A Guarda, xaneiro 2021 - galiciasuroeste

Title
Vaya al Contenido

A Guarda, xaneiro 2021

Arquivo 2021
A hostalaría guardesa voltará saír a rúa o sábado 6 de febrero sumándose o Sector da Distribución
A Guarda, 30 xaneiro 2021. A Plataforma “Hostalería Guardesa” preferiu adiar a manifestación que tiña previsto para este sábado día 30 de xaneiro, na búsqueda dun formato máis seguro e acorde as circunstancias sanitarias, tendo en conta os resultados epidemiolóxicos dos últimos días.
Á espera da autorización pertinente, que agardan ter nos próximos días, a hostalaría guardesa sairá a rúa cun novo formato: realizarase nunha caravana de coches o próximo sábado 6 de febreiro.
Desde a plataforma anúnciase que desta volta vai sumarse o sector da distribución, tamén moi afectado coas medidas de restriccións e peche do Sector da Hostalería.
A caravana da hostalaría percorrerá as rúas da vila evidenciando así a paisaxe desoladora que deixa un pobo cunha das súas actividades principais pechadas.
Unha nova mobilización para reinvindicar unha vez máis, as Indemnizacións inmediatas que axuden a cubrir as perdas derivadas das restriccións e peche da hostalaría decretado pola Xunta de Galicia.
A plataforma “Hostelaría Galega” agradece, de antemán, o apoio que dende o primeiro momento están recibindo por parte do comercio local e da veciñanza da Guarda.
  
Talleres sobre prevención das condutas aditivas no IES A Sangriña de A Guarda
A Guarda, 29 de xaneiro de 2021. A Asociación Érguete Baixo Miño informa que durante este mes de xaneiro e ata o 3 de febreiro se están levando a cabo actividades sobre a promoción da saúde e a prevención das condutas aditivas no alumnado do I.E.S. A Sangriña de A Guarda –Pontevedra-.
Trátase do programa denominado Non Pasa Nada, ¿Pasa Algo?  que conta cunha ampla traxectoria de execución neste centro educativo e que está dirixido ao alumnado de 3º da ESO e aos grupos de FPB. Este taller atópase financiado pola Consellería de Sanidade, Dirección Xeral de Saúde Pública, Servizo de Prevención de Condutas Aditivas e pola cota dos socios e socias da entidade.
A finalidade do programa é a de reducir a incidencia dos diversos problemas sociosanitarios relacionados co consumo e/ou abuso de drogas, incrementando os factores de protección e promovendo a adopción de estilos de vida saudables.
Esta acción, impartida por unha Educadora Social con ampla experiencia nesta área, atópase dentro da carteira de servizos que a Asociación Érguete Baixo Miño ofrece de forma continua e dende hai moitos anos no ámbito escolar e que ano tras ano ten moi boa acollida tanto nos centros educativos da comarca como por parte dos mozas e mozos aos que vai dirixido.
Para máis información, invitamos ás persoas interesadas a achegarse ás instalacións de Érguete (r/Colón, 20 -Edif. O Pescador 1º piso) de A Guarda, visitar a páxina web www.erguete.org ou ben contactar nos teléfonos 986 61 44 17 / 640 08 63 76 ou no correo electrónico info@erguete.org.
  
A Guarda reúne a comisión de seguimento da COVID-19 diante das novas medidas sanitarias
A Guarda, 29 de xaneiro de 2021. O Alcalde da Guarda encabezou esta mañá xunto cos compoñentes da Comisión de seguimento da Covid-19 unha reunión na que se deu conta da situación sociosanitaria actual debido a evolución da pandemia da Covid-19 no municipio, así coma a situación sanitaria no país veciño de Portugal, onde se realizará un peche de fronteiras durante 15 días e que afectará exclusivamente aos cidadáns de Portugal.
A Comisión deu conta dos medios de protección cos que conta o Concello así coma as medidas adoptadas a nivel municipal despois da entrada en vigor das novas restricións o pasado 15 de xaneiro en Galicia. Entre estas medidas destacan a suspensión do mercadillo, das actividades culturais, das actividades do Entroido 2021 e a entrada en funcionamento das citas previas para certos servizos municipais coma o Punto Limpo.
Entre as medidas de apoio aos sectores económicos da vila destacan a redución da taxa do lixo nun 25%, a elaboración dunha guía de establecementos con comida para levar e servicio a domicilio ou a sección específica con informacións de interese para os hostaleiros e hostaleiras da vila na web de turismo: https://www.turismoaguarda.es/gl/hostaleria/
É necesario que se sigan as recomendacións das autoridades sanitarias. Se unha persoa ten síntomas de COVID-19 (tose, febre, diminución do gusto e cheiro, estremecementos…) ou ten contacto estreito cun caso positivo, debe quedar na casa e contactar cos servizos de saúde chamando ao teléfono 900 400 116.
 É imprescindible que toda a poboación extreme as medidas de seguridade individual, sobre todo o uso da máscara, distancia interpersoal e hixiene de mans.
  
A Guarda presenta o seu novo calendario para o 2021
A Guarda, 28 de xaneiro de 2021. O alcalde da Guarda, Antonio Lomba, conxuntamente co seu equipo de goberno, presentaron no día de hoxe, o novo calendario para este ano 2021.
Realizáronse ao longo destes anos no concello calendarios marabillosos, que sempre exaltaron as excelencias deste gran concello e onde se podía apreciar como evolucionamos.
Pero Antonio Lomba quixo chegar máis aló, e propuxo aos seus compañeiros de Goberno que no calendario para o 2021 os protagonistas fosen dous dos sectores que por causa da pandemia pasárono moi mal no ano 2020, e que tantas satisfaccións outorgáronnos en anos anteriores, como son a nosa Cultura e o noso Deporte.
Antonio Lomba, que foi o precursor da iniciativa, tívoo claro dende o primeiro momento, como el di “nestes  tempos tan difíciles creo que é o noso deber e obrigación o lembrar a todos os nosos deportistas, artistas, ao mundo da cultura en xeral debido a que este ano non puideron realizar as súas actividades con normalidade, que sexan eles os protagonistas e podamos dalgunha maneira telos presentes durante todo o 2021”. Por este motivo o calendario da Guarda deste ano conta no seu interior cos representantes do noso deporte e cultura, e queremos pedir desculpas por anticipado, porque somos sabedores de que quedan asociacións sen incluír. Tentamos que estivesen unha gran maioría e de seguro que será necesario a edición doutro calendario para o 2022 que de cabida as asociacións que agora non aparecen.
E desde o Goberno da Guarda non imos a esquecernos de todos os demais sectores (hostalería, comercio, industria..) e por suposto dos nosos maiores que por causa desta pandemia tamén o están pasando realmente mal e queremos que sexan coñecedores de que desde este concello contamos cunha estratexia marcada para o 2021, para axudalos no que nos sexa posible. Como todos vostedes sodes coñecedores, preparamos o orzamento máis comprometido coa cultura, o deporte, o comercio a industria e o máis social da historia da Guarda.
Todas aquelas persoas que desexen contar cun calendario non teñen máis que achegarse ata as dependencias municipais para recoller un exemplar ata esgotar existencias.
 
EL PP de A Guarda lleva al pleno de la corporación la integración del concello guardés en el Fondo Covid de la Xunta de Galicia para el 2º Plan de Rescate de Autónomos, Microempresas y Hostelería
A Guarda, 27 de xaneiro de 2021. El PP de A Guarda lleva al Pleno Ordinario de la Corporación Municipal del Concello de A Guarda este próximo viernes día 29/01/2019 a las 20:00 h, una Moción donde solicita el voto afirmativo del resto de la corporación municipal (PSOE, BNG y Coverxencia Galega) para aprobar la integración del Concello de A Guarda en el Fondo Covid de la Xunta de Galicia para el 2º Plan de Rescate para Autónomos, Microempresas y Hostelería que se está diseñando.
En caso de aprobarse la Moción e integrarse también la Diputación de Pontevedra, los Autónomos, Microempresas y Hostelería de A Guarda duplicarían el importe de las ayudas económicas directas recibidas de este fondo.
En palabras del responsable de economía del PP de A Guarda, Oscar Alonso: “tal como se ha visto en los diferentes medios de comunicación, este Fondo Covid fue una de las solicitudes que hizo el sector de la hostelería a la Xunta de Galicia en las diferentes reuniones mantenidas para buscar soluciones ante la crisis que está pasando el sector a causa de la pandemia. Los hosteleros incidieron en la importancia de que este fondo fuese gestionado por la propia Xunta de Galicia al ser ésta la administración que había demostrado más agilidad a la hora de gestionar las ayudas económicas directas. Asimismo insistieron en lo complejo que es para estas pequeñas empresas estar presentando documentación ante diferentes administraciones con subvenciones y ayudas distintas, con requisitos distintos y con plazos en los procedimientos y resoluciones mucho mayores que los de la administración autonómica”
Este Fondo Covid “a la Valenciana” estaría compuesto por las aportaciones de tres administraciones: 50% Xunta de Galicia, 30% Diputaciones y 20% Concellos.
La Xunta de Galicia acaba de aumentar la aportación a este fondo pasando de 50.000.000 € a 75.000.000 € que sería incrementado con las aportaciones de las Diputaciones en sus respectivas provincias y de los concellos en sus respectivos municipios. Es decir, lo que aporte la Diputación de Pontevedra es para Pontevedra y lo que aporte el Concello de A Guarda es para A Guarda.
Según Roberto Carrero, portavoz de los populares en el Concello de A Guarda: “Es una oportunidad única que no debemos desperdiciar. Varios son los concellos de todo color político que ya se han sumado a esta iniciativa. Espero que los compañeros de corporación tengan altura de miras y se sumen a la misma aprobando la moción. Considero que en estos complicados momentos no estamos para hacer política echando la culpa a la a Xunta, a la Diputación o al Concello o al Gobierno de España. La situación es dramática para todos y en todos los lugares de nuestra geografía pues los remedios no están siendo lo efectivos que se supondrían y en todos los sitios estamos dando palos de ciego: estamos mal en A Guarda; estamos mal en Galicia; están mal en Extremadura; en Castilla-La Mancha… en definitiva, estamos mal en toda España.  Lo importante es que todos rememos en idéntica dirección. Yo, personalmente, y como concejal, no llegaría a comprender que estemos sirviendo a nuestros vecinos desde la política municipal e impidamos que el Concello de A Guarda aporte lo máximo para paliar las necesidades de nuestra gente. Así que apelo a la responsabilidad de cada uno de los componentes de los diferentes grupos municipales ya sean del BNG, PSOE o Coverxencia Galega, y que se sumen a esta iniciativa”
  
A unidade móbil de doazóns de sangue estará instalada na Guarda o xoves 28, venres 29 e sábado 30 de xaneiro
A Guarda, 26 de xaneiro de 2021. A unidade móbil do Centro de Transfusión de Galicia estará instalada na Guarda o xoves día 28, venres día 29 e sábado día 30 de xaneiro.
Este autobús estará emprazado na Rúa Rosalía de Castro(Ao Carón do Centro Cultural) o xoves 28  en horario de 10:00h a 14:00h, o venres 29 en horario de 16:00 a 21:00 e o sábado 30 en horario de 10:00h a 15:00 horas.
O Centro de Transfusión de Galicia, grazas ao emprego destas unidades móbiles intenta facilitar o solidario xesto de doar sangue a todos os cidadás. Sen a implicación de todos é imposible acadas as 500 doazóns de sangue que se precisan nos hospitais galegos.
Para maior seguridade, pide a túa cita previa para doar no 900 100 828.
·           Para doar sangue hai que almorzar e despois de xantar espere 2 horas
·           Non esqueza traer a tarxeta de doazón, DNI ou documento similar
·           Informe ao médico se está a tomar algún medicamento
    
Sesión ordinaria de Pleno o venres
29 de xaneiro de 2021 ás 20:00 horas
ASUNTOS DA CONVOCATORIA
1.    Aprobación das actas das sesións ordinaria do 27.11.2020, extraordinaria do 18.12.2020 e extraordinaria do 23.12.2020.
2.    Expediente 142/2021. DAR CONTA DOS DECRETOS.
3.    Expediente 133/2021. DAR CONTA DOS REPAROS DE INTERVENCIÓN.
4.    Expediente 137/2021. DAR CONTA SUBVENCIÓNS RESTOS LIÑA 1 PLAN CONCELLOS 2018.
5.    Expediente 2600/2020. DAR CONTA SUBVENCIÓNS PLAN CONCELLOS 2020.
6.    Expediente 2845/2020. PROPOSTA DA ALCALDÍA PARA A MODIFICACIÓN DA ORDENANZA FISCAL REGULADORA DA TAXA POR VISITAS A MUSEOS, EXPOSICIÓNS, BIBLIOTECAS, MONUMENTOS HISTÓRICO-ARTÍSTICOS E OUTROS ANÁLOGOS.
7.    Expediente 36/2021. PROPOSTA DA ALCALDÍA PARA O INCREMENTO DAS RETRIBUCIÓNS DO PERSOAL QUE FORMA PARTE DA PLANTILLA DE PERSOAL DO CONCELLO DA GUARDA (LOXE 2021).
8.    Expediente 2823/2020. PROPOSTA COMPATIBILIDADE HAROLDO SÁNCHEZ CEBREIRO.
9.    Expediente 106/2021. MOCIÓN PRESENTADA POR CONVERXENCIA GALEGA SOBRE A INTEGRACIÓN DO CONCELLO DE A GUARDA NO EIXO ATLÁNTICO PENINSULAR.
10.    Expediente 163/2021. MOCIÓN PRESENTADA POLO GRUPO MUNICIPAL POPULAR SOBRE O FONDO DE COOPERACIÓN GALEGO COVID-19 HOSTALARÍA.
11.    ROGOS E PREGUNTAS.
O pleno será retransmitido en directo na canle de Youtube do Concello da Guarda: https://youtu.be/f72VfptAkR4
  
Apertura do prazo para presentación da documentación no Rexistro Municipal de Asociacións do municipio da Guarda
A Guarda, 26 de xaneiro de 2021. O Concello da Guarda informa da apertura do prazo para que as asociacións ou entidades da Guarda  presenten a documentación necesaria para a elaboración do Rexistro Municipal de Asociacións tal e como recolle o Regulamento aprobado definitivamente en decembro de 2020.
As asociacións culturais, de nais e pais, veciñais, deportivas, medioambientais, sociais, profesionais etc. deberán entregar a documentación prevista no Regulamento publicado no número 229 do BOP da Provincia o día 26 de novembro de 2020 xunto ao modelo de inscrición específico para esta inscrición.
O modelo estará a disposición das entidades na páxina web do concello www.aguarda.es e para presentar a documentación é preciso facelo a través da sede electrónica municipal no apartado de instancia xeral e engadir a solicitude e a documentación solicitada.
As persoas que teñan dúbidas ou necesiten máis información poderán dirixirse á OMIX da Guarda, mandar un mail a informacion@aguarda.es ou chamando ao teléfono 986610000 ext 7.
  
Arrancan as obras de mellora da accesibilidade na baixada á praia de Fedorento e na contorna do Estadio Municipal da Guarda
A Guarda, 25 de xaneiro de 2021. Este luns día 25 de xaneiro de 2021 iniciáronse os traballos de mellora da accesibilidade na baixada á praia de Fedorento na Guarda e na contorna do Estadio Municipal da Sangriña.
No caso da baixada á Praia de Fedorento se vai a retirar a beirarrúa existente aproveitando para facer tamén unha nova rede de saneamento de pluviais, mellorando a accesibilidade de peóns segundo marca a normativa vixente realizar en formigón de color vermello.
No frontal do Estadio Municipal da Sangriña se vai a proceder á retirada da beirarrúa existente que se atopa moi deteriorada e realizar unha nova de formigón en color vermello.
O prazo de execución destas obras é de aproximadamente un mes e estes traballo contan cunha subvención total de 48.361,55 € con cargo ao Plan Concellos 2020 – Liña 1 da Deputación de Pontevedra.
O Concello da Guarda continúa deste xeito co seu compromiso de mellora da accesibilidade en diferentes puntos do municipio.
  
Dende o concello da Guarda esperamos que o comezo das obras do enlace de Areas sexa o principio da culminación da Autovía Tui-A Guarda
A Guarda, 25 de xaneiro de 2021. En repetidas ocasións tense manifestado dende o goberno municipal da Guarda que a obra máis importante para o futuro desenvolvemento da localidade é a Autovía Tui-A Guarda. Así mesmo a necesidade de rebaixar o tempo de viaxe ata a autoestrada A-55 para comunicarnos máis rápido coa rede de autoestradas é unha reclamación que se ten feito na vila dende todos os ámbitos.
En 2016 defendíamos nun escrito, refrendado polas forzas políticas e sectores económicos da localidade, que temos dereito mellorar a nosa comunicación con Vigo, a nosa cidade de referencia no eido sanitario, educativo, cultural e laboral, así como facilitar a chegada de turistas e visitantes e mellorar o transporte de mercadorías e bens de equipo, porque disto depende que se asente poboación na comarca e que sigamos crecendo. Hoxe podemos engadir a este razoamento, que non queremos quedar illados da Eurorrexión Galicia Norte de Portugal. Queremos que A Guarda tamén conte.
Dende o ano 2004 o único tramo que se executou do que a Xunta chamou “gran eixe vertebrador da comarca do Baixo Miño” foron os 10,4 km que unen A Guarda con Goián, e para iso con tan só dous carrís. Faltan por executar aproximadamente 14,2 km. Dada a complexidade e custo do tramo que acaba de comezar, respecto do resto do vial, dende A Guarda consideramos que non debería haber inconvenientes, nin técnicos nin económicos, para que a Xunta afrontara, sen acumular máis atrasos, o remate da autovía.
De calquera maneira, o concello da Guarda mostra a súa satisfacción polo comezo das obras do Enlace de Areas por entender que este debe ser o principio do fin dunha infraestrutura pola que na Guarda levamos esperando dende o ano 2004, a autovía Tui-A Guarda.
 
Nuevas medidas del comité clínico*
A Guarda, 25 de xaneiro de 2021. Polo seu interese, reproducimos o contido publicado por ANTONIO DOMÍNGUEZ FONTENLA en Facebook
*Restricciones para toda Galicia*
- Durarán tres semanas como mínimo, del 27 de enero al 17 de febrero.
- Reuniones sociales limitadas a solo convivientes.
- La movilidad se reduce al propio concello.
- El toque de queda se mantiene (22 h).
*Sanidad*: siguen interrumpidas las visitas a los enfermos excepto para cuestiones de dependencia.
*Educación*: las universidades no reanudarán sus clases hasta el 8 de febrero y la primera semana las clases serán online exclusivamente y a partir del 17 de febrero se intentará retomar la educación presencial.
*Comercio*: sólo el esencial. El resto cerrará a las 18 h. Los centros comerciales cerrarán los fines de semana.
*Hostelería*: el cierre será total. Solo habrá servicio a domiclio, comida para llevar y comedores de empresas.
*Deporte*:  sólo se permite el deporte individual al aire libre. Siempre habrá que usar la mascarilla en los deportes individuales al aire libre, incluso para correr. Se mantiene la excepción de las competiciones federadas nacionales e internacionales, pero sigue suspendida la autonómica al menos las tres próximas semanas.
*Cultura*: Cierran museos, bibliotecas y espectáculos. También los centros sociales.
*Residencias*: sólo permanecerán abiertas las residencias y los centros de días. Clubs de jubilados y similares, cierran.
  
Proceso extraordinario para cubrir prazas na Escola Infantil Municipal da Guarda
A Guarda, 25 de xaneirto de 2021. O Departamento de Servizos Sociais do Concello da Guarda informa da apertura dun proceso extraordinario para cubrir varias prazas na Escola Infantil Municipal
Prazas vacantes:
- Aula de 0-1 anos: 1 praza a xornada completa e 2 prazas a xornada de tarde                                   
- Aula de 1-2 anos: 1 praza a xornada de tarde
- Aula 2-3 anos: 2 prazas a xornada de tarde
Os pais/nais ou titores dos nenos/as interesados deberán presentar a solicitude do 26 de xaneiro ao 1 de febreiro.
Para maior información dirixirse o Departamento de Servizos Sociais do Concello da Guarda en horario de 9.00 a 14.00 h. no 986 61 4507.
   
Os hostaleiros califican de apoio rotundo ás reivindicacións da hostalaría guardesa

A Guarda, 23 Xaneiro 2021. A plataforma “Hostalaría Guardesa” viuse sorprendida polo apoio á concentración que se realizou este sábado 23 ás 11:00 h na céntrica praza de Avelino Vicente na Guarda.
Na concentración podían escoitarse frases como “Se fósemos banqueiros, rescatados os primeiros”, “se pechas os negocios por precaución, tes que acompañalos de indemnizacións”… que amosaban o nivel de cansanzo e enfado da hostalaría ante a situación que está a vivir coas restriccións levadas a cabo pola Xunta de Galicia sen medidas económicas que as acompañe.
Durante o acto, leuse un manifesto no que se responsabilizaba á Xunta de Galicia da actual situación de desamparo no que está o sector e lle esixe solucións inmediatas para salvar os negocios e os postos de traballo que xeran. Tamén deixaron claro que a hostalaría galega, en xeral, e a guardesa, en particular, non pode ser a que pague o prezo daquel “salvemos o nadal”.
A “plataforma Hostalaría Guardesa” entende que se hai que pechar, péchase, pero con indemnizacións directas polas perdas ocasionadas e que axuden a manter os hoteis, restaurantes e cafetarías mentres duren estas medidas restrictivas.
A actual situación de “peche encuberto” é insostible, sen dereito a ningún tipo de indemnización, pero sen practicamente posibilidade de poder traballar debido a que coas medidas tomadas case ningún local da Guarda é rendíbel telo aberto.
Dende “Plataforma Hostalaría Guardesa” queren agradecer as mostras de apoio do pobo da Guarda, que amosou unha actitude de responsabilidade e que en todo momento se respectaron as distancias sociais esixidas para este tipo de actos. Así mesmo, seguirán traballando e loitando para evitar a ruína duns negocios que xeran numerosos postos de traballo no concello.
 
A Guarda promove o Proxecto Trega 2020+5
A Guarda, 22 de xaneiro de 2021. O Concello da Guarda promove o Proxecto Trega 2020+5 co que se pretende  desenvolver o potencial patrimonial, social, cultural e científico do castro de Sta. Trega a través dunha actuación integral, de carácter conxunto e coordinado dos diferentes axentes sociais e entidades administrativas envoltas na conservación e promoción do monte.
O Proxecto Trega 2020+5 desenvólvese en torno a tres eixos fundamentais, recuperar e consolidar os sectores do castro escavados entre 1910 e 1930 e que hoxe se atopan abandonados, manter de forma sostida no tempo o conxunto das estruturas escavadas no castro e expostas ao público e investigar e afondar no coñecemento arqueolóxico do castro, e crear contidos destinados á divulgación e ao desenvolvemento patrimonial.
O castro de Sta. Trega conta cunha longa historia de actividade arqueolóxica, escrita cos nomes da Sociedad Pro Monte, Ignacio Calvo ou Cayetano de Mergelina, entre outros.
No marco do proxecto Trega 2020+5 proponse a reescavación de varios sectores do castro. A actuación arqueolóxica cunha metodoloxía arqueolóxica que permitirá recuperar boa parte da información dos traballos antigos e afondar no seu coñecemento por medio da aplicación das novas tecnoloxías.
O proxecto Trega 2020+5 permitirá agora consolidar ao castro como un referente na aprendizaxe dos arqueólogos do futuro por medio dunha escola permanente de arqueoloxía na que cada verán 5 alumnos do máster en Arqueoloxía e Ciencias da Antigüidade da USC terán oportunidade de formarse como profesionais, levando a cabo prácticas de escavación, rexistro, topografía, flotación ou mostraxe.
Baixo a dirección científica de Brais Currás da EST-AP do CSIC, e nun proxecto de 5 anualidades, os traballos de recuperación das escavacións antigas do castro permitirán acceder a novos datos que aportarán un coñecemento máis fondo do asentamento.
O proxecto Trega 2020+5 conta co Concello da Guarda coma promotor e tamén coa colaboración do Padroado do Monte Santa Trega e as Comunidades de Montes da Guarda e de Camposancos
 
A Omix da Guarda abre inscricións para un Curso de Monitor/a de tempo libre
A Guarda, 21 de xaneiro de 2021. O curso inclúe materia específica en atención á diversidade e tamén o curso de Manipulador/a de alimentos.
A data prevista de comezo será o 6 de marzo.
Os requisitos básicos para poder acceder ao curso son: ter cumpridos os 18 anos antes da data de comezo do curso e estar en posesión do título de Educación Secundaria ou no seu defecto graduado escolar.
Prezo da formación: 245€ para persoas en situación de desemprego e 265€ tarifa ordinaria.
Existe a posibilidade de fraccionar o pago.
Máis Información na OMIX da Guarda, no mail informacion@aguarda.es ou no teléfono 986610000 ext 7
Inscricións online no seguinte formulario: https://forms.gle/fzxBC5prcqo2raeF9
O curso impartirase nas fins de semana nas instalacións municipais, ademais parte desta formación teórica será impartida de forma online.
  
O Concello pide o apoio da cidadanía ao sector da hostalería da Guarda
A Guarda 21 de xaneiro de 2021. Unha vez publicadas as restricións ditadas pola administración autonómica e que afectaron dun xeito tan extremo á hostalería, o Concello iniciou unha rolda de contactos individualizados co sector para coñecer de primeira man a situación na que se atopaban e os pasos que darían de cara a continuar traballando baixo as novas limitacións.
Destes contactos obtivéronse datos para a elaboración dun listado de establecementos con información sobre horarios e datas de apertura das terrazas, servizos de comida para levar ou de entrega a domicilio.
Este listado foi difundido o martes día 19 a través da web e das redes sociais do Concello, na web de Turismo, así como na App Concello da Guarda, para que esta información poda estar dispoñible para a cidadanía. O listado irá actualizándose en función da evolución da situación ou de posibles cambios nos servizos.
De xeito paralelo, outra das medidas postas en marcha polo consistorio, e que ten como obxectivo manter informados aos hostaleiros e hostaleiras da Guarda, foi a habilitación dunha sección específica na web de Turismo coa seguinte ligazón https://www.turismoaguarda.es/hostaleria/, que ven a complementar as comunicacións que se facían ata agora dun xeito máis informal a través de mensaxería e correo electrónico, e no que se poderá acceder a información actualizada sobre liñas de axuda, convocatorias, novas, etc. relacionadas co sector.
Así mesmo, durante esta anualidade seguirase na liña do 2020 e non se pasarán a cobro as taxas por ocupación de vía pública das terrazas.
Por último, e na liña dos últimos días, a corporación municipal continuará denunciando a gravidade da situación pola que está a pasar a hostalería do noso pobo e instando as demais administracións para que lles proporcionen solucións rápidas e efectivas.
Desde o Concello pedimos tamén o apoio da poboación da Guarda a este sector, que está sendo especialmente castigado durante a pandemia e que supón o sustento de moitas familias da nosa vila. Esta situación está afogando aos nosos hostaleiros e hostaleiras e está nas mans de todas e todos tenderlles a man e axudalos a manterse a flote.
Con xestos tan sinxelos como pedir un café para levar, encargar unha comida para a casa, ou facer uso das terrazas cando o tempo o permita, e sempre con responsabilidade e baixo as indicacións sanitarias, estaremos contribuíndo á supervivencia de moitos dos nosos establecementos.   
Pola súa parte o Concello seguirá atento á evolución da situación e continuará traballando para poñer en marcha novas medidas que axuden ao remonte da hostalería e dos demais motores económicos da vila.
   
O BNG da Guarda esixe a defensa incondicional do palangre de superficie na  crise do marraxo no Atlántico
A Guarda, 21 de xaneiro de 2021. Nunha nova reunión con representantes das  asociacións de espadeiros, o BNG volve  recoller a indignación e o estado de impotencia do sector, que ten retidas dende o ano pasado un inxente número de toneladas de peixe legalmente capturado que a día de hoxe o Goberno Español non autoriza vender.
Na reunión telemática á que asistiu o deputado do BNG no Parlamento Español Néstor Rego, a deputada no Parlamento Galego Rosana Pérez e o voceiro municipal Anxo Baz, puxéronse de manifesto  unha serie de reclamacións aos ministerios de pesca e transición ecolóxica do Estado Español que deixan a unha parte da  frota guardesa e galega nunha situación moi delicada.
Da cota que dispoñía a frota para a captura do marraxo no 2020, o ministerio de transición ecolóxico  español traslada a Bruxelas a proposta de cota 0. Unha medida que non atende a ningún criterio de sostenibilidade (social, económico ou ecolóxico). Os barcos galegos  están suxeitos a unha estricta fiscalización das capturas e cooperan coa administración levando observadores abordo, mentres outras frotas non comunitarias pescan sen ningún tipo de control.
O portavoz municipal do BNG na Guarda, Anxo Baz considera que “o goberno municipal da Guarda non pode permanecer calado e debe posicionarse con claridade fronte o grave perxuizo que o Goberno Español impón ao palangre de superficie do que dependen moitas familias da localidade”
Pola súa parte a portavoz de pesca do BNG  no Parlamento Galego Rosana Pérez fixo constar que “as propostas de ampliar as cotas de marraxo en base a estudos científicos e de darlle saida ao peixe almacenado, saen aprobadas por unanimidade no Parlamento Galego, pero chocan en Madrid co goberno do PSOE e Unidas Podemos. Por desgraza, non é nada novo que os partidos con dependencia de Madrid defendan aquí unha cousa  e no Goberno do Estado Español  practiquen o contrario”.
O deputado no Parlamento Español Néstor Rego comprometeuse novamente  a trasladar estas reclamacións ao Goberno do Estado na procura dunha solución urxente para o sector.
  
A “Plataforma Hostalería Guardesa” convoca concentración en apoio ao sector
A Guarda, 21 Xaneiro 2021. O pasado Luns día 18 de xaneiro constituíuse a Plataforma Hotalería Guardesa” integrada por hosteleiros e hosteleiras do noso concello na procura de solucións ao grave problema que estamos á sufrir.
Ante as medidas que ten tomado á Xunta de Galicia de restriccións ao conxunto da hostelaría, que, no caso da Guarda, significa un peche encuberto en toda regla.
A actual situación inviabiliza a continuidade dos nosos negocios polo que estamos obrigados á pechar sen dereito a ningún tipo de indemnización.
Dende a plataforma solicitamos o apoio dos colectivos guardeses para que a Xunta de Galicia habilite unha liña de indemnizacións que atalle a sangría que está a significar a situación actual do sector da hostalería.
O proximo sábado realizaremos unha concentración na praza de Avelino Vicente ás 11:30 h, respectando todas as medidas de seguridade COVID 19, onde se vai manifestar o 100 % da hostelaría guardesa.
Queremos agradecer as mostras de apoio que estamos a recibir tanto de particulares como de colectivos do noso concello.
 
Actos vandálicos e substración de elementos de uso público en Camposancos

 
A Guarda, 21 de xaneiro de 2021. A Comunidade de Montes de Camposancos quere denunciar, ao tempo que expresa a súa preocupación, diversos actos vandálicos que se están a producir dentro dos seus límites e que atentan contra elementos da súa propiedade de uso público.
Durante a pasada fin de semana, entre a tarde do sábado día 16 e a mañá de domingo 17, desapareceron dous bancos fabricados con troncos de eucalipto, colocados pola  Comunidade de Montes de Camposancos para uso e desfrute da veciñanza nas inmediacións do Outeiro do lobo, a carón do chamado “Camiño do carro” no monte de Santa Trega.
Do mesmo xeito, e ao longo desta semana, tamén desapareceron dúas varandas das entradas á caseta do Parque "Finca do Crego", que se atopaban dentro do recinto de uso público que a Comunidade de Montes ten na parroquia de Camposancos.
A Xunta Reitora advirte que estas accións atentan contra a propiedade privada da Comunidade de Montes, que acarrean perxuízos á veciñanza, que van ser investigadas e que poden ocasionar aos causantes consecuencias legais.
  
Información sobre a situación sanitaria na Guarda por COVID-19
A Guarda, 21 de xaneiro de 2021. A Guarda continúa no nivel máximo de restricións no que entrou o día 15 de xaneiro.
A día de hoxe, xoves 21 de xaneiro, os datos oficiais de Sanidade son:
✅ O número de positivos é de 33
✅ A incidencia acumulada a 7 días é 120 (casos por 100.00 habitantes)
✅ A incidencia a 14 días é de 331 (casos por 100.000 habitantes).
A evolución nos últimos días está sendo mala en canto ao incremento no número de positivos, onte, 20 de xaneiro, batimos o récord de contaxios nun so día dende o principio da pandemia con 12 positivos. O crecemento no número de infectados é continuo dende os primeiros días de xaneiro.
Con esta situación na evolución de positivos e de peche perimetral, o concello decidiu suspender o mercado do sábado de forma provisional. A súa vez, acordamos co club de balonmán Atl. Guardés que o partido deste sábado, fronte ao Balonmano Bera Bera, se celebre a porta pechada.
Para que esta situación empece a reverter, dende o concello pedimos a toda a poboación que extreme as medidas de seguridade individuais, sobre todo o uso de máscara, distancia interpersoal e hixiene de mans. Tamén pedimos que, na medida do posible, se limiten os contactos sociais.
A única maneira de controlar esta situación é coa colaboración de todos e cada un de nós.
  
O Concello continúa dando pasos para converter a praza de abastos nun mercado de excelencia
A Guarda, 18 de xaneiro de 2021. A obra acometerá melloras no solado do primeiro andar, concretamente procederase a substituír o actual solado por gres cerámico antibacteriano. Ademais realizarase o acondicionamento de dous postos, un anexo á terraza e outro máis no mesmo andar, de cara a abrir nos próximos meses un procedemento de presentación de ofertas para a adxudicación deses postos e outros do andar baixo que se atopan vacantes na actualidade.  
Con esta reforma na terraza preténdese habilitar unha zona de lecer das persoas que van á praza e, na que nun futuro, se podería complementar o uso cunha cafetería, despacho de pan ou similar.
Tralas obras levadas a cabo en anos anteriores (habilitación de prazas de aparcamento, mellora na accesibilidade ou saneamento), esta actuación vai dirixida a modernizar unhas instalacións municipais que actúan como dinamizadores da actividade comercial da vila.
Estas obras levaranse a cabo con achegas da Consellería de Medio Rural e da Deputación de Pontevedra.
Esta actuación será complementada cun proxecto de mellora estética para o cal se fará un concurso de ideas aberto a persoas vinculadas co interiorismo e a arquitectura.
 
Citas para a renovación do DNI na Guarda no mes de febreiro
A Guarda, 18 de xaneiro de 2021. Desde o martes día 19 de xaneiro de 2021 xa se poderán solicitar as citas para a visita das unidades móbiles no concello para a renovación do Documento Nacional de Identidade (DNI) correspondente ao mes de febreiro de 2021.
A apertura do prazo para a solicitude de novas citas no setembro ofertadas pola unidade móbil do Corpo Nacional de Policía de Vigo comezarán o martes día 19 de xaneiro de xeito preferentemente telefónico no 986 61 0000 de 9:00h a 14:00h ou presencialmente na Casa dos Alonsos.
As citas son para realizar o DNI o día 9 de febreiro e recollelo o día 12 de febreiro de 2021.
Ata entón, aquelas persoas que de xeito urxente necesiten realizar a renovación do seu DNI, poderán acudir ás oficinas de expedición de Tui (na rúa Párroco Rodríguez Vázquez, 3) ou Vigo (rúa Álvaro Cunqueiro, 6) previa solicitude de cita no teléfono 060 ou ben a través da páxina web www.citapreviadni.es.
 
A APP móbil do concello da Guarda rexistrou máis dun milleiro de incidencias
A Guarda, 18 de xaneiro de 2021. O Concello da Guarda, a través do departamento de novas tecnoloxías, implementou fai 5 anos unha APP móbil, dispoñible para dispositivos Android e IOS, que permite acceder dun xeito doado e simplificado a multitude de servizos e trámites que pode facer a cidadanía.
Dende a súa posta en funcionamento xa foi descargada por máis de dous milleiros de usuarios, atendendo máis de 1000 incidencias, a maioría delas sobre mobiliario urbano, pavimentos e sumidoiros ou limpeza e xardinería. O sistema permite por en coñecemento incidencias e deste xeito son xestionadas dun xeito moito máis áxil polo persoal municipal.
A APP móbil do Concello da Guarda se pode descargar de xeito totalmente gratuíto dende o Google Play (Android) ou dende o APP store (IOS), unha vez instalada no dispositivo, conta con varias seccións con informacións de interese.
Entre as seccións dispoñibles permite coñecer as últimas novas, os eventos na axenda, as principais actividades, unha guía de empresas locais e outra de asociacións, avisos, rutas, directorio telefónico, horarios de servizos, información do tempo, entre outras. Arestora está pendente de actualizar os horarios dos autobuses entre A Guarda e Vigo, que debido á entrada en funcionamento da nova empresa concesionaria, van a  ter modificacións.
Unha das seccións que ten unha gran utilidade é a de Incidencias, permitindo aos usuarios  dar aviso de incidencias sobre mobiliario urbano, tráfico e senalética, lixo e residuos, pavimentos e sumidoiros, animais e pragas ou limpeza e xardinería, o usuario pode xeolocalizar nun mapa o lugar exacto da incidencia e explicar polo miúdo a descrición da incidencia en 3 sinxelos pasos. Unha vez rexistrada a mesma, e de xeito automatizado, o sistema envía este aviso ao departamento municipal encargado da súa xestión, o que permite a súa resolución á maior brevidade, dando un aviso cando a incidencia está resolta aos usuarios.
O sistema de avisos permite que a APP Móbil notifique aos usuarios cando xurda, por exemplo unha avaría de auga, ou avisos e alertas meteorolóxicas.
A APP Móbil do Concello da Guarda conta ademais cunha sección de Citas Previas, que permite xestionar a solicitude de citas para o SERGAS, a Seguridade Social, a ITV, renovación do DNI, portal do emprego de Galicia ou con Facenda.
A maiores a APP inclúe información sobre a historia e o patrimonio do municipio en galego, castelán, inglés e francés, así coma unha sección de Ocio, na que se inclúen informacións sobre Que ver?, onde durmir?, onde comer?, os museos ou as festas municipais.
Tamén se conta cunha sección de Rutas, onde aparecen as principais rutas dispoñibles no municipio, coma a Ruta da Desembocadura do Río Miño, Camiños do Trega… con mapas e informacións varias sobre distancias, desniveis ou dificultade de cada ruta.
Dende o Concello da Guarda se convida á cidadanía e visitantes a descargar e empregar esta ferramenta, de moita utilidade e con moitos recursos accesibles dun xeito doado dende un teléfono smartphone.
A APP móbil do Concello da Guarda foi mellorando dende a súa posta en marcha, incorporando novos recursos e funcionalidades, contando cunha valoración porparte dos usuarios de 5 de 5.
 
A Guarda reclama ás administracións fondos de urxencia para paliar o impacto económico negativo da pandemia
A Guarda, 15 de xaneiro de 2021. Hoxe día 15 de xaneiro celebrouse no concello da Guarda unha reunión de portavoces para valorar as novas medidas restritivas adoptadas pola Xunta e o seu impacto económico, sobre todo no sector da hostalería.  Na reunión os portavoces concluíron que a situación, tralas medidas acordadas pola Xunta de Galicia, supón un grave prexuízo económico para un sector de gran importancia para a localidade.
Os grupos da corporación acordaron reclamar a todas as administracións, Xunta de Galicia, Deputación de Pontevedra e Goberno Central, que tomen medidas de urxencia e habiliten fondos para compensar o impacto negativo das medidas sanitarias que se están adoptando.
Do mesmo xeito, a corporación traslada á Xunta a necesidade de que Portos de Galicia non cobre as terrazas da súa competencia mentres duren as limitacións de aforos. A determinación de non cobrar as terrazas foi unha das medidas de carácter económico que adoptou o concello dende o inicio da pandemia.
    
Plataforma Veciñal “Afectadxs pola Comunidade de Montes da Guarda”: novo atropelo na Casa dos Alonso
A Guarda, 16 de xaneiro de 2021. Hoxe na Casa dos Alonso consumouse outra ilegalidade mais por parte da Comunidade de Montes da Guarda. 12 persoas votaron a favor dunha candidatura que vai xestionar unha Comunidade de Montes que debera ter a día de hoxe, polo menos 81 comuneir@s.
Esta asemblea contou con irregularidades de todo tipo, dende non respectar os prazos que marcan os estatutos entre as dúas convocatorias (2 horas), ata non por a disposición d@s comuneir@s un lugar onde poder consultar a documentación relativa á asemblea.
 
Por suposto, só se votou unha candidatura, a outra foi omitida e censurada. Ninguén sabe nada, non hai explicacións, nin hai onde pedilas, xa que é unha Comunidade que non atende ao teléfono, non contesta aos correos, non recolle correspondencia, e por suposto non ten sitio habilitado para solicitar, entregar ou consultar nada. É unha Comunidade opaca. Só queda preguntarnos; por que? De verdade teñen algún interese no Monte? Ou en que este monte se xestione polos seus viciñ@s?
Preto de 40 veciñ@s, a maioría con solicitudes pendentes de alta dende hai anos, concentrámonos diante das portas desta Asemblea, acompañando aos/ás outr@s 6 compañeir@s que si puideron entrar, e ver a pantomima que esta Xunta Rectora, co señor Fariñas e o señor Lolo a cabeza levou a cabo, sen dubidar, sen pestanexar, sen medo, nin conciencia parece ser.
Non está demais dicir que estes 12 comuneir@s que votaron a favor da única candidatura existente, tamén botaron en nome de outr@s 12 comuneir@s, os cales na súa maioría levan anos sen asistir a ningunha asemblea (lembremos que por estatutos un/nha comuneir@ só se pode ausentar 2 asembleas como máximo). Quedounos claro que hai comuneir@s e “comuneir@s”.
E por último queremos lembrar a tod@s @s viciñ@s da Guarda que isto se esta a facer a sabendas e beneplácito do Concello da Guarda. Que cede non só un espazo público, como é a Casa dos Alonso, para que se cometa semellante atropelo, se non que tamén pon a sua disposición o corpo de Policía Local para que exerzan, non de Policías, se non de garda espaldas e porteiros desta xente, decidindo quen entra e quen non, con lista en man, nesta parodia de Asemblea Extraordinaria.
Sen máis, animar de novo a tod@s @s viciñ@s a tomar parte desta luita polo noso monte, -e pola nosa Comunidade de Montes.
Seguimos na luita, por un Monte e unha Comunidade de tod@s e para tod@s.
  
O BNG na Guarda solicita reunión de portavoces para esixir á Xunta axudas á hostalaría tralas últimas medidas contra a COVID
A Guarda, 13 xaneiro 2021. O BNG vén de solicitar ao Alcalde da Guarda, por medio dun escrito, unha reunión urxente de portavoces para esixir á Xunta de Galiza que inclúa axudas ao sector da hostalaría no mesmo DOGA no que vai publicar as últimas medidas para frear a COVID.
Para o BNG é fundamental que as administracións locais, os concellos, sexan portavoces das necesidades dos seus veciños e veciñas, polo que se fai necesaria unha acción conxunta para deixar dúas cousas claras: o apoio incondicional ao sector hostaleiro e distribución de importancia fundamental no concello e para esixir á Xunta de Galiza que inclúa un paquete de axudas ao sector ante as últimas medidas de restricións anunciadas polo Presidente da Xunta, Núñez Feijoo.
Dende o BNG entendemos que con estas medidas estase promovendo un “peche encuberto” da hostalaría, dada a imposibilidade de manter os negocios abertos, a pouco que se coñeza o sector, a climatoloxía e as características da Guarda.
“As medidas decretadas como o peche dos salóns dos restaurantes e bares, a utilización das terrazas nun 30%… abocan ao peche dun sector de vital importancia para o noso concello”, comentou Anxo Baz portavoz municipal do BNG.
O BNG espera altura de miras tanto do Alcalde como do resto das formacións políticas para ir cunha soa voz na defensa dun sector importantísimo para A Guarda que está sendo afectado sistematicamente dende o inicio da pandemia.
   
Comerciantes e hostaleiros da Guarda poden pedir a devolución do 25% da taxa do lixo
A Guarda, 14 de xaneiro de 2020. O Concello da Guarda aprobou no pasado mes de decembro a modificación da Ordenanza Fiscal Reguladora da Taxa de Recollida do Lixo que permitirá aos comerciantes e hostaleiros da vila solicitar a devolución do 25% da taxa do lixo.
Establécese unha cota tributaria reducida do 75% das tarifas vixentes relativas a aqueles establecementos que desenrolen actividades económicas, nos casos en que, no exercicio tributario anterior, a súa actividade ou apertura ó público fora suspendida como consecuencia de declaración de estado de alarma no país que vaia acompañada por unha norma estatal ou autonómica con rango legal que suspenda o desenrolo das actividades realizadas nestes establecementos.
Os propietarios dos locais terán de prazo ata o día 31 de xaneiro de cada exercicio tributario para solicitar a aplicación da cota reducida, presentando de maneira oficial a seguinte documentación acreditativa:
• Documentación acreditativa da titularidade do inmoble: poderá acreditarse mediante certificado de titularidade expedido polo Rexistro da Propiedade, escritura pública que acredite a propiedade do local, recibo do imposto sobre bens inmobles do exercicio tributario inmediatamente anterior ou calquera outro documento que acredite a propiedade do inmoble, cuxo suficiencia será acreditada polo concello, que poderá esixir mais dun deste documentos a fin de acreditar fehacientemente esta titularidade.
• En caso de que se trate dun local arrendado, de maneira que sexa o arrendatario quen desenrole a actividade industrial ou comercial no mesmo, contrato de arrendamento subscrito entre arrendador e arrendatario.
• Declaración responsable do titular da actividade de que nese inmoble estase a desenrolar unha actividade que no período impositivo anterior foi suspendida expresamente por norma con rango de lei estatal ou autonómica derivada da declaración de estado de alarma como consecuencia da crise sanitaria provocado pola Covid-19.
• Documento de alta na Axencia Tributaria na actividade en cuestión no que conste o epígrafe da actividade e a data de inicio de mesma.
• Calquera outro documento que se esixa polos servizos económicos municipais.
Ante calquera dúbida os comerciantes e hostaleiros poden dirixirse aos servizos económicos do Concello da Guarda chamando ao 986 61 0000.
    
Comunicado da Plataforma Veciñal de Afectad@s pola Comunidade de Montes da Guarda
A Guarda, 14 de xaneiro de 2021. @s 40 veciñ@s da Guarda que compomos a Plataforma Veciñal de Afectad@s pola Comunidade de Montes da Guarda, dirixímonos a todas as institucións, entidades, asociacións e colectivos, e a tod@s @s veciñ@s que as compoñen, para denunciar publicamente a gravísima situación na que se encontra o noso monte.
Nos últimos tres anos case 40 veciñ@s solicitamos a nosa entrada na Comunidade da Guarda. A día de hoxe, despois de varias solicitudes e de interpoñer dúas demandas, aínda non conseguimos obter ningunha resposta por parte da Xunta Rectora, dirixida polo seu presidente Manuel Castro Vicente “Lolo” e o seu secretario Celso Juan Rodríguez Fariñas “Fariñas”.
Durante estes 3 anos sufrimos e fomos testemuñas de toda clase de irregularidades, irregularidades non propias dunha Comunidade de Montes que se diga democrática e transparente, chegando a parecer máis ben un coto privado que unha Comunidade de Montes. É por isto que nos preguntamos que é o que se está a agochar? Por que non podemos ser comuneir@s? Por que nos impiden xestionar o noso monte?
Este sábado, 16 de xaneiro, está convocada unha Asemblea Xeral Extraordinaria para elixir a nova Xunta Rectora. Que a parte de ser ilexítima e inxusta, xa que van faltar case 40 veciñ@s, aos que se nos denegou a entrada nestes anos, tamén esta convocada fora dos prazos estipulados polos propios estatutos da Comunidade de Montes, polo que tamén é ilegal.
Ante esta impotencia, de inxustizas acumuladas, queremos solicitar:
- Por un lado, a máxima colaboración por parte de todas as institucións pertinentes. Cortando calquera relación de inmediato con esta Comunidade. En especial ao Concello da Guarda, que ven colaborando con este Comunidade nos últimos anos.
- E por outro, a involucración do resto de veciñ@s da Guarda nesta luita, a través de exercer o seu xusto dereito de ser comuneir@s.
  
A Guarda premia aos mellores lectores da Biblioteca Pública Municipal

A Guarda, 12 de xaneiro de 2021. O luns día 11 de xaneiro celebrouse o Día do Usuario/a das Bibliotecas e dende a Biblioteca Pública Municipal da Guarda fíxose entrega dun diploma e libros de agasallo para os mellores lectores do pasado ano nas categorías xuvenil, infantil e adulto.
Os premiados recibiron da man da concelleira de Cultura, Montserrat Magallanes, un diploma que da conta da súa condición de usuarios e lectores asiduos e un lote de libros adaptados ao seu perfil lector.
Os premiados foron María Concepción Macua González, como mellor lector adulto con 57 libros; Pedro Fernández González , co premio ao mellor lector xuvenil con 53 libros; e Irene Fernández Lomba, mellor lectora na categoría infantil con 53 libros solicitados en préstamo.
A Biblioteca Pública Municipal da Guarda forma parte da Rede de Bibliotecas Públicas de Galicia e dentro do ranking de libros máis lidos atopamos:
DEZ LIBROS MÁIS LIDOS POR ADULTOS
1.- La huella del mal / Manuel Ríos Sanmartín
2.- El destino de los héroes / Chufo Lloréns
3.- Las batallas silenciadas / Nieves Muñoz
4.- El amante silencioso / Clara Sánchez
5.- La bailarina de Auschwitz / Edith Eger
6.- Loba negra / Juan Gómez-Jurado
7.- Algún día hoy / Ángela Becerra
8.- Beleza vermella / Arantza Portabales Santomé
9.- Sakura / Matilde Asensi
10.- El latido de la tierra / Luz Gabás
DEZ LIBROS MÁIS LIDOS INFANTIL/XUVENIL
1.- Isadora Moon va al colegio / Harriet Muncaster
2.-¿De qué color es un beso? / Rocío Bonilla
3.- La diversión de Martina: misterio en el internado / Martina DÁntiochia.
4.- Seis de cuervos / Leigh Bardugo
5.- Isadora Moon va de excursión / Harriet Muncaster
6.- Isadora Moon va al ballet / Harriet Muncaster
7.- El señor búho y el bosque / Christelle Chatel
8.- Alianzas / Iria G. Parente.
9.- Anna Kadabra: el club de la luna llena / Pedro Mañas, ilustraciones, David Sierra Listón
10.- La diversión de Martina: ¡Aventuras en Londres! / Martina D´Antiochia
A Concelleira de Cultura, Montserrat Magallanes, destacou una súa intervención a importancia que ten a lectura para a formación e o crecemento persoal das persoas, convidando a todos os veciños da vila a que continúen ou ben se inicien neste fabuloso mundo da lectura, contando na Guarda cunha biblioteca modesta pero cunha boa colección de libros de diversas temáticas e para todos os gustos.
 
Suspendido o servizo de Ferry-Boat entre A Guarda e Caminha

A Guarda, 11 de xaneiro de 2021. O alcalde de Caminha, Miguel Alves, fixo público a través dun comunicado a determinación da suspensión do servizo do ferry entre Caminha e A Guarda dende hoxe mesmo e ata que se indique o contrario.
Esta decisión tomouse tendo en conta o aumento do número de infectados no Municipio de Caminha así coma os casos existentes nos Municipios do Rosal e Tomiño.
A decisión de levantar esta suspensión queda arestora determinada en función da evolución da situación epidemiolóxica no municipio de Caminha e en Portugal, tendo en conta tamén o mesmo factor no concello da Guarda e en Galicia.
  
O Concello ofrece a posibilidade de dar unha segunda vida á "Luz do Nadal"
A Guarda, 9 de xaneiro de 2021. O Concello da Guarda instalou dous puntos de recollida para as luces de Nadal que se repartiron entre o alumnado dos centros educativos da vila dentro da Campaña de Nadal 2020-21 e que serviron para guiar aos Reis Magos.
As familias que así o desexen poderán depositalas nos contedores instalados no andar baixo e no primeiro andar da Praza de Abastos da localidade.
As luces que se recollan, que foron fabricadas pola empresa local Eutimio e que se empregan para a pesca do peixe espada, poderán ser reacondicionadas, co fin de darlles ás mesmas unha nova vida útil. Deste xeito levarase a cabo un pequeno xesto para o coidado do planeta.
Dende o Concello da Guarda agradécese a colaboración realizada por Electrónica Eutimio na Campaña de Nadal. Desde o primeiro momento amosaron o seu interese por participar nesta entrañable iniciativa e puxeron todo da súa parte para que a luz chegara a todas e todos os nenos da Vila.
 
Modificación de los horarios del ferri para el fin de semana
A Guarda, 7 de decembro de 2021. O Concello da Guarda informa os cambios nos horarios do transbordador que une A Guarda con Caminha, derivados das medidas adoptadas en Portugal pola pandemia, que supoñen o toque de queda. Elimínanse os servizos desta fin de semana, sábado e domingo, despois das 13.00 horas desde Caminha, e despois das 13.30 horas, desde A Guarda, reanundándose o vindeiro martes, dado que o luns considérase descanso do persoal, salvo novas decisións que se poidan adoptar derivadas da evolución da Covid-19.
Xoves e venres, o primeiro servizo sae da Pasaxe, na Guarda, ás 10.30 horas; o sábado e o domingo, o primeiro servizo realizarase ás 11.30 horas. O último servizo, ata o domingo, incluído, sairá da beira española ás 13.30 horas, aínda que o venres podería saír ás 15.30 horas, deixándose a criterio do patrón da embarcación que o decidirá de acordo co estado da marea.
   
Os Reis Magos visitaron A Guarda
A Guarda, 7 de xaneiro de 2021. A programación do Nadal 2020-21 chegou ao seu fin na Guarda coa visita dos Reis Magos que o pasado martes día 5 de xaneiro fixeron un percorrido polas diferentes rúas da vila. A saída tivo lugar ás 17:30h dende a Praza do Reló, onde os Reis Magos foron recibidos polo Alcalde da Guarda e partiron en tres vehículos clásicos para facer o percorrido acompañados pola Policía Local e o GES.
Os Reis Magos visitaron a Guarda co desexo de facerse ver polos nenos da vila sen pór en risco a saúde de nenos nin de maiores, polo que propuxeron un itinerario que percorreu os barrios e parroquias do municipio.
O entramado urbano, así como a limitación de tempo, non permitíu chegar a todas as rúas, na súa maioría estreitas e con difícil saída, polo que se propuxo un itinerario longo que priorizou as longas avenidas e sobretodo permitíua chegar ata os diferentes lugares máis distantes do centro.
Foron moitos os veciños que agardaron nas súas vivendas para sentir a chegada dos Reis dende as xanelas, outros decidiron achegarse ás grandes avenidas gardando a distancia de seguridade (2m.) entre grupos de convivintes.
Os Reis fixeron o percorrido en coches descapotables, para ser así visibles, non en carroza polo que o percorrido foi mais áxil e rápido que nunha Cabalgata tradicional, percorrendo uns 22km en total.
Dende o concello recordase que unha vez rematadas as datas do Nadal, todos aqueles que non desexen conservar as luces repartidas nos centros educativos as poderán depositar nos contedores de residuos eléctricos ubicados no primeiro andar da Praza de Abastos da localidade, para ser reutilizados pola empresa que os fabricou.
  
Todo preparado na Guarda para a visita dos Reis Magos
A Guarda, 02 de xaneiro de 2021. A programación do Nadal 2020-21 na Guarda está xa a piques de chegar ao seu fin, xa coa vista fixada na visita dos Reis Magos do vindeiro martes día 5 de xaneiro.
Os “carteiros do nadal” regresan tamén o luns 4 e martes 5 xaneiro ás rúas da Guarda (o 4 en horario: 17:00h a 20:00h e o 5 en horario: 10:30h a 13:30h). En caso de choiva esta actividade terá lugar no Centro Cultural.
VISITA DOS REIS MAGOS
O vindeiro Martes día 5 de xaneiro terá lugar a Visita dos Reis Magos, que farán un percorrido polas diferentes rúas da vila. A saída terá lugar ás 17:30h dende a Praza do Reló, onde os Reis Magos serán recibidos polo Alcalde da Guarda e partirán en tres vehículos antigos para facer o percorrido acompañados pola Policía Local e o GES.
Os Reis Magos visitarán á Guarda e teñen o desexo de facerse ver polos nenos da vila sen pór en risco a saúde de nenos nin de maiores, polo que propoñen un itinerario que percorrerá os barrios e parroquias do municipio.
O entramado urbano, así como a limitación de tempo, non permite chegar a todas as rúas, na súa maioría estreitas e con difícil saída, polo que se propón un itinerario longo que priorice as longas avenidas e sobretodo permita chegar ata os diferentes lugares máis distantes do centro
Solicitase aos veciños que agarden nas súas vivendas para sentir a chegada dos Reis. E só naqueles casos nos que a comitiva non pase cerca e non se vexa dende a xanela, poderán achegarse a aquelas grandes avenidas debendo sempre gardar a distancia de seguridade (2m.) entre grupos de convivintes.
Os Reis farán o percorrido en coches descapotables, para ser así visibles, non en carroza polo que o percorrido será mais áxil e rápido que nunha Cabalgata tradicional.
Antonio Lomba recordou cun vídeo(https://youtu.be/utQiJDMijUI) a todos os nenos e nenas da vila, que as luces que se repartiron nos colexios os guiarán dende os balcóns e ventás das vivendas da vila. Estas luces, de fabricación local, xa se repartiron polos diferentes centros educativos da vila, para que os reis magos saiban onde teñen que deixar os agasallos, polo que teñen que deixalas colocadas nas fachadas das casas dende esta mesma fin de semana.
Unha vez rematadas as datas do Nadal, todos aqueles que non desexen conservar estas luces as poderán depositar nos contedores de residuos eléctricos ubicados no primeiro andar da Praza de Abastos da localidade, para ser reutilizados pola empresa que os fabricou.
Máis actividades na Programación do Nadal 2020 na Guarda
•          MERCADO DE NADAL
Na Praza de Avelino Vicente do 4 de decembro de 2020 ao 5 de xaneiro de 2021 coincidindo coa campaña de comercio e cultural adicada ao Nadal, en horario de 10:00h a 13:30 e de 16:00h a 19:00h
•          VIDEOCHAMADAS COS REIS MAGOS  
O 4 de Xaneiro os Reis Magos contactarán con todos aqueles nenos e nenas que o desexen, para participar nestas videochamadas é preciso que se inscriban nesta actividade dende o 15 de decembro acudindo ao Centro Cultural ou chamando ao 986 61 1850 en horario de 10:00h a 13:00h e de 16:00h a 19:00h. Unha vez inscritos se lles proporcionará un código de acceso para ingresar na web: http://www.barafundaanimacion.com/videochamadas-nadal/  unha vez alí poderán concretar as súas citas cos reis magos.
PROGRAMACIÓN AXENDA DE NADAL:
XANEIRO
LUNS 4 e MARTES 5 XANEIRO
“Os carteiros do Nadal”
2 e 4 en horario: 17:00 a 20:00 horas
5 en horario: 10:30 a 13:30 horas
MARTES 5 XANEIRO
Visita dos Reis Magos.
Os reis magos visitaran a partires das 17:30h as diferentes rúas da vila.
MÁIS ACTIVIDADES
•          MERCADO DE NADAL
Na Praza de Avelino Vicente do 4 de decembro de 2020 ao 5 de xaneiro de 2021 coincidindo coa campaña de comercio e cultural adicada ao Nadal, en horario de 10:00h a 13:30 e de 16:00h a 19:00h
•          VIDEOCHAMADAS COS REIS MAGOS  
Os días 3 e 4 de Xaneiro os Reis Magos contactarán con todos aqueles nenos e nenas que o desexen, para participar nestas videochamadas é preciso que se inscriban nesta actividade dende o 15 de decembro acudindo ao Centro Cultural ou chamando ao 986 61 1850 en horario de 10:00h a 13:00h e de 16:00h a 19:00h. Unha vez inscritos se lles proporcionará un código de acceso para ingresar na web: http://www.barafundaanimacion.com/videochamadas-nadal/  unha vez alí poderán concretar as súas citas cos reis magos.
     
A Unidade Móbil de inspección técnica de vehículos estará na Guarda en febreiro e marzo
A Guarda, 2 de xaneiro de 2021. A Unidade Móbil de inspección técnica de turismos desprazarase ao concello da Guarda do 23 de febreiro ao  9 de marzo, situándose na Estación de Servicio San Roque entre as 9:00 e as 13:30 horas, e de 15:15 a 18:00 horas, agás o 09 de marzo, que será só en horario de mañá.
Respecto á inspección técnica de vehículos agrícolas a mesma realizarase o 8 de febreiro de 9:00 a 13:30 horas e de 15:15 a 18:00 horas.
Poderase solicitar cita previa chamando ao número 902 30 90 00 ou acudindo a páxina web: www.sycitv.com - Cita previa
A admisión de vehículos con características particulares estará condicionada á
posibilidade de realizar as operacións de inspección regulamentarias.
Regreso al contenido