I Festa da Anguía

Tui (30/03/2008)

Éxito da I Festa da Anguía en Tui

     Chema Figueroa, en representación da Deputación de Pontevedra, e Antonio Fernández Rocha, alcalde de Tui, foron ás 11.30 da mañá de onte os responsables de inaugurar a I Festa da Anguía na rúa Compostela en Tui.

     A primeira edición desta cita gastronómica contou cunha excelente acollida por parte do público que degustou ás 2 mil racións que se puxeron á venda ao prezo de 10€. Foron servidas nunha góndola de barro conmemorativa e acompañadas de viño Señorío de Rubiós en taza conmemorativa.

Entre as autoridades destacou a presenza dos membros da corporación municipal de Tui, dos alcaldes do Rosal, Jesús María Fernández Portela, da Guarda, José Manuel Domínguez Freitas, de Salceda, Marcos Besada, e o tenente alcalde de Tomiño, Jesús Castiñeira, e o voceiro do PSdG-PSOE de Oia, José Antonio Olmedo, entre outros.

Todos coincidiron en sinalar o acerto desta convocatoria, e do cambio do produto que deste xeito pasa a ser un festexo popular. Moitos deles era a primeira ou segunda vez que probaban a anguía e gabaron a excelente preparación realizada polo equipo do restaurador Jorge Lorenzo.

O público deuse cita tamén baixo a carpa instalada na rúa Compostela para disfrutar desta nova preparación, e sinalaron que polo prezo esta si é unha festa popular.

Dadas as excelentes características da anguía e o acertado da súa preparación parece claro que esta festa contribuirá a potenciar este produto gastronómico, que decaera nos menús nos últimos anos, e que é un recurso máis do río Miño.

Moisés Rodríguez, Concelleiro de Cultural, valorou ao remate da festa, a excelente acollida que o público brindou a este festexo, o que viu confirmar o acertado do cambio do meixón, pola anguía.