Varamento dun rorcual en Viladesuso (Oia)

seguinte

Membros de ANABAM e Cemma recollendo datos do rorcual (Foto Noé Ferreira)

      Membros de ANABAM e de CEMMA, estiveron, o venres, 17 de maio, recollendo datos dun dos maiores cetáceos que vararon na costa do Baixo Miño, un rorcual alibranco, (Balaenoptera acutorostrata), femia, de algo máis de 8 metros de lonxitude que o mar deixou varado nos rochedos de Viladesuso (Oia). Certos indicios observados na  inspección ocular realizada, indican que moi probablemente este individuo foi arrastrado por algunha embarcación, posiblemente xa cadáver.

      No que levamos de ano, ANABAM leva rexistrados preto de vinte cadáveres de cetáceos, ademais dunha tartaruga de coiro. No que respecta ao rorcual alibranco, este é o terceiro exemplar desta especie que se rexistra no Baixo Miño. Os dous primeiros exemplares apareceron en Portecelo.

A fin de semana levou a moitos curiosos a Viladesuso para observar o rorcual

Durante toda a xornada do sábado e o domingo o rorcual converteuse en protagonista para cantos se achegaron a Oia

Unha inspección ocular permite apreciar, a ambos lados do aparello xenital, as mamas

Un detalle do varamento

Aleta caudal. A color natural vaise perdendo co paso dos días

O rorcual atópase na parte inferior da zona intermareal

Detalle das mandíbulas, parcialmente deterioradas polos golpes contra as rochas

Unha das aletas. A perda de coloración evidencia que este exemplar leva algúns días xa morto

seguinte