PORTADA

NOTICIAS  

A GUARDA

TUI

O ROSAL

OIA

TOMIÑO

BAIXO MIÑO

LOCAL

OUTRAS NOVAS

DEPORTE

AXENDA

NECROLÓXICAS

ENTREVISTAS

COMUNICADOS

PORTUGAL

HEMEROTECA

PÁXINAS

 REPORTAXES

CONCELLO DA GUARDA

RÚAS DA GUARDA

VARIA

FOTOSAYER

FOTOS LECTORES

PATRIMONIO arquivo e documentación

XENTES de Ribadavila

Calendario

ENLACES

 
 
 

 

galiciasuroeste                                                       O Rosal                 

SOPER INMOGAR, S.L.

CONSTRUCCIONES Y PROMOCIONES 

PANCENTEO 1, O ROSAL, PONTEVEDRA

TLF 986 625 031 Y 610 785 248

www.sopersl.com

Sábado, 20 de xaneiro de 2018       

Convocatoria dunha praza de auxiliar administrativo interino no Rosal

O Concello do Rosal aprobou as bases e a convocatoria para cubrir unha praza polo procedemento de concurso-oposición libre, pertencente á escala de Administracón Xeral, subescala auxiliar, vacante dende o 1 de xaneiro de 2018. A citada praza convócase por razóns de urxencia como persoal funcionario interino ata a cobertura definitiva da mesma por funcionario de carreira (O proceso de cobertura da praza está en trámite, téndose aprobado as bases de selección para a súa cobertura definitiva mediante acordo da Xunta de Goberno Local de data 5 de outubro de 2017).

Para cubrir esta praza, está aberto o prazo para presentar as solicitudes e demais documentación requirida no Rexistro Xeral do Concello ou ben mediante calquera das formas establecidas no artigo 16.4 da Lei 39/2015, de 1 de outubro, do Procedemento Administrativo Común das Administracións Públicas, todo elo de conformidade coas bases da convocatoria expostas no taboleiro de anuncios e na sede electrónica do concello. O prazo de presentación de instancias remata o 23 de xaneiro

 

Martes, 16 de xaneiro de 2018       

El  Trail Adventure Muíños do Folón abre hoy sus inscripciones

La primera edición del Trail Adventure Muíños do Folón abrirá este martes, 15 de enero, su período de inscripciones. La carrera, que se desarrollará en el entorno de este complejo histórico-etnográfico de O Rosal, se celebrará el domingo 4 de marzo y contará con dos distancias: 12 kilómetros (Adventure) y 21 kilómetros (Advance) para “adaptarse tanto a los corredores más exigentes como a los que se están iniciando en esta disciplina”, asegura el director de la prueba, Serafín Martínez.

Paralelamente a la carrera, también se celebrará una andaina popular guiada por el escritor local Juan Ramón Martínez, quien explicará a los participantes el origen, evolución y características de este conjunto histórico-etnográfico declarado Bien de Interés Cultural.

Las inscripciones para el trail o la andaina podrán realizarse hasta el 28 de febrero a través de la web www.championchipnorte.com, pudiendo beneficiarse los participantes de un precio especial de apertura hasta el próximo domingo.

El Trail Adventure Muíños do Folón está organizado por Qualité Sport en colaboración con el Concello do Rosal y nace con la intención de dinamizar y poner en valor este paraje del Baixo-Miño a través de la práctica deportiva.

Más información en www.traildofolon.com.

 

Venres, 12 de xaneiro de 2018       

Sorrisos Transformadores se expone en O Rosal

 

Premer na foto para máis imaxes

 

O pasado mércores, 10 de xaneiro, tivo lugar no Auditorio Municipal do Rosal a inauguración da exposición fotográfica Sorrisos Transformadores, levada a cabo pola Deputación de Pontevedra e a Asociación de familias con menores Trans, Arelas, con fotografías de Noemí Chantada en colaboración co concello do Rosal. A exposición estará no CPI Suárez Marquier ata o día 22 de xaneiro con acceso libre para toda a poboación.

A mostra foi presentada por Digna Rivas deputada de Cohesión Social e Xuventude da Deputación de Pontevedra, Lucia Muradas Arcay, xefa de Servizo de igualdade, e Jesús Mª Fernández Portela alcalde do Rosal.

A presentación foi complementada cunha charla impartida por Cristina Palacios, presidenta de Arelas dirixida ao alumnado de educación secundaria do CPI Suárez Marquier. A charla “Crianzas trans*formando a sociedade” tivo un enorme éxito entre o alumnado que alargou a sesión coa súas preguntas a Cristina, facilitando un interesante debate ao remate do coloquio.

Baixo o lema "respecta - defende - sensibiliza - iguala - vive e deixa vivir", o proxecto está integrado por 10 imaxes. Esta campaña de visibilización positiva inclúe os retratos de persoas alegres, orgullosas, que amosan unha parcela da súa vida que lles gusta e irán acompañadas cada unha dun texto que recolle unha frase ou unha idea sobre cada unha desas persoas e da súa contorna. Entre as persoas retratadas inclúense algunhas de referencia social, sexan ou non transexuais, pero vencelladas coa realidade destas persoas pola súa profesión e que axudan á hora de transmitir a súa mensaxe: educadoras e educadores, xuristas, políticas e políticos, psicólogas e psicólogos…

"Sorrisos Transformadores" nace co obxectivo de lles dar visibilización, sensibilización e naturalización ao colectivo trans e ás súas familias, co fin de promover a igualdade de oportunidades e o respecto á diversidade.

As súas finalidades son as de, por unha banda, prever actitudes e comportamentos discriminatorios pola orientación sexual ou identidade de xénero e, pola outra, combater o acoso escolar por estes dous motivos, favorecendo a visibilidade do alumnado LGTBI e a plena normalidade das orientacións sexuais e identidades de xénero.

 

Martes, 09 de xaneiro de 2018       

Recepción no Rosal ao campión Gabriel Marcelli Carballido

O piloto de 17 anos, Gabriel Marcelli Carballido, foi recibido no Concello do Rosal (o pasado 22 de decembro), tras colleitar multitude de éxitos no 2017: campión de Cataluña, campión de España e Subcampión do Mundo son algúns dos títulos conseguidos polo deportista rosaleiro, que mesmo vén de ascender á máxima categoría do Trial Mundial (TR1).

Gabriel, que estivo acompañado polo seu pai José María, charlou amizosamente co alcalde do Rosal, Jesús Mª Fernández Portela; coa tenente de alcalde, Mª Carmen Alonso, e co concelleiro de Deportes, Ángel Martínez Villa.

En nome de todos os veciños do Rosal, Marcelli foi agasallado cunha pequena praca de recoñecemento á súa fantástica tempada así como cun lote de produtos da terra.

 

Ata o 22 de xaneiro pode visitarse na Rosal a exposición Sorrisos Transformadores

Entre o 10 e o 22 de xaneiro o Concello do Rosal desfrutará da exposición Sorrisos Transformadores organizada pola Deputación de Pontevedra. A exposición pretende chegar ao máximo público posible, e en particular á xente nova que poida ter máis dificultade pola súa orientación sexual ou identidade de xénero. Por este motivo o concello cederá temporalmente a exposición ao centro educativo CPI Suárez Marquier para que a súa proxección sexa máxima entre a xente máis nova. A exposición de 10 paneles fotográficos vai acompañada dunha charla impartida por Cristina Palacios, presidenta de ARELAS (Asociación de familias de menores Trans) o mércores 10 de xaneiro no Auditorio Municipal ás 13.00h á que toda a poboación interesada está invitada.

 

Martes, 19 de decembro de 2017       

San silvestre non competitiva no Rosal o 31 de decembro

O Concello do Rosal, en colaboración con comerciantes da localidade, organizan a IV Carreira Popular San Silvestre do Rosal o vindeiro 31 de decembro.

A iniciativa, dentro da programación de Nadal, ten un obxectivo non competitivo tratándose dunha xuntanza familiar, por esta razón, non existen premios, senón que se premiará a participación.

Os productos ou servizos sorteados serán cedidos polo comercio do Rosal que colabora activamente nesta iniciativa.

Categoría Infantil : de 0 a 14 anos

• De 0 a 5 anos (non participan no sorteo)
• De 6 a 10 anos
• De 11 a 14 anos

Categoría Xuvenil – Adulto:

• De 15 a 20
• De 21 en adiante.

A proba, con saída e meta na Praza do Calvario celebrarase, como se menciona, o 31 de decembro, realizándose ás 11:00 a andaina de 2.400 metros para os máis pequenos, e a continuación terá lugar a carreira non competitiva, con 5.142 metros, estimando que nunha hora estará rematada a San Silvestre.

A inscrición (2€ por persoa participante) ata o 28 de decembro e información detallada da San Silvestre do Rosal, está a dispor dos participantes no Servizo de Información Xuvenil e Animación Sociocultural do Concello do Rosal. 986625000 e no Facebook Omix Do Rosal.

 

Luns, 18 de decembro de 2017       

Actos da Agrupación Musical do Rosal o 22 e 23 de decembro

Con motivo do fin de trimestre e das festas do Nadal, a Agrupación Musical do Rosal organiza diferentes actos que terán lugar no Auditorio Municipal do Rosal a vindeira fin de semana:

- Venres 22 decembro, 20,00 h: Audición de alumnos da escola

- Sábado 23 decembro, 17,30 h: Festival de Nadal no que participarán a Banda Infantil, os nenos de Iniciación Musical, Coro Infantil, Coro de Voces e a Minibanda da Escola de Música, que ofrecerán un concerto entretido para o público. Durante o transcurso do acto realizarase a entrega dos premios do III Concurso de Carteis de Nadal. Na entrada principal do auditorio estarán expostos os debuxos gañadores e finalistas do concurso, organizado pola asociación dentro da escola de música.

 

Martes, 5 de decembro de 2017     

A Agrupación Musical do Rosal celebrará o sábado o seu tradicional “Santa Icía” e renderá homenaxe á Comunidade de Montes de Santa Mariña do Rosal

A Agrupación Musical do Rosal, que este ano vén de cumprir o seu 31º aniversario, organiza o sábado, 9 de decembro, o concerto de Santa Icía no que debutarán os alumnos que se incorporán a sección de mayores, pero que ademais será un concerto de homenaxe á Comunidade de Montes de Santa Mariña do Rosal, recoñecendo así o labor que realizan nos montes, e a colaboración que prestan ás diferentes entidades culturais e deportivas do concello, entre as cales se atopa a mencionada banda de música.

Os actos, que comezarán cunha misa ás 18:30 na honra a Santa Icía, na Igrexa Parroquial de Santa Mariña, cantada pola Coral da Agrupación Musical do Rosal, continuarán cun concerto baixo a batuta de José Javier Bascoy, ás 20:30 horas no Auditorio Municipal do Rosal, no que farán a súa presentación os novos integrantes.

O programa do concerto combinará as obras orixinais, con transcricións de grandes obras sinfónicas ou líricas, iniciándose co pasodobre “Las Arenas”, do compositor Manuel Morales. A continuación terá lugar a presentación e benvida dos novos compoñentes. A promoción deste ano é especialmente numerosa cunha decena de rapaces, músicos nacidos das aulas da escola de música rosaleira.

A viaxe musical deste concerto irá desde Londres a Venecia con “Orient Express”, obra do compositor para banda Philip Sparke, de orixe británico. De seguido, un arranxo dun musical de máis éxito do Broadway dos anos 90´s, con “Miss Saigon”, de Claude M. Schoenberg (autor tamén doutras obras tan famosas como Os Miserables), e como final, “Con tu manta”, obra do compositor canario J. M. Encinoso.

A velada festiva terminará cunha ceabaile na que participarán músicos, socios e familiares da Agrupación Musical.

 

Mércores, 29 de novembro de 2017    

Entrega de premios aos gañadores do Concurso de Haikus

O Concello do Rosal ven de celebrar o I Concurso de Haikus con motivo do Día Internacional da Violencia de Xénero.

Dous eran as categorías que optaban a premio, a modalidade de persoa adulta e a modalidade de alumnado, pero debido á cantidade de obras presentadas entre a xente máis nova do Rosal, o Concello quere valorar e recoñecer este esforzo polo que concede 3 premios accésit.

Os primeiros premios foron obsequiados con un ebook e os accésit con tres lotes de papelería.

Mª Carmen Alonso Alonso, concelleira de Servizos Sociais e Muller fixo entrega dos premios e diplomas ás persoas gañadoras

1º premio persoa adulta

Paula Estévez Franco (tamén coñecida como Paula Esfra), rosaleira de 22 anos  gañadora do 1º premio de haikus do Concello do Rosal na modalidade de persoas adultas.

Graduase neste ano 2017 en Belas Artes na Universidade de Vigo e está especializada en pintura, ilustración e deseño gráfico.

Na gran parte dos seus traballos amosa un especial interese pola muller, o seu papel na sociedade e a súa identidade así como a integración do ser humano e a natureza. Estas son as temáticas nas que se inspira para realizar as ilustracións presentadas ao concurso de "Haikus" contra a violencia de xénero do Concello do Rosal.

1º premio alumnado:

Celia Areal dos Santos, de 12 anos e natural de Tabagón no Rosal, estuda no CPI Suárez Marquier do Rosal 2º da ESO e é a gañadora do 1º premio de haikus do Concello do Rosal na modalidade de alumnado.

Celia ten unha especial sensibilidade polos temas de igualdade e dereitos da muller, dos que ainda sendo moi nova, mostra moitas inquedanzas.

Na súa obra valorouse en especial a súa arte e capacidade expresiva tanto no poema como nas imaxes que acompañan ao texto.

Premio accésit:

Martín Sobrino Rodríguez de A Cunchada aos seus 8 anos xa amosa interese pola literatura e pola arte, e así o demostra na súa obra de haikus que resultou gañadora cun dos premios accésit.

Claudia Santos Lorenzo de Eiras de 8 anos, é a gañadora dun dos tres premios accésit. Na súa obra destaca a capacidade expresiva, o colorido e o texto.

Alba Álvarez Casaleiro de Martín, resultou gañadora de outro dos premios accésit no concurso de haikus, valorando en especial a parte plástica o colorido e a expresividade.

 

Martes, 28 de novembro de 2017    

Interrupción do suministro eléctrico no Rosal

Co fin de efectuar traballos de mantemento e desenvolvemento da rede eléctrica necesarios para atender nas mellores condicións as necesidades de subministro da zona, Unión Fenosa Distribución informa que os días 28 e 29 de novembro, de 1:00 ás 4:00 horas da madrugada, procederase a unha interrupción do subministro eléctrico que afectará aos lugares de As Cruces, Lagos, Cunchada, Couselo, Pancenteo, Medas, Cumieira de Baixo, Urgal, Cumieira de Riba, Pías, A Lomba, Valdemiñotos, Sandián, Marzán, Fecha, Cachada, San Xián e Pancenteo.

 

Espectáculo visual con poimpas de xabrón no Rosal

“Os fabulosos Cleaners”, espectáculo visual de burbullas de xabón terá lugar o domingo, 3 de decembro, ás 18.00h no Auditorio Municipal do Rosal.

Sinopse: Dous expertos operarios da limpeza, descobren por casualidade as posibilidades que poden dar as súas ferramentas de traballo, combiadas con auga e xabón. A partir de aí, os personaxes emprenderán unha excitante viaxe conducidos polas fantásticas pompas de xabón.O público sorprenderase e gozará con estas máxicas burbullas; pompas transparentes, con fume, con vapor, que poden ser pequeñas, grandes, estáticas ou voando polo escenario.

O espectador camiñará da man destes personaxes por un mundo máxico, cheo de cor e de moito humor.

 

Sábado, 25 de novembro de 2017    

Obradoiro de centros de Nadal no Rosal

A Asociación de Mulleres en Igualdade do Rosal organiza un obrador de centros de Nadal, que se ralizará os martes 12 e 19 de decembro, de 20.00 a 22.00 horas no Centro Social Polivalente do Concello do Rosal.

O prezo do curso é de 15 euros por persoa e as inscricións formalizaranse chamando aos números 677 43 13 18 ou 696 86 53 15.

 

Mércores, 22 de novembro de 2017    

No mes de decembro O Rosal acollerá os mercados de Nadal e de Artesanía

O Rosal organiza o sábado, 9 de decembro, e o domingo, día 10, o Mercado do Troco e Segunda Man, mentres que o sábado, 16, e o domingo, 17 de decembro, terá lugar o Mercado de Artesanía.

O Mercado do Troco e Segunda Man, ten por obxecto fomentar unha cultura de intercambio, onde se pretenden superar os conceptos de compra e venda ligados ao exceso de consumo. En definitiva, recuperar valores como o “saber compartir” e o “consumo responsable” fronte á acumulación e excesivo apego aos obxectos.

Co Mercado de Artesanía, quérese pór en valor todos aqueles productos feitos a man, con materias primas de calidade e que están realizados con mimo e tempo de elaboración, valorando o bo das cousas feitas a man.

Os mencionadois mercados celebraranse no Salón de Exposicións do Concello cun de 10.00 a 20.00 horas.

Haberá 20 postos expositores polo que todas aquelas persoas interesadas en participar, deberán solicitar por rexistro de entrada do concello unha solicitude. Os postos serán adxudicados por riguroso orde de rexistro de entrada.

 

O Rosal conmemora o Día Internacional contra a violencia de xénero

Con motivo do 25 de novembro, Día Internacional contra a violencia de xénero, o Concello do Rosal coa colaboración da plantilla de traballadoras da Escola Infantil Galiña Azul promoven o proxecto contra a violencia de xénero, “Eu tomo partido, e ti?.

Este colectivo de traballadoras ten unha dobre responsabilidade, por un lado na formación e transmisión de valores de igualdade desde as idades máis temperás, e por outra banda, no contacto e traballo coas familias, e en definitiva cos fogares de centos de nenos que pasaron e pasarán ao longo dos anos polas aulas da Escola Infantil do Rosal.

Este ano cóntase coa colaboración desinteresada das profesoras da Escola Infantil Galiña Azul do Rosal Alicia Alonso Treinta, Raquel Iglesias González, Ana belén Díaz Rodríguez, Ovidia González Dorado, Olga Treinta González, Vanesa Sánchez Fernández, Rebeca Real Araujo, Mercedes Punzano Rodríguez, Noelia Parcero Rodríguez, Mercedes Torres Costa.

 

Sábado, 18 de novembro de 2017    

Curso de Cociña no Rosal

O Concello do Rosal organiza un cursiño práctico de cociña de Nadal, cun único día de duración, para elaborar un menú navideño. Os contidos serán: aperitivos creativos, un primeiro prato, un segundo prato e sobremesa.

O curso impartirase o mércores, 13 de decembro, de 18.30 a 21.30 horas, e o prezo con material incluído é de 15 euros persoa.

A inscrición faranse no Servizo de Información Xuvenil e Animación Sociocultural chamando ao teléfono 986 62 50 00 extensión 4.

 

Mércores, 8 de novembro de 2017    

O concello do Rosal colaborou na organización da I Ruta Tamuxe-Miño en kayak de mar

 

Premer na imaxe para ver máis fotos

O sábado, 28 de outubro, tivo lugar A I Ruta Tamuxe-Miño en kayak de mar organizada pola Federación Galega de Piragüismo e base KDM Mar de Aldán, coa colaboración do Concello do Rosal que facilitou aos participantes avituallamento para a travesía. Colaboraron tamén neste evento a Federaçao portuguesa de canoagem, Deputación de Pontevedra, Patronato Rías Baixas e Nordés Kayak.

A saída da ruta foi ás 10.00 da mañá desde o Parque de Pías, aínda que unha hora antes os participantes reuníronse para levar a cabo a desinfección e limpeza dos kayak, requisito previo neste tipo de prácticas.

O día soleado e unhas temperaturas idóneas para a práctica deste deporte, fixeron que os cáseque 20 participantes do Rosal, A Guarda, Cangas e Bueu, e incluso de Madrid desfrutasen da ruta seguindo as explicacións de Manuel Sobrino, veciño da Guarda e autor do Blog “El naturalista cojo” que ensinou aos participantes os valores naturais da zona do río Tamuxe, e especialmente do estuario do Río Miño, as súas aves e outras especies como a nutria.

O itinerario de 14,26 quilómetros iniciouse coa limpeza dos kayaks ás 9.00 horas, e a saída ás 10.00, ascendendo o curso do Tamuxe pola parte española ata o Muíño das Aceñas. Logo descenso e subida polo Miño, río arriba pola canle entre terra e a illa da Canosa, para empezar o descenso por fóra da canle ata o sur da illa Ariño, lugar de alta concentración de aves, situado fronte ao Camping Santa Tecla, volvendo ao momento de partida pola canle de Cotro.