XVII Festa da Lagosta

e da cociña mariñeira

seguinte

Pouco despois das 12.30 do pasado sábado (07/07/2007), daba inicio á “XVII Festa da Lagosta e da Cociña Mariñeira” coa intervención do alcalde, o socialista José M. Domínguez Freitas, para dar a benvida, e agradecer a presenza nesta degustación, das autoridades e o público en xeral.

Alcaldes de Tui, Antonio Fernández Rocha; O Rosal, Jesús Mª Fernández Portela; Oia, Alejandro Martínez, e Vigo, Abel Caballero; deputado en Lisboa, Jorge Fao; delegado da Consellería de Traballo, Pedro Borrajo, e o conselleiro, que sería o pregoeiro, Ricardo Varela, déronse cita, entre outras autoridades, neste encontro gastronómico co mar feito cociña.

O alcalde, na súa intervención, cualificou a festa como “un magnífico escaparate deste pobo”.

Clarexou que o deseño da festa seguía o mesmo que a pasada edición, xa que sendo goberno desde o pasado 16 de xuño non posibilitaba “facer grandes cambios, senón de tentar mellorar o que xa había”. Destacou especialmente o labor “da 2ª tenente alcalde, e concelleira de Turismo, Montserrat Magallanes” que se centrou “coas limitacións presupostarias que temos, en facerlle saber a moita xente que hoxe (polo sábado) e mañá (domingo) hai unha moi importante festa gastronómica na Guarda”, referíndose con estas palabras aos dípticos publicitarios que se repartiron por toda Galicia e norte de Portugal en oficinas de turismo e establecementos hostaleiros, pero tamén ao “importante esforzo en radio e prensa” para promocionar unha festa que levou, na súa xornada inaugural, a un importante número de comensais á Guarda superando todas as espectativas xa que non se coñecía unha afluencia tan importante como a rexistrada na xornada do sábado.

Domínguez Freitas quixo destacar que “este ano a oferta gastronómica é moi ampla e variada, ademais de asequible a todas as economías. Xa non se pode dicir aquilo de que a Festa da Lagosta é para uns poucos”.

Antes de que se inicie a Festa os políticos locais intercambiaron impresións. Xan Lois Lomba, concelleiro do BNG, con Pero Borrajo, delegado provincial de Traballo

Rexidores como Jesús Mª Fernández Portela, do Rosal, e Antonio Fernández Rocha, de Tui, estiveron na xornada inaugural

A concelleira de Turismo, Montserrat Magallanes entrevistada para un medio de comunicación. Á dereita, o presidente da Entidade Local Menor de Camposancos, Rafael Álvarez, e o concelleiro de Patrimonio, Javier Crespo

Agustín Franco, Domingo e Jesús Fernández

Compoñentes do grupo de gaitas "Os Pelouros" que animaron a xornada matinal

As voluntarias da Cruz Vermella Xuventude aproveitaron a celebración gastronómica para ofrecer número do sorteo do Ouro

Olmedo, concelleiro socialista en Oia; Pedro Borrajo, José Antonio Uris Guisantes, Ricardo Varela, xefe do Gabinete do conselleiro e José M. Domínguez Freitas

Tecla Lomba foi a responsable de presentar ao alcalde logo de anunciar que ía comezar os actos preliminares da Festa Gastronómica coa lectura do pregón trala intervención de Domínguez Freitas

"Benvidos a todos e a todas á Guarda; a este marco incomparable do noso porto, con este mar maíno ou bravío segundo as ocasións, océano vixiado desde o principio dos tempos por este coloso de pedra que chamamos monte Trega"

Membros da Corporación do Partido Socialista...

En primeiro término, José Alberto González Vicente, concelleiro e portacoz do Partido Popular; ao seu carón Berto Franco, presidente do Sporting Guardés. Pola dereita, os alcaldes de Tui, Fernández Rocha,  e Oia, Alejandro Martínez...

e público en xeral seguiron as distintas intervencións que darían paso a degustación gastronómica

Distintos medios de comunicación: televisión, radio e prensa encargáronse de levar a palabra máis alá do espacio físico no que se deixaba oír