Oia - galiciasuroeste

Title
Vaya al Contenido

Oia

COMARCA
O programa “Tic Emprendes” da Deputación de Pontevedra chega a Oia para impulsar a formación de guías de itinerarios en bicicleta
O Concello de Oia acollerá unha das 26 accións que a Deputación de Pontevedra está a levar a cabo en toda a provincia no marco do programa de inserción laboral Tic Emprendes. A actividade profesional elixida neste municipio, de acordo coas necesidades expresadas nunha enquisa entre a poboación, é a de “Guía por itinerarios en bicicleta”, polo que as persoas participantes obterán a formación e a capacitación necesarias para desempeñala, fcilitándoselles coñecementos básicos para o deseño e a realización de itinerarios en bicicleta, o mantemento e a condución de bicicleta en condicións seguras en grupos organizados. Ademais esta acción formativa conta cun módulo de autoemprego.
Esta formación comezará en outubro e ten unha duración de 125 horas lectivas, das que 100 serán de formación específica sobre as actividades de guía por itinerarios en bicicleta, e 25 horas en contidos relacionados co autoemprego ou creación de empresas. As sesións desenvolveranse en xornadas de 5 horas diarias, polo que a duración total desta acción formativa desenvolverase durante 5 semanas. Ademais, as persoas participantes teñen dereito a unha bolsa de desprazamento de 13,45 euros diarios por día de asistencia.
A iniciativa conta con 15 prazas dispoñibles para a mocidade de Oia, con idades comprendidas entre os 16 e 30 anos que, ademais, deben estar inscritas no Sistema Nacional de Garantía Xuvenil, trámite moi sinxelo que é posible realizar online, estar en situación de desemprego e non estar integrados no sistema de educación ou formación reguladas.
As solicitudes poderanse presentar até 15 días antes do inicio do curso, preferentemente por medios electrónicos a través da sede electrónica da Deputación: https://sede.depo.gal ou no rexistro do concello. Para máis información, as persoas interesadas poden contactar en https://www.depo.gal/tic-emprendes  e nos teléfonos: 886 217 320 / 986 804 100 extensión 47 321.


Fin de semana de natureza cos bosques terapéuticos da man da Deputación de Pontevedra
Oia, 14 de agosto de 2020. A Deputación de Pontevedra levará esta fin de semana ata Oia e Fornelos de Montes dúas actividades que combinan sendeirismo e contacto co medio natural. Así, os “baños de bosque” serán protagonistas da ruta do programa medioambiental “Bosques terapéuticos”, cun percorrido mañá sábado, 15 de agosto, pola costa de Oia e a Serra da Groba. O domingo, pola súa banda, terá lugar un percorrido a través da zona de Freaza, no concello de Fornelos de Montes. Ámbalas dúas actividades teñen todas as prazas esgotadas e contarán con todos os protocolos e as medidas de seguridade vixentes para minimizar os riscos de contaxio da covid-19.
O “baño de bosque” pola costa de Oia e a Serra da Groba permitirá afondar na natureza, no bosque autóctono galego a través de diferentes exercicios que servirán para establecer un contacto directo co entorno. A actividade, na que participará a deputada provincial Raquel Giráldez xunto a outras 15 persoas, desenvolverase nun tramo de 1.000 metros a través do cal os inscritos gozarán desta formación declarada Espazo Privado de Interese Natural en xaneiro do ano 2011 pola Consellería de Medio Rural que se trata dunha das escasas masas de sobreiras en rexións con clima oceánico que se coñecen en Galicia.
Por outra banda, a ruta que o programa “Bosques terapéuticos” ten programada o domingo no bosque de Freaza, en Fornelos de Montes, discorrerá a través de 1.400 metros arredor da conca do río Barragán, que se caracteriza pola presenza dunha mata de bosque autóctono con recunchos de gran beleza natural. Ademais, a abundancia de patrimonio etnográfico coma muíños, pontes ou levadas (canles que conducían a auga ata os muíños) achégalle un interese turístico que fará deste carreiro unha experiencia inesquecible tanto para os 15 participantes como para a deputada Victoria Alonso, que tamén participará na iniciativa provincial.
Deste modo, estas dúas rutas súmanse ás que se levaron a cabo o xoves e venres desta mesma semana. A primeira delas foi en Camposancos (A Guarda), mentres que a segunda tivo como escenario o espazo natural de Cabo Udra, no concello de Bueu. Todas estas actividades elabóranse para poder sentir profundamente a experiencia dos baños de bosque, nos que todas aquelas persoas que participen serán quen de desconectar os móbiles, observar a luz solar, percibir os sons e aromas, camiñar e respirar con calma e en silencio para abrir a mente e, sobre todo, gozar do momento.


Oia protagonista de Bosques Terapéuticos coa Deputación de Pontevedra
Oia, 14 de agosto de 2020. A Deputación de Pontevedra levará esta fin de semana ata Oia e Fornelos de Montes dúas actividades que combinan sendeirismo e contacto co medio natural. Así, os “baños de bosque” serán protagonistas da ruta do programa medioambiental “Bosques terapéuticos”, cun percorrido mañá sábado, 15 de agosto, pola costa de Oia e a Serra da Groba. O domingo, pola súa banda, terá lugar un percorrido a través da zona de Freaza, no concello de Fornelos de Montes. Ámbalas dúas actividades teñen todas as prazas esgotadas e contarán con todos os protocolos e as medidas de seguridade vixentes para minimizar os riscos de contaxio da covid-19.
O “baño de bosque” pola costa de Oia e a Serra da Groba permitirá afondar na natureza, no bosque autóctono galego a través de diferentes exercicios que servirán para establecer un contacto directo co entorno. A actividade, na que participará a deputada provincial Raquel Giráldez xunto a outras 15 persoas, desenvolverase nun tramo de 1.000 metros a través do cal os inscritos gozarán desta formación declarada Espazo Privado de Interese Natural en xaneiro do ano 2011 pola Consellería de Medio Rural que se trata dunha das escasas masas de sobreiras en rexións con clima oceánico que se coñecen en Galicia.
Por outra banda, a ruta que o programa “Bosques terapéuticos” ten programada o domingo no bosque de Freaza, en Fornelos de Montes, discorrerá a través de 1.400 metros arredor da conca do río Barragán, que se caracteriza pola presenza dunha mata de bosque autóctono con recunchos de gran beleza natural. Ademais, a abundancia de patrimonio etnográfico coma muíños, pontes ou levadas (canles que conducían a auga ata os muíños) achégalle un interese turístico que fará deste carreiro unha experiencia inesquecible tanto para os 15 participantes como para a deputada Victoria Alonso, que tamén participará na iniciativa provincial.
Deste modo, estas dúas rutas súmanse ás que se levaron a cabo o xoves e venres desta mesma semana. A primeira delas foi en Camposancos (A Guarda), mentres que a segunda tivo como escenario o espazo natural de Cabo Udra, no concello de Bueu. Todas estas actividades elabóranse para poder sentir profundamente a experiencia dos baños de bosque, nos que todas aquelas persoas que participen serán quen de desconectar os móbiles, observar a luz solar, percibir os sons e aromas, camiñar e respirar con calma e en silencio para abrir a mente e, sobre todo, gozar do momento.


Regreso al contenido