miño Sil os terreos libres de cargas.
O alcalde de Tui, Enrique Cabaleiro, e a concelleira de Urbanismo, Yolanda Rodríguez, achegáronse esta semana á zona para, xunto cos técnicos, titulares da propiedade e coa empresa contratada, revisar o estaquillado que marca a aliñación da zona na  que se debe retirar a plantación que ocupa o ámbito de actuación por onde transcorrerá o acceso á pasarela. O prazo previsto de execución destas obras é de 15 días.
Debido á execución destes traballos, por seguridade, está cortado o acceso dende o Camiño Sierpes a altura da praia da Metralla. Por este motivo dende o concello de Tui  solicítase a colaboración veciñal  respectando os sinais de prohibido o paso.
Dende o Concello de Tui agradécese á Confederación Hidrográfica o compromiso e a colaboración para poder sacar adiante este proxecto, longamente demandado, que se materializou co convenio asinado en 2020 para a execución da pasarela e da ponte.  
Con esta actuación o Concello de Tui continua apostando pola mellora das súas sendas, non só recuperando proxectos que quedaban pendentes, senón desenvolvendo novos proxectos, como o que se atopa nestes momentos en tramites de finalizar o procedemento de contratación como é a mellora no acceso á praia de Areeiros.
A pretensión por parte do Concello de Tui, é que antes de finalizar este 2021, todos os tudenses e visitantes poidan gozar dunha senda peonil que vaia desde a praia da Metralla até Caldelas.
En outubro do 2007, o Ministerio de Medio Ambiente e Medio Rural e Mariño, a través da Dirección Xeral de sustentabilidade da Costa e do Mar, adxudicou a Asistencia Técnica para a Redacción do Proxecto “Senda Litoral do Río Miño” que abarcaba a unión a través dunha senda peonil polo litoral, a unión dos Concellos de Tui, Tomiño, O Rosal e A Guarda.
En 2013, solicitouse, por primeira vez á Confederación Hidrográfica do Miño-Sil a asistencia técnica para a redacción do proxecto da construción dunha pasarela que permitiría unir a zona da Metralla coa praia de Areeiros en Guillarei, salvando o obstáculo do río Louro na súa desembocadura co Miño.
En 2020 asinouse un convenio no que a Confederación Hidrográfica do Miño-Sil se compromete á construción dunha pasarela de madeira, cun deseño que cause o menor impacto visual e de acorde coa contorna no que se empraza. A Confederación farase cargo do 70% do proxecto de execución, mentres que o 30% restante será asumido polo Concello de Tui ascendendo o seu importe a 69.000 euros, xunto co compromiso de asumir posteriormente o mantemento e conservación das obras.
 

Club Badmiton Tui. Jornada del sábado
Tui, 13 de xuño de 2021. Este pasado sábado vivimos una nueva y larga jornada de bádminton en Teixeiro, salíamos de Tui a las 7:30 y llegábamos de regreso a las 21:30 h.
Hasta Teixeiro nos desplazamos con motivo del Campeonato Gallego Sub15 donde participaron cuatro de nuestros deportistas:
Roque Fernández, Lía Salvado, Marta de Ocampo e Iria Díaz-Fierros.
Destacar las dos medallas de bronce logradas por Roque y Lía haciendo pareja en Dobles Mixtos. En general volvimos satisfechos del papel relaizado por los cuatro en este campeonato. Seguimos aprendiendo y mejorando, pero sobre todo disfrutando de este deporte.
  

A Deputación aproba dous novos convenios con Tui para investir máis de 600.000 € na transformación de dúas estradas provinciais
Tui, 14 de xuño de 2021. A Xunta de Goberno da Deputación de Pontevedra vén de aprobar dous novos convenios co concello de Tui para investir máis de 600.000 € na transformación de dúas estradas provinciais ao seu paso pola vila do Baixo Miño. Así, investirase 468.244 € na mellora da seguranza viaria nun tramo de 200 metros na EP-2502 entre Cerquido e Ribadelouro e outros 138.500 € na mellora da seguridade viaria e mobilidade peonil nun tramo de 155 metros da  EP-3001 en Rebordáns.  
A presidenta da Deputación de Pontevedra Carmela Silva detallou hoxe que no caso da estrada entre Cerquido e Ribadelouro, para cuxa mellora a institución provincial achegará o 70% do orzamento (327.771 €) e o concello de Tui o 30% (140.473 €), trátase dun espazo moi concorrido a nivel peonil, ao ser un tramo no que se concentra a Igrexa parroquial Magdalena, o cemiterio e o centro cultural de Ribadelouro. “Queremos que esta zona que era insegura teña agora todas as garantías para as persoas”. A presidenta tamén explicou que a actuación vai dar prioridade peonil a través dunha plataforma única adaptada ao entorno, sen diferenciación de tráficos, mantendo os espazos verdes e enmarcando a contorna patrimonial con lousas de pedra. Amais, proxéctase o desvío do tráfico por unha vía municipal que bordea os equipamentos públicos e executarase unha beirarrúa na marxe dereita cun ancho de 2,5 metros. Colocaranse redutores físicos de velocidade e pasos de peóns sobreelevados, renovarase a sinalización horizontal e vertical, porase novo pavimento e novos servizos urbanos como mobiliario, árbores, iluminación e drenaxe de pluviais.
No que respecta á EP en Rebordáns, a presidenta detallou que a Deputación achegará o 80% do orzamento (110.800 €) e o concello de Tui o 20% (27.700 €) para mellorar a seguridade viaria e mobilidade peonil nun tramo de 155 metros da EP-3001. “Queremos mellorar as condicións de seguridade e mobilidade para as persoas e vehículos” asegurou Carmela Silva, quen explicou que se vai reducir a velocidade do tráfico rodado mediante a execución de dous pasos sobreelevados e limitar a velocidade mediante a sinalización horizontal e vertical. A actuación contempla o desmonte do noiro na marxe esquerda aumentando o radio da curva ata 50 metros, o que permite a execución dunha senda de 2,5 metros de ancho pola marxe dereita. Amais, pavimentarase con novo firme o tramo e realizarase pintado das marcas lonxitudinais e superficiais, instalaranse novas sinais e melloraranse servizos como a rede de pluviais, nova canalización para alumeado público e telecomunicacións e novas luminarias eficientes.
 
C21 lamenta o abandono dos traballos de implantación das infraestruturas da fibra aérea nas parroquias de Tui, preguntará as razóns e esixe unha inmediata solución
Tui, 14 de xuño de 2021. O voceiro liberal, José Palacín, preguntará proximamente e de forma oficial as razóns do abandono dos traballos de implantación da fibra aérea por parte de Telefónica España.
C21 considera esta marcha da multinacional como unha responsabilidade  conxunta das concellerías de Urbanismo y de Novas Tecnoloxías.
Precisamente o titular desta última área, D. Laureano Alonso, prometía en febreiro deste ano a inmediata dispoñibilidade deste servizo para Paramos, Areas o Baldráns, así como para os barrios pendentes nas demais parroquias, sen embargo, por cuestións sobre as que C21 pedirá explicacións, este proxecto foi abortado.    
Telefónica sigue despregando a fibra por Galicia, co obxectivo de que en 2025 o 100% dos galegos dispoñan desta cobertura. Nos inicios de 2021  alcanzáronse o 1.200.000 fogares e empresas, e o esforzo de investimento nesta materia por parte de Telefónica supera xa os 140 millóns de euros.
Por suposto, segundo os liberais, esta modalidade de fibra estase artellando sen dificultades técnicas, nin políticas, nin burocráticas en moitos concellos limítrofes, por iso José Palacín lamenta que: “Unha vez máis, no Concello de Tui se paralice a implantación das autopistas do futuro e se reteña a modernización das nosas parroquias”.       


O Concello de Tui urxe aos propietarios de inmobles en ruínas no conxunto histórico a eliminar elementos de cuberta e fachadas que supoñan un risco e a maleza
Tui, 14 de xuño de 2021. O Concello de Tui ten remitido diversas ordes de execución a propietarios de inmobles en ruínas situados no conxunto histórico. O obxectivo é reducir a situación de risco que representan as edificacións abandonadas
Dende a concellería de Patrimonio entenden que un dos pasos fundamentais para revitalizar o Conxunto Histórico é reducir as edificacións en ruína ou abandonadas. Para iso están levando a cabo distintas accións.  Unha delas é a tramitación de ordes de execución. Búscase incentivar aos propietarios a mellorar a imaxe degradada das súas edificacións así como a reducir a inseguridade e insalubridade que xeran no entorno.  
Explican que en aplicación da Lei de Rehabilitación e de Rexeneración Urbana de Galicia as persoas propietarias están obrigadas á conservación e mantemento das súas propiedades, a garantir a seguridade e salubridade das mesmas, polo que dende o Concello, mediante a orde de execución, ínstanse ao propietario a eliminar elementos de cuberta e fachadas que corran o risco de provocar desprendementos á vía pública, e tamén se lles require a eliminación da maleza que na maioría das veces favorece a presenza de ratas e humidades en vivendas habitadas lindeiras.
Unha vez recibida a orde de execución, os propietarios dispoñen do prazo de 1 mes para realizar as obras urxentes requiridas. En caso de non realizarse o Concello, en base á Lei de Rehabilitación e á Lei do Solo de Galicia, poderá comezar a emitir multas coercitivas.
O concelleiro de Patrimonio, Laureano Alonso, indica que “comezamos afrontando o problema do abandono no ámbito da Corredoira, Augusto Besada e Martínez Padín, iniciáronse uns 15 expedientes. O maior problema no procedemento é atopar aos propietarios, que moitas veces, son herdeiros de segunda ou terceira xeración. Pero os localizados están respondendo positivamente. A idea é continuar no ámbito de intramuros do Conxunto Histórico”.
Lembra tamén que outra das accións importantes para revitalizar o conxunto é o programa Rexurbe que dá a oportunidade de venda destas parcelas e ruínas á Xunta de Galicia.   
 
As praias de Areeiros e O Penedo acondicionadas para o verán
Tui, 14 de xuño de 2021. O Concello de Tui vén de rematar o acondicionamento dos espazos de uso público das praias fluviais de Areeiros, en Guillarei, e do Penedo en Caldelas.
Procedeuse á limpeza destes espazos ao balizamento da zona de baño por terceiro ano consecutivo, co que se mellora a seguridade dos bañistas que acoden a estas praias.
Este ano, non contarán con baños públicos ante a dificultade do cumprimento da normativa establecida en materia sanitaria debido á pandemia da COVID 19.
Tanto a praia de Areeiros en Guillarei coma a do Penedo en Caldelas conta coa cualificación de Excelente, no control das augas das zonas de baño que realiza la Xunta de Galicia.
 
Os concellos de Tui, Salceda de Caselas, Salvaterra de Miño e Mondariz deciden de xeito conxunto a non apertura das piscinas
Tui, 15 de xuño de 2021. Os Concellos de Tui, Salceda de Caselas, Salvaterra de Miño e Mondariz veñen de reunirse novamente para tratar o delicado asunto das Piscinas Municipais para este verán.
Se ben o ano pasado abrir as piscinas supuña un risco extremo dada a situación pandémica, este ano tampouco parece viable unha apertura en base as restricións impostas dende o Ministerio deSanidade xa que pouco varían respecto ás de 2020, establecese unha ocupación aforo do 50% mantendo as distancia de seguridade, nos vestarios e zonas de ducha unha ocupación máxima do 30%. A esto engadese, a obrigatoriedade de establecer turnos de uso con reserva de cita previa, limpeza e desinfección despois de cada uso, co peche temporal que conlevan estas tarefas, a reducción do espazo nas zonas de estadía das piscinas.
Estes catro Concellos teñen o problema engadido de que as súas piscinas son visitadas cada verán por un gran número de usuari@s, polo que as con nuas labores obrigadas de limpeza e desinfección dos vasos, zonas de estar e vestuarios perxudican notablemente obxectvo destas piscinas, que son a comodidade e o lecer dos seus veciños e veciñas, que se verían interrupidos constantemente.
É por iso que tras valorar a situación e analizar detidamente as continxencias propias dunha apertura segura para todos e todas, vemos que o cumprimento das restricións choca frontalmente coa finalidade que teñen este tipo de instalacións.
Polo tanto, os catro Concellos chegaron á difícil decisión conxunta de NON ABRIR as piscinas
tampouco en 2021, desexando que a evolución da COVID sexa favorable e faga máis flexibles as restricións para poder garantir deste xeito unha apertura segura e que cumpra coas expectativas dos veciños e veciñas.
Estes Concellos aproveitarán para facer as melloras oportunas nas súas respectivas piscinas cara unha nova apertura.
 

O grupo de clarinetes do Conservatorio Profesional e da Escola de Música de Tui actuará este venres, ás  20.15 h na Corredoira
Tui, 16 de xuño de 2021. Este venres, 18 de xullo, ás 20.15 h no Palco da Música do Paseo da Corredoira actuará o alumnado do grupo de clarinetes do Conservatorio Profesional e da Escola de Música de Tui, dirixidos polo profesor Esteban Alonso Ubiña.  Con diferentes formación, tríos, cuartetos, sextetos e ata nove intérpretes, ofrecerán composición de música clásica, pop, BSP, jazz e música galega.
Este é o terceiro concerto do alumnado e profesorado do Conservatorio Profesional e da Escola de Música de Tui dentro do Ciclo de Concertos na rúa que teñen lugar todos os venres de xuño e os dous primeiros, sempre que as condicións meteorolóxicas o permitan.
 
O CEIP Plurilingüe Nº2 de Tui recibe os vindeiros días 16,17,18 de xuño de 2021 o Intercambio de alumnado Erasmus+, coa visita virtual do alumnado do CEIP As Culturas de Torrevieja e o alumnado do Agrupamento de Escolas da Zona Urbana de Figueira da Foz en Portugal Tui
Tui, 16 de xuño de 2021. Dentro do Programa Europeo Eramus+ que o O Ceip Plurilingüe Nº2 de Tui está levando a cabo durante os cursos 2018-2021 co nome de  “Promovendo un Estilo de Vida Saudable e Feliz”, o alumnado de Educación Primaria participará dende o mércores 16 ata ao venres 18 de xuño de 2021,  nun “Intercambio virtual de alumnado a corto prazo” polo que visitaran o noso centro o alumnado do CEIP As Culturas de Torrevieja (Alacante) e o alumnado do Agrupamento de Escolas da Zona Urbana de Figueira da Foz de Portugal.
Este Intercambio de alumnado, estaba previsto para o curso pasado, onde o alumnado do CEIP Nº2 de Tui tiña previsto recibir ao alumnado das escolas anteriores para compartir unha semana de experiencias aquí en Tui. Debido ás circunstancias derivadas da pandemia tivo que ser cancelado.
Este curso esperábamos poder recibir a todo  o alumnado na nosa cidade, pero finalmente a viaxe  e traballo do proxecto será virtual, para poñer en valor estilos de vida saudables e felices na Península Ibérica. Este será a derradeira dun conxunto de mobilidades de alumnado para explorar a estreita relación entre España, Italia e Portugal.
Estas mobilidades teñen como obxectivo involucrar ao alumnado no proxecto, investigando e levando a cabo traballo de acondicionamento físico, talleres de alimentación saudable e clases de meditación, atención plena e Mindfulness. Durante a actividade o alumnado do CEIP Plurilingüe Nº2 de Tui aprenderán sobre a importancia de convivir cos seus compañeir@s das escolas de Alacante (en España) Figueira da Foz (en Portugal), explorarán aspectos relacionados co proxecto de ambas culturas, respectando a cultura dos outros á vez que son embaixadores do seu propio país.
Estes días, o alumnado de Tui, terá a oportunidade de integrar nas clases da  nosa escola, ao alumnado visitante, para compartir cultura, historia deportiva e dietética da nosa rexión e participaran en actividades físicas, para gozar cos seus compañeir@s. Isto incluirá contacto coa lingua materna (galego, español e portugués), mellora no idioma do proxecto (inglés), historia, cultura, artes e educación física.
A participación nestas actividades aportará resultados moi positivos, podendo o alumnado comparar e contrastar as súas tradicións en actividades físicas e alimentación saudable, coas tradicións de Portugal e Alacante, escolas da Península Ibérica . Isto desenvolverá unha maior conciencia da diversidade cultural podendo incorporalos a aspectos das súas vidas cotiás.
Outro obxectivo fundamental deste Intercambio é desenvolver habilidades para a vida, coma a tolerancia, o respecto, a independencia, a autonomía e o traballo en equipo.
Este será o derradeiro viaxe de Intercambio do alumnado do noso centro.
Durante o curso 2018 tivo lugar a primeira viaxe de Intercambio do alumnado do CEIP Nº2 ao Agrupamento de Escolas da Zona Urbana de Figueira, que durante unha semana estivo en Figueira gozando de todo o que esta oportunidade lles ofreceu.
Tamén está pendente de levar a cabo a última viaxe de formación para profesorado, que está prevista para o mes de maio. Previsiblemente será tamén de xeito virtual e será o punto de avaliación do traballo en equipo, das 5 escolas participantes no proxecto.
 
C21 aclara o caso do Fuck Truck de Ribadelouro
Tui, 16 de xuño de 2021. Ante o feito de que por sentenza xudicial o Concello de Tui ten que facer fronte a un pago de 4.500 euros debido a os feitos sucedidos en 2018, sendo Alcalde D. Carlos Vázquez Padín, ao conceder licenza a unha caravana Food Truck en Ribadelouro, e cinco días despois revocala, C21 pasa a aclarar a cuestión.  
Primeiro, e ante todo, C21 respecta e acata as decisións xudiciais, e segundo, por principios, os liberais non obstaculizamos aos emprendedores e somos dilixentes autorizando actividades económicas, sobre todo si contamos con funcionarios eficientes como foi o caso de quen tramitou este expediente.  
Ante a solicitude dun emprendedor para montar un negocio no entorno da Ponte das Febres, no Camiño de Santiago, a persoa funcionaria preguntou na Dirección Xeral de Patrimonio (Xunta de Galicia) se había algún problema e contestáronlle que non. Polo tanto, ante a aparente ausencia de obstáculos xurídicos, o Sr. Alcalde, concedeu dita licenza de actividade, con celeridade e como era a súa obriga.
Pero á semana seguinte, chegou ao Concello un mail de Patrimonio desculpándose por ter informado mal e explicando que a venda ambulante nos tramos rurais do Camiño de Santiago esta prohibida pola  Lei 13/2010 de 17 de decembro, (Art. 75).  
O Rexedor, ante esta contrariedade, non tivo máis opción que revocar a licenza porque non se axustaba a dereito, co conseguinte prexuízo para o empresario.  
Polo tanto, todo o que aconteceu foi un erro administrativo provocado por unha información equivocada procedente do ente autonómico.  
A nosa dúbida é se os servizos xurídicos do Concello puxeron de manifesto no xuízo que dende o Concello de Tui se tiña obrado de boa fe, e que dende Patrimonio se recoñecía ter informado incorrectamente nunha primeira instancia, mostrando como proba este documento.  
 
A concellería de Igualdade presenta “TUI CON ORGULLO”, unha programación para loitar contra a LGTBIfobia
Tui, 16 de xuño de 2021. Música, contacontos infantís, encontros escolares e charlas informativas compoñen o “Tui con Orgullo”. Trátase dun programa co que a Concellería de Igualdade, do Concello de Tui, pretende celebrar a diversidade e loitar contra a LGBTIfobia, con motivo do 28 de xuño, Día Internacional do Orgullo LGTBIQ.
As actividades comezarán mañá xoves, 17 de xuño, co encontro lector da escritora Eva Mejuto, galardoada co Premio Clubs de lectura 2021, co alumnado de ESO e Bacharelato dos Institutos IES San Paio e o IES Indalecio Pérez Tizón. O encontro xirará entorno á obra “22 segundos”, a primeira novela xuvenil galega que trata a temática trans. Participará tamén no acto o activista trans Marcos Ceive.
O programa recolle tamén dúas conferencias para o público adulto que se celebrarán na Sala Municipal de Exposicións, na Área Panorámica, o xoves 24 e o luns 28 de xuño, ás 20 h, con entrada libre ata completar capacidade. “A diversidade existe” será o título da charla prevista para o xoves 24 de xuño a cargo de Soledad Fernández Costas, en representación de Chrysallis Asociación Estatal de Familias de Menores Trans. Mentres o luns 28 a Asociación Trans Miño falará sobre a “Como naceu o  movemento LGTBIQ+ en España”.
Para o público infantil haberá unha sesión de contos moi especial, a cargo de Sandra Prado Ansín, co título “Contos de todas as cores”. Será o propio luns, 28 de xuño, ás 18.30 h, na Sala Municipal de Exposicións na Área Panorámica. Vai dirixida a público de 3 a 9 anos. A entrada é libre até completar a capacidade. Nesta actividade a través de contos e xogos veremos que hai moitos tipos de familias, de formas de ser e de querer, e que todas son válidas se hai amor e respecto.
A parte máis lúdica deste programa conta coa colaboración da Concellería de Cultura. Será o domingo, 27 de xuño,  ás 13 h no Palco da Música no Paseo da Corredoira da man de Lucía Aldao e María Lado, cun espectáculo poético musical chamado “O BEN QUERER(SE)”, en sesión vermú.
Con “Tui con orgullo” a Concellería de Igualdade inaugurou no Concello de Tui unha nova liña de traballo cara á visibilización e dignificación da diversidade de sexo en xénero, de cara a conseguir unha sociedade máis xusta e igualitaria, libre de discursos de odio e respectuosa coas distintas formas de ser e de querer.
 
C21 solicita actuar nos sumidoiros das Rúas Maristas e Ourense debido ao mal cheiro que emanan
Tui, 16 de xuño de 2021. O concelleiro de Converxencia 21, José Palacín, acaba de introducir por rexistro de entrada,  unha petición para que se radiquen os cheiros nas rúas Maristas e Ourense. Xa fai algún tempo C21 comunicou ao Goberno Local que se actuase nos sumidoiros da Rúa Maristas, no entorno do mercado, debido aos olores que emanaban, pero lamentablemente o problema, lonxe de solucionarse, continúa e expandido ata a Rúa Ourense, o cal  propicia as lóxicas queixas dos veciños e dos comerciantes.
C21 solicita que se estude as razóns desta anomalía, e que en todo caso,  se limpen as cloacas.  
 

II Xornada Inclusiva
Tui, 17 de xuño de 2021. No día de onte, martes 15 de xuño, no CEIP Plurilingüe Número 1 de Tui tivo lugar a II Xornada Inclusiva. A inauguración das mesmas realizáronna o Xefe Territorial da provincia de Pontevedra, César A. Pérez Ares, e o alcalde de Tui,Enrique Cabaleiro González.
Nesta ocasión acompañáronnos diversos expertos e expertas, tanto do ámbito da práctica educativa coma do ámbito teórico, aportando experiencias e boas prácticas educativas inclusivas e sustentándoas coa base teórica que permite entender a súa necesidade. En concreto, colaboraron de xeito altruísta a asesora do CFR de Vigo e experta na aprendizaxe cooperativa, Carmen Vaz, Rafael Pérez de Lis, experto en Prácticas Restaurativas, e formador no centro neste senso; o profesor de Teoría da Educación da Universidade de Málaga, investigador da diversidade e dos procesos de exclusión e inclusión educativa, Ignacio Calderón; a experta en innovación educativa inclusiva e Deseño Universal da Aprendizaxe, Coral Elizondo e o profesor de Historia do IES San Paio, Miguel Abraira. Nestas ponencias puidemos escoitar a importancia de recoñecer a inclusión coma un dereito, dereito a que poidan aprender xuntos alumnado diferente, salientando os seus talentos e achegando estratexias que lles permitan superar as súas debilidades; a necesidade da colaboración, non só do alumnado, senón entre o propio profesorado creando unha verdadeira cultura colaborativa; a potencialidade da aprendizaxe cooperativa coma un fin en sí mesma e coma medio para acadar unha verdadeira convivencia inclusiva; a importancia de implicar nesta convivencia e os procesos que nela existen á comunidade educativa, facendoos partícipes e conseguindo así unha convivencia positiva, baseada no respecto mutuo, a comprensión e a responsabilidade da comunidade.
Estas xornadas, ao igual ca o ano pasado, estiveron abertas a toda a comunidade educativa, participando nas mesmas familias, docentes de diversas etapas e especialidades, membros de servizos sociais e da corporación municipal... Dadas as circunstancias actuais, nesta ocasión, facilitouse tanto a asistencia presencial con aforo limitado, coma a participación de xeito telemático. Tamén participou o alumnado de 6º curso de educación primaria como mestres de ceremonias.
Dende o centro queremos agradecer a presenza e participación nestas xornadas de todas as persoas que as fixeron posibles.
 
Tui acolle este sábado o Campionato Autonómico Sub11 de bádminton
Tui, 17 de xuño de 2021. O Pavillón do IES San Paio de Tui é a sede elixida pola Federación Galega de Bádminton para celebrar este sábado o Campionato Autonómico Sub11 de bádminton. A competición comezará ás 10 h e tendo en conta o número de inscricións, algo máis de 40 deportistas, poderá prolongarse até ás 20 h.
A competición foi presentada este mediodía na casa do concello polo alcalde de Tui, Enrique Cabaleiro, o concelleiro de Deportes de Tui, Rafael Estévez, o presidente da Federación Galega de Bádminton, Rodrigo Sanjurjo, e a presidenta e o secretario do Club Bádminton Tui, Marisa Giraldez e Javier Argüelles.
O alcalde de Tui, Enrique Cabaleiro, amosaba a gratitude do concello e da cidade á Federación Galega de Bádminton por ter elixido Tui para a celebración deste campionato Sub11, cando se cumpre o 50 aniversario do bádminton galego, un deporte onde “Tui xoga un papel destacado”. Lembraba os numerosos equipamento deportivos que ten o municipio que “supoñen un esforzo inversor en canto a acondicionamento e coidado dos mesmos”, e destacaba o rexedor tudense  que desde o ano 2019 realizouse “un investimento de máis dun millón de euros nos nosos equipamentos deportivos”.
O concelleiro de Deportes, Rafael Estévez, agradecía o labor e o esforzo do Badminton Tui por dar continuidade ao deporte base na cidade neste ano tan complicado. Amosaba o compromiso do concello co deporte “aumentando as subvencións dirixidas aos equipos deportivos coma este de bádminton”.  
Rodrígo Sanjurjo, o presidente da Federación Galega de Bádminton, explicaba que “Tui é un piar fundamental para este deporte en Galicia e o seu club é o que máis e mellor creceu nos últimos cinco anos no bádminton galego, o máis importante de España, non só polo deportivo senón tamén polos valores que se transmiten no club tudense”. Destacou tamén o próximo curso de monitor de bádminton que se vai impartir proximamente en Tui.
Pola súa banda, a presidenta e o secretario do Club Bádminton Tui, Marisa Giráldez e Javier Argüelles, expresaron o seu agradecemento polo compromiso dos implicados na organización do campionato, tamén a federación e o Concello de Tui polo seu soporte.
Na competición participarán un total de 40 nenas e nenos menores de 11 anos que xogarán nas categorías feminina e masculina, e en dobres feminino, masculino e mixto. Por parte do Club Bádminton Tui participarán 5 cativos que a semana seguinte competirán no Campionato de España en Santander na mesma categoría. “Todo un fito para un club tan humilde, moi centrado no deporte base” sinalaba o secretario do club.
O público non poderá asistir ao evento xa que os deportistas e técnicos completa o aforo máximo permitido na grada.
 
A xestión das comunidades de montes centra o sábado o programa de actividades do Día Mundial do Medio Ambiente
Tui, 17 de xuño de 2021. O Concello de Tui continúa esta fin de semana, cun documental e un coloquio sobre as comunidades de montes e a xestión forestal, o programa de actividades que puxo en marcha este mes para celebrar o Día Mundial do Medio Ambiente coa colaboración das concellerías de Medio Ambiente e de Cultura e Educación.
“O monte en man común, xestión forestal e legado histórico” é o título da actividade prevista este sábado de 11 a 14 h na Sala Municipal de Exposicións na Área Panorámica. Comezará coa proxección do documental “En todas as mans” dirixido por Diana Toucedo. No mesmo reflíctese distintas experiencias de xestión do monte en man común en Galicia e Portugal. Ás 13 h coa charla-debate sobre as comunidades de montes e xestións dos recursos forestais coa intervención de persoas e entidades que participaron no documental xunto a representantes de comunidade de montes e persoas ligadas á xestión forestal.
Amais o martes, 22 de xuño, ás 20 h, Títeres en Tu Casa presenta o espectáculo teatral “Operación Plancton” na Sala de Exposicións. Trátase dunha obra de monicreques sobre o plancton e a problemática dos microplásticos no mar dirixida a nenas e nenos dende os 3 anos.  A entrada é gratuíta pero é preciso inscrición previa no correo compostaxe@tui.gal ou no teléfono 687 24 99 53.
 

La IX edición de IKFEM tendrá lugar del 18 al 22 de agosto en la Eurociudad Tui-Valença
Tui, 18 de xuño de 2021. El festival IKFEM celebra el regreso de su programación a la época estival con un concierto el 26 de junio en la Catedral de Tui, una de sus sedes más emblemáticas y queridas por el público.
La cita, protagonizada por el organista Thomas Ospital y en coproducción con el Centro Nacional de Difusión Nacional dependiente del Instituto Nacional de Artes Escénicas y Música (INAEM) del Ministerio de Cultura y Deporte, forma parte de Ciclo El órgano en las Catedrales y será la antesala de la IX edición del Festival, que se celebrará del 18 al 22 de agosto en la Eurociudad Tui-Valenca y cuyo cartel se dará a conocer en los próximos días.
El acceso a este concierto será de aforo muy limitado y con invitación, que se puede retirar en la web de Ataquilla.
Thomas Ospital
Nacido en 1990 en el País Vasco francés, Thomas Ospital comienza sus estudios musicales en el Conservatorio de Bayona con Esteban Landart. Continúa sus estudios en el Conservatorio Nacional Superior de Música de París con profesores como Olivier Latry, Michel Bouvard, Thierry Escaich, Philippe Lefebvre, Laszlo Fassang, Isabelle Duha, Pierre Pincemaille y Jean-François Zygel. Termina la carrera obteniendo cinco Primeros Premios en las clases de órgano, improvisación, armonía, contrapunto y fuga.
Gana numerosos premios en concursos internacionales como los de Zaragoza, Chartres, Toulouse y Angers.
En 2015, después de una selección competitiva, es nombrado titular del gran órgano de la iglesia de Saint Eustache de París. En 2016 es invitado por la Radio Nacional Francesa a ser el primer organista en residencia del nuevo instrumento Grenzing.
Desde 2017, es profesor de armonía al teclado del Conservatorio Nacional Superior de Música de París. Su actividad como concertista le lleva a recorrer el mundo, como solista o con orquesta sinfónica.Ha grabado dos discos, el primero de ellos con obras de Franz Liszt y el segundo con repertorio de Bach y Thierry Escaich.
El Festival IKFEM
Una experiencia única para disfrutar de la música entre dos países, España y Portugal, con los artistas referentes de la Península Ibérica y la singularidad de los instrumentos de teclado desde la música medieval a la electrónica en los espacios más bellos de la Eurociudad Tui-Valença.
Es también una cita con la formación, los jóvenes talentos, la cultura eurorregional y la fusión con otras expresiones artísticas. Un formato único en el mundo que ha contado con artistas como Ainhoa Arteta, Pedro Burmester, Carlos Núñez, Os Azeitonas, Agatha Ruiz de la Prada o Katty Xiomara, entre muchos otros.
La programación de la IX edición del Festival, que tendrá lugar del 18 al 22 de agosto, se dará a conocer próximamente.
 
O presidente de Turismo Porto e Norte de Portugal, Luís Pedro Martíns, intervirá o martes no Foro do Camiño Portugués
Tui, 18 de xuño de 2021. O vindeiro martes, 22 de xuño, desenvolverase o terceiro relatorio do Foro do Camiño Portugués, creado polo Concello de Tui no mes de abril. Nesta ocasión contará coa intervención de Luís Pedro Martíns, presidente de Turismo do Porto e Norte de Portugal, entidade de promoción turística que agrupa ás administracións públicas e aos diversos axentes implicados no sector turístico do Norte de Portugal
A presenza do presidente de Turismo do Porto e Norte é unha excelente oportunidade para coñecer como esta entidade aborda a promoción do Camiño de Santiago Portugués no escenario que marca a superación da pandemia da Covid 19 e a celebración do ano Xacobeo 2021-2022. Igualmente permitirá achegarse ao proceso de certificación das rutas xacobeas que está en pleno proceso no país veciño.
Luis Pedro Martins ocupa a Presidencia de Turismo do Porto e Norte dende 2019 e a dirección da Asociación de Turismo de Porto dende 2020. Anteriormente foi director executivo da Torre dos Clérigos de Porto.
Esta conferencia terá lugar o vindeiro martes 22 de xuño ás 19,00 horas na Aula Cemit  (Edificio “Francisco Sánchez” – antiga Área Panorámica, rúa Colón,2 primeiro andar, entrada por portas 4 e 12) e poderase seguir por streaming a través da páxina web do Concello de Tui: www.tui.gal. Un número limitado de persoas poderán asistir presencialmente ata completar o aforo do local, debendo realizar unha inscrición previa -por rigoroso orde de chegada- a través do correo electrónico: biblioteca@tui.gal.
Para o concelleiro de Patrimonio, Turismo e Camiño de Santiago, Laureano Alonso, o Concello de Tui avanza nas actividades deste “Foro do Camiño Portugués”, que inaugurou o pasado 20 de abril Juan Manuel López-Chaves ao que lle deu continuidade a directora de Turismo de Galicia, Nava Castro, o 25 de maio. Este Foro súmase a outras medidas impulsadas dende o Concello a prol do Camiño ao entender que a ruta xacobea é un dos principais recursos patrimoniais e turísticos do noso concello: a creación da Mesa do Camiño, o impulso a actividades diversas, publicacións, a posta en marcha do perfil de Facebook “Camiño Portugués. Tui” con máis de 2.200 amigos, etc.
Laureano Alonso sinala que esta iniciativa de creación do “Foro do Camiño Portugués” forma parte da vontade do Concello de Tui de prepararse para o escenario post-covid no ámbito da peregrinación xacobea levando adiante novas iniciativas que contribúan ao posicionamento do Camiño Portugués e de Tui cara ao futuro que como estamos comprobando neste último mes comeza a recibir peregrinos de múltiples nacionalidade abrindo un esperanzador horizonte.
 
Corte programado na tubería de abastecemento á parroquia de Areas en Tui e aos concellos do Baixo Miño
Tui, 18 de xuño de 2021. O Consorcio de Augas do Louro informa da realización dun corte de subministro da tubaxe principal de fundición de 450 mm de diámetro que abastece ao polígono de Areas, á parroquia de Areas e aos Concellos de Tomiño, O Rosal e A Guarda, programado para o vindeiro luns 21/06/21 a partires das 23:00 horas e ate o martes 22/06/21 ás 07:00 horas.
O corte de subministro é debido á necesidade de conectar esta tubaxe, afectada pola construción dun paso inferior da Vía de Alta Capacidade Tui – A Guarda, cunha nova tubaxe provisional durante obras que está executando a Axencia Galega de Infraestruturas no termo municipal de Tui.
O corte afectará durante esas oito horas aos usuarios do polígono de Areas e da parroquia de Areas, non sendo previsible que o corte afecte aos usuarios de Tomiño, O Rosal e A Guarda.
O desvío será executado pola Axencia Galega de Infraestruturas e se estima que o abastecemento a través da nova tubaxe desviada prolongarase durante catro meses aproximadamente.
 
Ábrese un novo prazo de inscrición para o Campamento de Verán Igual É + até o próximo mércores 23 ás 14 h
Tui, 18 de xuño de 2021. Até o próximo mércores, 23 de xuño, ás 14 h está aberto un novo prazo inscrición para o Campamento de Verán “Igual é +” Tui 2021. A existencia de prazas vacantes levou ao concello a abrir este novo. Hoxe mesmo publicouse na web municipal www.tui.gal a listaxe cos nenos e nenas admitidos nas dúas quendas establecidas.
Agora os participantes admitidos deberán solicitar a carta de pago do campamento presencialmente no departamento de Tesourería ou no correo cobros@tui.gal, e efectuar o pago dos 30,56€ por participante e quenda.
As novas inscricións realizaranse cubrindo a documentación requirida, e a admisión realizarase por orde de entrada no rexistro do concello até completar o número de prazas dispoñible.
O martes 29, ás 20.30 horas, no novo pavillón deportivo municipal de Tui, realizarase unha reunión informativa cos/as pais/nais/titores/titoras das persoas participantes, mantendo as medidas de seguridade establecidas en materia de COVID19.
 

Gran jornada de badminton en Tui con el Campeonato Gallego Sub11
Tui, 20 de xuño de 2021. Agradecer a todos los clubs participantes su colaboración, deportividad y buen comportamiento Bádminton Suflenorsa As Neves, CD Hydra, Club del Mar de San Amaro, Club Bádminton Ravachol Pontevedra, Club bádminton A Estrada, Badminton Vigo Escola Rosalia y Club Bádminton Athlos Ourense, al igual que al quipo arbitral.
 
Agradecer también la presencia de Rodrigo Sanjurjo, presidente de la Federación Galega de Bádminton y de Rafa Estevez Martinez, Concejal de Deportes del Concello de Tui.
Y felicitar especialmente a nuestros cinco deportistas, que consiguieron 9 medallas, subiendo al podio en todas las categorías:
ORO Mikel Martínez y Iago Días-Fierros, en Doble Masculino
PLATA Alexia Pérez y Mariña García, en Doble Femenino
BRONCE Alexia Pérez y Martín Gándara, en Doble Mixto
BRONCEMartín Gándara (con Xoel de As Neves), en Doble Masculino
BRONCEMariña García, en Individual Femenino
BRONCEMikel Martínez, en Individual Masculino
Y en el equipo arbitral además de nuestro MatchControl Javier, tuvimos como "marcadores-arbitros" a Bruno, Daniela y Jessica que se estrenaban en esa labor y que hicieron un buen trabajo.
La próxima semana estos mismos deportistas vivirán una nueva experiencia importante ya que participarán en el Campeonato de España que se celebrará en Santander. Un merecido "regalo" que esperamos disfruten.
 

Tui recibirá máis de 300 mil euros para converter o cárcere vello nun centro de acollida de peregrinos e visitantes
Tui, 22 de xuño de 2021. Tui recibirá 329.859,49 € do Plan Nacional Turístico Xacobeo 2021-22 para converter o cárcere vello nun centro de acollida e interpretación de peregrinos e visitantes, proxecto que foi financiado integramente polo Concello de Tui.
O Plan Nacional Turístico Xacobeo ten por obxectivo impulsar os Camiños de Santiago. Foi presentado hai uns días pola ministra de Industria, Comercio e Turismo, Reyes Maroto.
O obxectivo é crear no Cárcere Vello un novo espazo cultural de referencia para a cidade no que dinamizar as visitas ao Conxunto Histórico-Artístico de Tui. O proxecto redactado pola empresa Trivium estratexias en cultura e turismo S.L., contempla o acondicionamento do local e montaxe do Centro Cárcere Vello para a acollida aos visitantes do conxunto histórico de Tui e aos peregrinos do Camiño de Santiago.
Estas instalacións serán completamente reformadas para acoller un proxecto museográfico que porá en valor o patrimonio e legado histórico de Tui. Os espazos expositivos contarán coa tecnoloxía máis punteira. Os visitantes poderán realizar experiencias audiovisuais inmersivas a través de holografías e paneis interactivos que percorrerán as orixes prehistóricas de Tui, a vía romana que a atravesaba, as invasións normandas e musulmáns, o mercado medieval e os personaxes da nobreza que protexían a cidade, a relación milenaria con Portugal, a fenomenal comunidade xudía e a simboloxía secreta que utilizaban. Tamén destacarán personaxes ilustres tudenses como o filósofo Francisco Sánchez, precursor de Descartes, ou Frei Rosendo Salvado, evanxelizador de Australia. A exposición permanente contará cunha sala dedicada en exclusiva ao Camiño Portugués a Santiago.
O Centro Cárcere Vello será completamente accesible grazas á instalación de elementos de mobilidade e paneis informativos adaptados para persoas con diversidade funcional e cognitiva. Contará ademais cun Programa Didáctico, con varios espazos reservados a tal fin, con actividades e visitas dirixidas á comunidade educativa.
O Centro Cárcere Vello de Tui será tamén un lugar de acollida de peregrinos que disporán dunha consigna onde poderán gardar os seus vultos e visitar tranquilamente o centro da cidade. O complexo disporá dunha zona recreativa con espazos verdes, fonte, bancos, aparcadoiro para bicicletas, e servizos de venda de bebidas. O patio do Cárcere Vello estará aberto para conformar unha nova praza pública para o goce de tudenses e visitantes.
O alcalde de Tui, Enrique Cabaleiro, amosa a súa satisfacción por esta achega que permitirá converter o cárcere vello nun punto de referencia en pleno Camiño Portugués ao seu paso por Tui. E que a súa vez permitirá tamén pór en valor e avanzar na recuperación do conxunto histórico. O proxecto a executar combinará o patrimonio e a historia tudense coas últimas tecnoloxías nun proxecto innovador e accesible. Asemade agradece a Directora Xeral de Turismo da Xunta de Galicia, Nava Castro as xestións realizadas para a inclusión deste proxecto no Plan Nacional Turístico Xacobeo 2021-2022, que lle fora trasladado para a súa tramitación.
O concelleiro de Patrimonio e Camiño de Santiago, Laureano Alonso, considera de vital importancia o investimento no Camiño Portugués ao seu paso por Tui que redundará positivamente na cidade.
 
Este domingo celébrase o VII Campionato Ibérico de Kung Fu da Eurocidade Tui-Valença
Tui, 22 de xuño de 2021. Tui acolle este domingo 27 de xuño, a partir das 10:30 horas, no novo pavillón deportivo municipal, o VII Campionato Ibérico de Kung Fu Eurocidade. Este evento está organizado polo Club Di Som Tui, en colaboración coa Eurocidade Tui-Valença e a Federación Galega de Kung Fu. O evento poderá seguirse en liña a través da canle de Youtube da Federación Galega de Kung Fu, ou presencialmente até completar o aforo do pavillón.
O evento foi presentado hoxe no salón de plenos do Concello de Tui. A presentación contou coa presenza do alcalde de Tui, Enrique Cabaleiro, o concelleiro de Deportes de Tui, Rafael Estévez, a vereadora de Educación da Cámara Municipal de Valença, Elisabete Domingues, así como a do presidente da Federación Galega de Kung Fu, Carlos Alonso, o director do campionato, Eduardo Méndez, e o director do departamento de Kung Fu moderno da Federación Galega de Kung Fu, Aarón Blanco. Amáis tamén participaron, Julio Conde, campión do mundo de Kung Fu e Elena Cruces, actual campioa galega de Kung Fu.
O alcalde de Tui, Enrique Cabaleiro, sinalaba na súa intervención que “esta proba da Eurocidade Tui-Valença, aínda que só se realizará no Concello de Tui, é de enorme valor e supón un recoñecemento que pon de manifesto o significado da Eurocidade e o traballo que se leva facendo en moitos ámbitos, especialmente no deportivo, unha das nosas sinais de identidade conxuntas”. Remataba dicindo que “os tudenses e valencianos nos congratulamos todos de ser a sede de moitos campionatos, de ter deportistas de recoñecido prestixio e de ter entre as dúas cidades un número de equipamentos deportivos importante”.
O campionato de Kung Fu dividirase nunha parte de Kung Fu tradicional e outra de Kung Fu moderno. Participarán 325 deportistas e o evento contará coa participación dos 15 mellores competidores de Galicia seleccionados fai quince días en Ourense, xunto a unha selección de competidores de Portugal, a maioría medallistas na súa federación. “Na competición demos un salto de calidade no deportivo e ademais faremos o campionato máis visual para o público, coa instalación dun novo sistema dixital de marcadores no pavillón que facilitará o seguimento da competición”, sinalaba o presidente da Federación Galega de Kung Fu, Carlos Alonso.
Dende a directiva da Federación Galega de Kung Fu salientan tamén o importante esforzo levado a cabo dende a organización para a retransmisión do campionato, co despregamento de máis de oito cámaras e un equipo de montaxe de primeiro nivel. “Na anterior edición houbo picos de conexión de máis de 6.000 persoas polo que o campionato vai estar aberto moito máis lonxe do que é a presencia limitada de público nas instalacións de Tui”, sinalaba o presidente da federación galega.
A organización asegurará o correcto cumprimento da normativa para a prevención de contaxios por covid-19 e ademais estableceranse grupos burbulla entre os diferentes equipos e xogadores. Todos os participantes realizaran, previo inicio da competición, unha proba PCR obrigatoria como medida adicional de seguridade.
 

O Concello de Tui conmemora o CXXX aniversario dos Xogos Florais de Galicia (1891-2021) cun recital poético
Tui, 23 de xuño de 2021. O Concello de Tui, a través da súa concellaría de cultura, conmemorará esta semana o CXXX aniversario da celebración na nosa cidade dos Xogos Florais de Galicia, que tiveron lugar do 24 ao 26 de xuño do ano 1891 e que marcaron un singular fito na historia de Galicia, ao ser o primeiro acto público celebrado integramente na nosa lingua.
Esta conmemoración consistirá na celebración dun recital poético este venres, 25 de xuño ás 20.00 horas na Praza de Frómista (fronte ao Teatro Principal que acolleu os actos centrais destes Xogos Florais), titulado “Xela Arias no século XXI”. Un recital que reunirá as compañeiras de xeración da escritora galega a quen estivo dedicado este ano o Día das Letras Galegas. O acto estará presentado pola escritora Susana Trigo e contará coa presenza de Ana Romaní, Cristal Méndez, Marga do Val e María Xosé Queizán.
A parte musical deste recital poético estará a cargo da Orquestra do Conservatorio Profesional de Música de Tui. O cartel desta conmemoración foi deseñado por Enrique Maté Sánchez.
Para a concelleira de Cultura do Concello de Tui, Sonsoles Vicente Solla, estes actos conmemorativos do CXXX aniversario da celebración en Tui dos Xogos Florais de Galicia, “sitúan por uns días a nosa cidade como protagonista no ámbito da cultura de Galicia e evidencian unha vez máis, a singular achega de Tui á cultura de Galicia realizada ao longo do tempo, salientando este acontecemento dos Xogos Florais que supuxeron a recuperación da nosa lingua no ámbito público”.
Recital poético
O recital poético contará, de xeito extraordinario, coa presenza das compañeiras de xeración de Xela Arias nun recital único neste ano dedicado á figura de Xela Arias.
Ana Romaní (Noia, 1962). Entre 1985 e 1989 foi actriz de dobraxe. En 1988 realiza con Chema Gagino o programa de humor “A Viborona” en RNE-Radio Catro. En 1989 incorpórase á Radio Galega. Desde 1990 ata xullo de 2018 dirixe nesta emisora o programa Diario Cultural, de emisión diaria. Ana Romaní é membro da Real Academia Galega, Premio Nacional de Xornalismo Cultural do Goberno de España en 2018. Publicou os poemarios “Palabra de Mar” (Ed. Espiral Maior, 1987), “Das ultimas mareas” (Ed. Espiral Maior, 1994), “Arden” (Ed. Espiral Maior, 1998), “Estremas” (Galaxia, 2020) e “A desvértebra” (2020). Por este libro foille concedido, hai uns días, o Premio da Crítica 2020 á poesía en lingua galega. É autora tamén do conto "Marmelada de amoras" (Nova 33, 1997), e “Antoloxía de Antón Avilés de Taramancos” (Ed Galaxia, 2003). Coordinou o volume de relatos “Narradio. 56 historias no ar” (Ed Xerais, 2003) promovido polo Diario Cultural da Radio Galega.
Cristal Méndez (Vigo, 1964), cantante e poeta, inicia a súa formación artística en Berlín e máis tarde en Galicia onde comeza a súa carreira como cantautora e funda o grupo "Mar de fondo". Gravou un disco de swing e bossa coa formación jazzística Crazy coraçao. Dirixiu e interpretou o espectáculo de música e poesía "A lei dá selva" (1999) e a performance de canto e poesía "Andamos a moer" (2001). Tamén participou como intérprete e compositora en varios espectáculos e montaxes teatrais como "Libreacan" (2002) ou "Cabral capricornio" (2003), este último baseado en textos seus. “Amizade con Mowgli” (Espiral Maior, 1997) foi o seu primeiro libro de poemas. A súa poesía tamén se atopa en revístalas “Dorna” e “Festa dá palabra silenciada”. Afincada en Barcelona desde o ano 2000, n 2018, retorna a Galicia para se establecer no Baixo Miño e continuar coa súa actividade como ensinante de canto.
Marga do Val (Vigo, 1964), nome literario de Marga Romero Lorenzo. É licenciada en Filoloxía Hispánica, Galego-Portugués pola Universidade de Santiago de Compostela w profesora de Ensino Medio de Lingua e Literatura Galega.  Crítica literaria e articulista en diversos medios, autora de varios poemarios ("Entre dunas", "Poemas pola memoria", "Sarabia", “A cidade sen roupa ao sol” pola que obtivo o Premio da Critica en 2011), da novela "O prognóstico da lúa" e de varias adaptacións teatrais para a compañía viguesa "Teatro Arte Libre", así como a tradución de diversas obras literarias: ” Cousas da rapazas”, de Peter Bichsel, en colaboración con Joachim Wormuth (Alfaguara, 1998), “A Casa da paixón”, de Nélida Piñón (Galaxia, 2006) e “Randea do alento”, de Herta Müller (Xerais, 2010) premio á tradución da  Asociación de Escritores en Lingua Galega (AELG) no ano 2011. Autora de diversos ensaios sobre Otero Pedrayo, Rafael Dieste, Carolina Otero (La Bella Otero) e Lorenzo Varela. Marga do Val está estreitamente vinculada á nosa cidade.
María Xosé Queizán (Vigo,1939), foi Catedrática de Lingua e Literatura galega, impartindo clases nun IES de Vigo. Pioneira no feminismo en Galicia, é Presidenta de FIGA (Feministas Independentes Galegas) e colaboradora literaria de "La Voz de Galicia". É Directora da revista "Festa da palabra silenciada" e, dende 1999, da colección "As Literatas" de Edicións Xerais de Galicia. É Escritora, tradutora e conferenciante. En 1977 publicou o ensaio “A muller en Galicia” ao que lle seguiría en 1980 “Recuperemos as mans” e, en 1998, “Misoxinia e racismo na poesía de Pondal” (Laionvento). En 1989 publicou unha obra de teatro, “Antígona ou a forza do sangue”, coa que quedou finalista do Premio Álvaro Cunqueiro. O seu primeiro poemario “Metáfora da metáfora” apareceu en 1991, seguido por “Despertar das amantes” en 1993 e “Fóra de min” en 1994. Como tradutora, figuran no seu haber pezas como: “O caderno azul de Marguerite Yourcenar”, e tamén contos de Karen Blixen, Emilia Pardo Bazán e Charlotte Perkins Gilman. No outono de 2018 publicou en Xerais o libro de memorias “Vivir a galope”.
Susana Trigo Arcos (Vigo, 1964), escritora e profesora de ensino medio. Foi compañeira de Xela Arias no Vigo dos anos oitenta.
Xogos Florais
Estes actos rememoran a celebración na nosa cidade o 24 de xuño de 1891 dos Xogos Florais de Galicia, primeiro acto público realizado integramente na nosa lingua, e que organizados pola Asemblea Rexionalista Galega, premiaban composicións en galego e castelán de diversos xéneros, como no caso tudense, a poesía. O primeiro presidente da institución, Manuel Murguía, converteríase aquel día no primeiro intelectual en dirixirse ao público en galego, lendo un discurso que constitúe un compendio do seu pensamento historicista e reivindicador, sinalando que o principal obxectivo era "o renacemento dunha nacionalidade case morta e esquecida por medio da literatura, das tradicións e da historia".
Na cidade de Tui unha Xunta Rexionalista, integrada por Manuel Fernández de Herva, como presidente,  xunto a Eduardo Caballero Canals, o cóengo Antonino Cerviño González, Juan Areses Alonso, o tamén cóengo Manuel Lago González, Juan Álvarez Cardero, Indalecio Rodríguez de Córdoba, Justo Salvador Fortes, Leoncio Comesaña González, Vicente García Rivera e Martín Díaz Spuch, organizaron, como representantes do Consistorio dos Xogos, un amplo programa que supuxo incluso o traslado das festas patronais de San Telmo. Do amplo programa desenvolvido salienta o propio acto dos Xogos, xunto a un concurso de gaiteiros, un banquete "rexionalista" ou a función solemne de San Telmo na Catedral tudense coa actuación da orquestra catedralicia dirixida polo mestre Manuel Martínez Posse.
 

O alcalde de Tui, Enrique Cabaleiro, recibe na casa do concello o novo comandante naval do Miño
Tui, 24 de xuño de 2021. Hoxe tivo lugar na Comandancia Naval do Miño o acto de Entrega de Mando ao capitán de corbeta Pablo Redondo Belzunce.  Estivo presente no acto o almirante de Acción Marítima, Juan Luis Sobrino Perez-Crespo e o capitán saliente, Juan Díaz Rodríguez, xunto a subdelegada do Goberno en Pontevedra, Maica Larriba.
A subdelegada de  Goberno, Maica Larriba, participou hoxe no acto de Entrega de Mando ao capitán de corbeta Pablo Redondo Belzunce. Estivo presente no acto o almirante de Acción Marítima, Juan Luis Sobrino Perez-Crespo e o capitán saliente, Juan Díaz Rodríguez, a quen Larriba quixo adicar unhas palabras.
A subdelegada destacou de Díaz Rodríguez o seu compromiso e labor á fronte da Comandancia Naval do Miño. “Foi un último ano e medio complicado, que nos serviu para comprobar os efectos que ten restablecer unha fronteira da cal xa nos esqueceramos. Porque por fortuna este río que hoxe temos ás nosas costas e que un día serviu de fronteira natural, co paso do tempo converteuse nun nexo de  unión entre ambas beiras, e sobre todo, nun eixo de cooperación transfronteiriza”, explicou en declaracións Larriba.
A subdelegada lembrou tamén o Tratado de Límites, que ano a ano rubrica cada país e que hoxe é un acto de irmandade entre ambos pobos. “O que fai séculos separou aos dous estados hoxe serve como nexo de unión e permite unha xestión dos recursos naturais desde o punto de vista da solidariedade e a sostenibilidade”, afirmou Larriba.
A subdelegada quixo tamén poñerse a disposición do novo capitán, ao que lembrou “que sempre poderá contar coa colaboración desta subdelegada e de toda a Subdelegación do Goberno de Pontevedra”.
Por outra parte, o alcalde de Tui, Enrique Cabaleiro, recibía esta mañá na casa do concello ao novo comandante naval do Miño, Pablo Redondo Belzunce, ao almirante de Acción Marítima, Juan Luis Sobrino Perez-Crespo, e ao capitán saliente, Juan Díaz Rodríguez, a quen lle transladou o seu agradecemento e o de toda a cidade pola súa labor ao fronte da Comandancia Naval do Miño. Ademais obsequioulle cun recordo conmemorativo da súa estancia na cidade durante o tempo que permaneceu no cargo.
A Comandancia Naval do Miño
A Comandancia Naval do Miño foi creada no ano 1989 polo R.D. 1333/88 no cal se establecían as zonas marítimas e a división do litoral en provincias e distritos marítimos.
O mesmo decreto estableceu que esta Comandancia Naval desempeñe os labores encomendados á Armada en virtude dos acordos entre España e Portugal relativos ao Tramo Internacional do Río Miño.
Adscritos a esta Dependencia quedan o patrulleiro de vixilancia interior "Cabo Fradera", o cuartel e vivenda de Tui, os destacamentos navais establecidos ao longo do río (Camposancos, Forcadela, Salvaterra e Arbo), e os botes e embarcacións menores asignados ás citadas dependencias.
Como herdeira da antiga "Ayudantía Militar de Mariña" e do "Cuartel Cabo Fradera", a Comandancia asumiu tamén as funcións de ambos, facéndose cargo da xestión administrativa do río —expedición de licenzas de caza e pesca, control de obras realizadas nas marxes do río e da explotación dos recursos naturais — e das funcións de vixilancia no Miño.
 
O alumnado do CEIP de Rebordáns preparou sobres con plantas medicinais para os peregrinos
Tui, 24 de xuño de 2021. Este martes un grupo de alumnos do CEIP de Rebordáns visitaron a Oficina de Turismo de Tui para entregar unha colección de sobres con plantas medicinais, preparados por eles mesmos, aos peregrinos e peregrinas que visitan a nosa cidade. Alí explicáronlle a súa iniciativa ao alcalde de Tui, Enrique Cabaleiro, e ao concelleiro de Turismo e Camiño de Santiago, Laureano Alonso. Ambos dirixentes agradeceron o seu traballo e a achega deste material.
Como informa a dirección dese centro escolar: “Todo partiu do proxecto de Horto Escolar deste curso: Plantamos diversas herbas aromáticas e medicinais, regámolas, coidámolas con agarimo e... unha vez recollidas, ocorréusenos clasificalas en sobres para ofrecerllas aos peregrinos e peregrinas, sentíndonos de este modo parte activa deste concello. Nos sobres explicamos as propiedades curativas de cada herba, así coma o obxectivo desta actividade. Escribímolo en galego, castelán e inglés para que a nosa mensaxe chegara a todos.”
Para o alcalde de Tui, Enrique Cabaleiro, esta iniciativa escolar pon en valor o traballo colaborativo en relación ás rutas xacobeas, a sensibilización dos escolares en torno a este fenómeno da peregrinación e o seu amplo patrimonio, neste caso natural, relacionado co Camiño de Santiago. Tamén felicitou ao alumnado e profesorado do CEIP de Rebordáns por esta feliz iniciativa.
Pode atoparse máis información sobre este proxecto no enderezo https://www.edu.xunta.gal/centros/ceipderebordans/
 

A próxima semana celébrase en Tui o I Festival da Cultura Tradicional e Folk
Tui, 25 de xuño de 2021. Tui acolle a semana que vén o I Festival da Cultura Tradicional e Folk. O evento, organizado pola Asociación Cultural Deportiva Recreativa Xuvenil San Telmo de Tui, celebrarase do xoves 1 de xullo ao domingo 4 de xullo e incluirá un programa de actividades cheo de cultura e tradicións.
O festival foi presentado esta mañá na casa do concello coa participación do alcalde de Tui, Enrique Cabaleiro, a concelleira de Cultura, Sonsoles Vicente, Conchi Sales, a presidenta da Asociación Cultural Deportiva Recreativa Xuvenil San Telmo, David Carbó e Yohel Santos, actor e director da obra de teatro "O Estraperlo", Miguel Ángel Pena Castro, presidente da asociación Fiadeiro que porá música en directo a obra , e  Anxo Lorenzo, gaiteiro.  
Para Enrique Cabaleiro este festival é “unha proba do traballo en defensa da cultura galega de todos os organizadores, en especial o da Asociación San Telmo. Indicaba  que este evento se vai ir consolidando e crecendo ano a ano xa que trata sobre algo que formou parte da nosa cultura e da nosa forma de ser, sobre unha época marcada polo estraperlo, recuperando así unha parte do noso legado e identidade.
A concelleira de cultura, Sonsoles Vicente, destacaba que “o Concello de Tui conta cun orzamento de subvencións de 71.000 euros co que axuda a máis de 24 asociacións, promocionando todas aquelas iniciativas, tanto privadas coma de asociacións, que queiran traer ao noso concello”.
Durante estes días celebraranse diferentes actividades culturais, que darán comezo coa inauguración da II Mostra de Vestimenta e Xoiaría Tradicional, o xoves día  1 ás 19.00 h no Cárcere Vello en Tui. Esta Mostra estará aberta ata o domingo 4 de xullo, día  no que finalizarán as actividades deste I Festival da Cultura Tradicional e Folk.
O venres día  2 estrearase no Teatro Municipal, na Área Panorámica, a obra teatral “O Estraperlo”, froito do traballo  de recollida realizado nos últimos anos pola Asociación.
Conchi Sales, presidenta da Asociación Cultural Deportiva Recreativa Xuvenil San Telmo, destacaba na súa intervención que o  obxectivo “é recuperar costumes e tradicións que se perderon no Baixo Miño e esta obra de teatro sobre o estraperlo é unha boa mostra diso”. Sinalaba que fixeron unha gran labor de recollida “visitando nas casas e coñecendo  as vivencias desa xente que non tiña medios e recorría ao contrabando”
Pola súa banda Yohel Santos e David Carbó, director e actor da obra de teatro “O Estraperlo”, falaron da  “pescuda creativa realizada, partindo dun material tan bo e tan propio para realizar a obra, buscando  palabras, lugares ou accións físicas a través das cales os actores foron confeccionado as diferentes escenas”.
O sábado día 3, terá lugar o xa enraizado Certame de Gaita e Tamboril, que celebrará a  súa 6ª edición ás 20.30 h na Praza de San Fernando. Contará con participantes das catro  provincias do país. A xornada rematará co Concerto de Anxo Lorenzo e  invitados especiais, que dará comezo tralo certame, ás 23.00 h, no pórtico da Catedral de Tui. O concerto retransmitirase en directo a través do Facebook da Asociación San Telmo de Tui.
Anxo Lorenzo animaba a achegarse a Tui eses días para “desfrutar dun espectáculo único deseñado para o espazo da plaza da Catedral”. Sinalaba que “no concurso de gaiteiros solistas participarán nove músicos cun nivel altísimo de participantes, algo que demostra o gran interese que hai por vir a participar a Tui”.
O broche final desta primeira edición do festival, darano as clases maxistrais no Cárcere Vella do domingo día 4, nas que se contará con grandes músicos en diferentes disciplinas como a zanfona, a gaita, o baile  tradicional, o whistle, o acordeón, o pandeiro, percusión tradicional ou corda  pulsada. Á fronte destas clases maxistrais teremos a Anxo Lorenzo nas disciplinas de gaita galega e whistle, e Ruth Pérez será a encargada de impartir a aula de baile tradicional, quen fará un pequeno percorrido por algúns dos lugares da comarca dos Ancares, onde verán diferentes recursos e xeitos do baile solto. Carlos Álvarez impartirá a clase maxistral de pandeiro de man, e Kinhos Saburido a de percusión tradicional. Ademáis, Gutier Álvarez será o encargado de dirixir a clase de zanfona, mentres que Rubén Bada impartirá a de corda pulsada. Por último, Jorge Juncal dará a clase de acordeón.
 
C21 congratúlase de que o Concello asumise a súa iniciativa de adecentar e asegurar o edificio da Rúa Concordia 47
Tui, 25 de xuño de 2021. O concelleiro do partido liberal de Tui, ven de congratularse de que, por fin, o Goberno Local asuma os traballos de adecentamento do edificio da Rúa Concordia nº 47, (antigas instalacións de Cam-Fram), o cal entrañaba un foco de perigo, sobre todo debido aos cristais rotos colgantes e que supoñía unha imaxe espantosa en plena entrada de Tui.  
Esta iniciativa procede dun rexistro de entrada de Converxencia 21, concretamente do día 12 de decembro de 2019, no que C21 pedía no marco da súa campaña #tuiseguro, que se actuara, precisamente, na seguridade do perimetrado e se retiraran os cristais de dentro do edificio, insistindo posteriormente sobre a mesma cuestión durante varias sesións plenarias.  
Cara ao futuro, onde este edificio acadará a súa funcionalidade, José Palacín pide: “Reflexión e diálogo ao Goberno Local ao respecto das decisións que se tomen no movemento de pezas e a utilización dos edificios públicos porque o sucedido co parking é un exemplo de hipoteca asumida unilateralmente por un Goberno pero que afectará de por vida a tódolos tudenses, e isto non pode volver a ocorrer.
En todo caso, os liberais felicitan ao Goberno por iniciar as abras de apuntalamento da seguridade en Concordia 47, se ben consideran o gasto da actuación algo elevado”.  
 

Resultados de badminton
Tui, 28 de xuño de 2021. Este fin de semana ha sido muy especial para el Club Bádminton Tui.
Participamos en el Campeonato de España 2010+ con seis de nuestros deportistas más jóvenes.
Se trataba de vivir una experiencia nueva para todos ellos y con un objetivo principal: divertirse y disfrutar.
Pero nuestras promesas no se quedaron ahí, porque además jugaron y pelearon cada partido, logrando unos muy buenos resultados, y muy especialmente nuestras dos niñas, que se alzaron con la que sería la primera medalla en un Campeonato de España para el club en categorías inferiores.
Mariña García Martínez y Alexia Pérez Vila, se subieron al poio para recoger una merecida medalla de bronce que nos hace sentir muy orgullosos de ellas y de sus compañeros.
Completaron la expedición Iago Díaz-Fierros, Mikel Martínez, Martín Gándara y Teo Fernández.
Ahora toca seguir entrenando, mejorando, pero sobre todo disfrutando del Bádminton.
 

Regreso al contenido