Xuntanza

O sábado, día 24 de xuño, celebrouse na pista polideportiva do Recreo Artístico Guardés a “III Xuntanza de Socios, Familiares e “migos do Recreo”, que contou cunha gran afluencia de público malia que ese mesmo día e hora había outros eventos na Guarda (entre eles o festival folclórico no Auditorio de San Bieito), ademais do mundial de fútbol, cos oitavos de final televisándose, á hora da "Xuntaza", o partido que enfrontaba ás seleccións de Arxentina e México, e os afeccionados ao fútbol fixéronse reacios a subir ao polideportivo.

Segundo o Presidente do RAG, Anselmo Martínez Pena, é moi positivo para o Recreo que estes actos de camaradería non decaian xa que iso demostra que o Recreo, cos seus 116 anos, segue vivo e con moita saúde, cousa que congratula á directiva xa que iso é o que pretende calquera dirección que tome as rendas dunha sociedade como esta.

En canto á gastronomía presentada polos asistentes á merenda-cea ao aire libre, puidemos ver gran diversidade de pratos aínda que, sen dúbida, a empanada foi a máis socorrida con toda clase de produtos. Os postres tamén foron moi variados e exquisitos.

Finalizada a cea, como é habitual, celebrouse un baile, con música da sociedade, ata altas horas da madrugada.

Anselmo Martínez Pena anticipou xa que o Recreo organizará, o 22 de xullo, a típica Sardiñada coa tradicional “Queimada”.

seguinte