Teatro do Falabarato volveu á escena, no Centro Cultural da Guarda o venres 4 de avril de 2008, nesta ocasión para escenificar “Comedia Bífida”, de Manuel Núñez Singala.

Cunha importante presenza de pública, arredor de 150 asistentes arrouparon o estreno desta obra coa que concursarán os alumnos do IES A Sangriña no II Mostra de Teatro non Profesional "Gabriel Feixó Araúxo". a obra, segundo adiantou antonio Lomba Baz, concelleiro de Cultura, que presentou este acto no Centro Cultural, será nos próximos días representada no casino de Camposancos, como parte dos actos do Centenario desta institución cultura fundada en 1908.

A obra

A páxina web do Consello da Xuventude de Galicia avánzanos que “Comedia bífida” é unha obra que pon enriba da mesa moitos dos prexuízos que aínda persisten arredor da lingua e do seu uso. O conflito lingüístico, situacións de diglosia ou a consideración do galego como unha lingua de segunda, ou mesmo de terceira, son algúns dos temas que se abordan nesta obra teatral na que Singala emite un "xuízo sobre o uso que os galegos facemos do idioma", comenta o autor.

Manuel Núñez Singala

Na mesma páxina danse as principais referencias literarias de Manuel Núñez Singala, autor de “Comedia bífida” quen se deu a coñecer como escritor en 1991 con outra obra teatral, O Achado do Castro, gañadora do Premio Xiria de Creación Teatral. O autor tamén abordou a novela con Mar de fondo (1997) e o relato, con Minirrelatos (2000), Longa lingua (2002) e Sempre mar (2003). Con todo, Singala non se considera nin autor teatral nin narrador exlusivamente: "o que fago é contar cousas", a forma "depende do que queremos contar e para quen o queremos contar".