26/07/12

     

    

Encontro dos Pobos na Guarda

 

Concluíu na Guarda o XIX Encontro dos Pobos organizado polo grupo Do Lusco ó Fusco

 

 

Unhas seiscentas persoas acudiron o 24 de xullo ao Auditorio de San Bieito para disfrutar, unha edición máis, e van dezanove, do Encontro dos Pobos organizado polo Grupo de Gaitas e Baile Do Lusco ó Fusco.

            Pola praza desfilaron os grupos de Gaitas da 3ª Idade, Xamaraina, a Boalleira, Os Pelouros, Vento Mareiro e Do Lusco ó Fusco, todos eles da Guarda, ademais de Itxas-Alde de Euska-Herría.

            Sorprendeu aos guardeses a nova indumentaria dos anfitrións, pero tamén a renovada posta en escena dos bailes empregando instrumentos como os paus e arcos de cores para recrear, con estes últimos, distintas imaxes.

            Espectacular resultou a actuación do grupo vasco que, en palabras do seu director, atopáronse moi a gusto na súa estadía en Galicia a onde esperan voltar, ben formando parte de Itxas-Alde ou a título particular.

            Houbo intercambio de agasallos, ofrecendo tamén o concello un recordo ás formacións participantes no XIX Encontro dos Pobos cuxo periplo levou este acontecemento ao Rosal e a Tomiño.

            A presidenta de Do Lusco ó Fusco, Carmen Fernández, tivo un emocionado recordo para Julia Sobrino, lembrando que durante 25 anos dirixiu e foi promotora deste grupo, recoñecendo, ao mesmo tempo, a contribución que a hoxe Presidenta de Honor, a mencionada Julia Sobrino, tivo no eido cultural non só traballando na Guarda a prol da cultura, senón aínda máis alá deste municipio, e pediu un “forte aplauso para Julia Sobrino” que atopou a total resposta dos presentes no Auditorio.

 

Outra forma de ver a reportaxe: premer na foto

 

 

 

 

 

 

 

 

 

 

 

 

 

Reportaxe anterior

 

Recepción

oficial a

Óscar Carrera

 

Outras reportaxes

 

Índice reportaxes 2011

 

 

Reportaxes dos lectores

 

 

Se desexa incluír unha reportaxe comercial en galiciasuroeste infórmese sen compromiso enviando un correo a:

galiciasuroeste(arroba)gmail (punto)com