Terceira Idade

Remata o Curso de Bordado

Os pasados xoves e venres, 28 e 29 de xuño, remataron os dous cursos de bordado da Terceira Idade que desde o mes de outubro do 2006 estaban a ser impartidos no salón do Recreo Artístico Guardés.

A profesora, María del Carmen Barbosa Garabal, e as alumnas festexaron o remate desta actividade cunha merenda prometéndose volver a se xuntar no Recreo en outubro para continuar cos labores de bordado e aproveitar un tempo libre que nestas idades abonda e resulta especialmente atractivo para empeñarse naquelas tarefas que máis gustan.

O Presidente do Recreo, Anselmo Martínez Pena, agradeceu a todas as mulleres que asistiron a estes cursos o seu saber estar e a atención coa que coidaron as instalacións do Recreo, xa que o salón quedaba impecable ao remate de cada clase.