Escolas Deportivas do Rosal

Texto e fotos: OMIX do Rosal

Un total de 145 rapaces do Rosal participan nas escolas deportivas promovidas pola Deputación, concretamente, 70 nenos na escola de fútbol e 75 na de patinaxe.

A iniciativa foi presentada o pasado mércores, 9 de abril, polo deputado de Deportes, José Enrique Sotelo, polo alcalde do Rosal, Jesús Mª Fernández Portela, e os coordinadores de cada actividade (Fútbol: Moncho Carnero e Milucho; Patinaxe: Alberto Covelo). A continuación, o Deputado de Deportes, o alcalde do Rosal, os coordinadores das actividades, e  as concelleiras de Animación Sociocultural e Servizos Sociais respectivamente, fixeron entrega dunha mochila e dunha camiseta a cada neno e nena participantes.

Escola deportiva de fútbol

A escola de fútbol celébrase os martes e xoves de 19 a 21 horas no campo de fútbol municipal. Pero ademais, os nenos participarán os sábados pola mañá en competicións coas restantes escolas deportivas de fútbol que a Deputación organiza na provincia nas que están inscritos 350 rapaces. Estes campionatos celebraranse maioritariamente nos concellos de Ponteareas e Tui.

Escola deportiva de patinaxe. 

A actividade de patinaxe ten lugar os luns de 17.15 a17.30 e os mércores de18.00 a 19.30 horas no pavillón do CPI Suárez Marquier. Neste caso, a Deputación ten previsto organizar dúas exhibicións públicas para que os pais e os afeccionados poidan disfrutar do aprendido polos nenos. Nas mencionadas actuacións participarán todos os patinadores inscritos nas diferentes escolas da provincia que a día de hoxe son 300, dos que 75 son do Rosal.

Todas as escolas son gratuítas xa que a Deputación asume os gastos de monitores e de funcionamento, a través dun convenio asinado coas federacións. O obxectivo da iniciativa é fomentar a práctiva  de cada deporte entre os rapaces, ademais de contribuír a acrecentar ó máximo as súas capacidades físicas e intelectuais. Final mente a Deputación facilitaralles aos rapaces o equipamento necesario para realizar a actividade.