galiciasuroeste                                                                                                                       optimizado para 1024x768  

 

galiciasuroeste                                                                              

bado, 11 de novembro de 2017    

Manual de instrucións para educar continúa o martes cunha charla sobre intelixencia emocional

O ciclo de charlas Manual de instrucións para educar” retorna o próximo martes, 14 de novembro, cun faladoiro titulado Educar en intelixencia emocional, guiado pola psicóloga familiar María Jesús Núñez.

Esta segunda sesión do ciclo dedicarase ás emocións como chave para realizar unha intervención eficaz, aportando ferramentas para identificar as emocións e expresalas dende cativos. Deste xeito, acadarán un maior autocontrol e os conflitos poderán resolverse sen complicacións.  

Duelo infantil. O neno ante as múltiples perdas é o título da terceira charla, que se celebrará o 28 deste mes e estará dirixida polo psicólogo Esteban Figueirido. Neste encontro, analizarase como funcionan as perdas nos cativos e cativas (dende algún xoguete ata outras de maior impacto, como a separación dos pais ou falecemento de seres queridos) para axudarnos a acompañalos mellor e evitar posibles secuelas.

O derradeiro encontro, o 12 de decembro, dedicarase ás Maneiras creativas de resolver conflitos”, isto é, nas distintas formas de abordar os momentos críticos “con algo de humor e creatividade”, segundo apunta Figueirido, director da charla.

Manual de instrucións para educar” é unha iniciativa do Programa de Educación Familiar e a Oficina Municipal de Información á Xuventude (OMIX) da Guarda, orientada a ofrecer un espazo de reflexión e experiencias compartidas que axuden aos pais, nais e educadores/as a lograr o pleno desenvolvemento das nenas, nenos e adolescentes para facilitar a convivencia familiar.

Todos os encontros desta segunda edición do ciclo terán lugar na Casa dos Alonso ás 19:30 horas. Dende o Concello da Guarda animamos a todas as persoas con inquedanzas e interese educativos -sexan  pais e nais, avoas e avós, educadores e educadoras, así como veciñas e veciños-  a participar nestas charlas e axudar a crear un espazo enriquecedor no que aprendamos xuntos como acadar unha mellor convivencia familiar nos fogares da nosa vila.

 

Venres, 3 de novembro de 2017    

Nuevas fechas para el curso de Primeros Auxilios en Bebés y niños impartido por Cruz Roja Baixo Miño

            Cruz Roja Baixo Miño organiza un nuevo curso de Primeros Auxilios en bebés y niños, baremable para el SERGAS, con una duración de 10 horas teórico – prácticas, que se celebrará los días 18 y 28 noviembre.

            El objetivo general es capacitar a los alumnos para desarrollar correctamente su actuación ante una urgencia, así como facilitar la adquisición de conocimientos y un nivel adecuado de formación en cuanto a los contenidos.

            En su estructura el curso incluye los siguientes módulos: a. El envejecimiento; b. Objetivos; c. ¿Qué es el socorrismo? ;d. Pauta Generales de actuación ante una situación de emergencia; e. La cadena de supervivencia; e. Conceptos; f. Reanimación cardiopulmonar básica en adultos; g. Posición Lateral de seguridad; h. Movilidad y manejo urgente de las víctimas; i. Exploración Secundaria; j. Obstrucción de la vía aérea por cuerpo extraño; K. Hemorragias; l. Quemaduras; M. Electrocución; N. Heridas; O. Traumatismos; P. Intoxicaciones; Q. Mordeduras y picaduras de animales; R. Urgencias médicas; S. El Botiquín; T. Prevención de accidentes.; U. Bibliografía.

            La acción formativa se llevará a cabo en A Guarda, todas las personas interesadas pueden solicitar más información en Cruz Roja Baixo Miño, situada en la C/ Agustín Nandín Lomba, nº1 bajo o llamando al teléfono 986-61 46 09 o 6063484741; en horario de 8:00 a 15:00h y de 16:00 a 19:00.

            El plazo de inscripción acaba el 15 De Noviembre  el número de plazas es limitado, y la realización del curso queda sujeta a que se cubra el número de plazas. El coste del curso será de 40€.

http://www.cruzroja.es/principal/web/formacion/informacion-curso?cod_curso=409237

 

O Concello da Guarda organiza unha nova andaina  entre Leiro e Pazos de Arenteiro

Dada a boa acollida das últimas andainas organizadas, a Concellería de Deportes do Concello da Guarda decidiu propor a celebración dunha nova andaina para o próximo sábado 11 de novembro.

Malia que primeira proposta foi coñecer o Monumento Natural Pena Corneira,  o percorrido tivo que ser modificado por mor da vaga de lumes do pasado mes de outubro, que afectou notablemente a zona e fai desaconsellable a súa visita.

Así as cousas, a nova ruta, duns 15 quilómetros, será pola zona de Leiro en dirección a Pazos de Arenteiro. O percorrido transcorrerá pola provincia de Ourense, comezando na localidade de Leiro e percorrendo a comarca do Ribeiro, unha zona rural con abundante bosque e vilas que se viron afectadas polo despoboamento.

En Leiro, partirase baixando ao río Avia. Cruzarase por unha vella ponte, atopando así  unha ponte colgante e o cámping, hoxe en día pechado, que era lugar turístico nos meses de verán.

A andaina continuará por vellos camiños ata chegar a Pazos de Arenteiro, no municipio de Boborás, lugar que -como o seu nome indica- comprende numerosos pazos e moita historia tras os seus muros. A ruta concluirá de novo en Leiro despois de pasar pola aldea abandonada de Viñoa.

Como remate desta xornada, está prevista unha breve visita  á vila de Ribadavia, cun percorrido polo seu casco histórico, o barrio xudeu e o castelo, centro da coñecida “Festa da Istoria”.

 

Mércores, 1 de novembro de 2017    

Concurso de cabazas da Cafetería Avenida

 

Premer na foto para ver máis

 

 

Martes, 31 de outubro de 2017    

As «Barferencias» retornan con novos encontros nos bares e cafeterías da Guarda

As «Barferencias», charlas de carácter informal coas que se pretende espallar a cultura máis aló dos centros culturais ou salas de conferencias, que teñen como lugares de encontro os bares e cafeterías guardesas, inícianse este venres, 3 de novembro, ás 20:30 horas, no local Arruaz.  O protagonista do encontro será o Pai Baltasar Merino, botánico e meteorólogo xesuíta cuxo centenario de pasamento se conmemora este 2017. O presidente de OR.PA.GU., Joaquín Cadilla, será o encargado de guiar a charla, titulada «O Pai Baltasar Merino e o seu libro ‘Estudio sobre las Borrascas de la Costa Occidental de Galicia (1893)’».

A represión franquista, o megalitismo galego, a rasa costeira e a lamprea serán os temas que se tratarán nas vindeiras sesións, celebradas un venres de cada mes ás 20:30 horas nos bares da Guarda.

 

Sábado, 28 de outubro de 2017    

Sentida homenaxe aos asasinados polo franquismo na Guarda

O xoves celebrouse no cemiterio de Sestás a homenaxe anual aos asasinados durante o franquismo, coa realización dunha ofreda floral e a pronunciación dun discurso a prol da memoria histórica, organizada pola Federación de Pensionistas e Xubilados de Comisións Obreiras da comarca de Vigo en colaboración co Concello da Guarda.

O acto comezou pasadas as 17:30 horas fronte a fosa común de Sestás, na que 48 homes, principalmente procedentes de Asturias e León, foron “asasinados da forma máis cruel posible”, segundo referiu o alcalde do Concello da Guarda, Antonio Lomba.

Representando a unión comarcal de CCOO de Vigo, Paco Carrera tomou a palabra fronte o preto do centear de persoas congregadas no camposanto para por en valor a necesidade deste acto anual. “Cando unha sociedade perde a súa memoria, perde unha parte da súa biografía social e as referencias do que é e por que o é”, asegourou Carerra, que animou a seguir “loitando pola liberdade e a xustiza, pois nada é eterno e inmutable e nada se consegue baixando os brazos e practicando a arte da indiferencia”.

Nesta mesma liña, o secretario xeral de Pensionistas do sindicato en Vigo, Roberto Ucha, rememorou o contexto histórico, caracterizado polo ascenso dos fascismos en Europa, no que se acometeron os asasinatos en Camposancos. “Eses sistemas crearon un monstruo que levou a guerra civil española primeiro, e a guerra mundial despois” causando millóns de mortes durante e despois dos conflictos, lembrou Ucha. Con todo, asegurou,  “o antifascismo é a idea que une a todos os que estamos aquí, polo terror a que ese sistema se repita en Europa”.

O acto de homenaxe trasladouse deseguido ao Centro Cultural, onde tivo lugar unha charla-coloquio guiada polo investigador e historiador vigués, Bernardo Vázquez e na que tamén participou o guardés e estudoso da historia local, José Antonio Uris.  A el referiuse o rexedor como “unha das persoas que se preocupou por darlle dignidade ao cemiterio” de Sestás, no que dende agosto de 1986 figura un monumento na lembranza das persoas alí fusiladas e soterradas “por defender as liberdades democráticas” durante a Guerra Civil española.

Uris realizou un repaso á historia do campo de concentración guardés, dende a chegada dos primeiros prisioneiros asturianos en 1937, no  que preto de 5.000 homes chegaron a convivir amoreados e centos foron fusilados ou morreron por enfermidade, ata o levantamento do monumento na fosa común.

Co título “Os Consellos de Guerra: a xustiza do revés”, Vázquez ofreceu aos asistentes mostras dun bo número de documentos da época que dan conta da represión acometida polo sistema franquista dende a sublevación en 1936. Entre os mecanismos institucionalizados de represión, destacou o historiador, atopábanse os Consellos de Guerra, un “instrumento de xurisdicción militar aplicado a miles de homes e mulleres”. As condenas -de 30 anos, cadea perpetua ou morte- “dependían directamente do perfil político da persoa”, de xeito que aqueles ligados ás institucións republicanas serían fusiladas, namentres unha “desafección á causa nacional” custaría a liberdade.

O tribunal militar, que comezou a traballar no campo de concentración de Camposancos en 1938, chegou a celebrar unha media de catro consellos de guerra ao día cunha vintena de prisioneiros en cada unha das sesión. Non todos os condenados, segundo explicou Uris, atoparon a morte na Guarda, pois moitos deles foron trasladados a outras partes de Galicia, como Vigo ou Pontevedra, para ser executados.

Con todo, sentenciou o guardés, “non debemos esquecer nunca a estas persoas, que tiñan como ideais a liberdade e a democracia, e morreron por elas”. Nesta liña, Antonio Lomba incidiu na vontade por parte do Concello da Guarda de continuar contribuíndo á lembranza das vítimas do franquismo na vila, malia que “todo o que fagamos para honrar a súa memoria e a das súas familias será pouco” dada a inxustiza froito da cal estas persoas perderon a vida.

 

Xoves, 26 de outubro de 2017    

O ciclo «Diálogos en Educación» comeza mañá, venres, cun faladoiro sobre «Educación consciente»

A psicóloga e traballadora do centro San Xerome Emiliani, Joana L. Pereira, será a encargada de iniciar a terceira edición de «Diálogos en Educación», un ciclo de charlas no que se promoven o debate e a reflexión sobre diferentes temas de actualidade no ámbito educativo.

«Educacións consciente, baseada en ‘mindfulness’» é o título deste primeiro faladoiro, que se celebrará na Casa dos Alonso a partir das 20:30 horas. Esta pretende ser unha actividade aberta ao público e participativa, de interese para persoas de diferentes perfís, máis alá da profesión docente.

Profesionais do mundo da pedagoxía e a psicoloxía guiarán os catro  faladoiros que compoñen a programación do ciclo deste outono.

Programación e temáticas

A orde de celebración das charlas anunciadas inicialmente durante a presentación do evento, o pasado 3 de outubro, tivo que ser modificada por cuestións de axenda. Así, a segunda charla, co título «O multiculturalismo nas aulas, problema ou oportunidade» celebrarase o venres 10 de novembro contando coa participación do profesor da UDC no departamento de Pedagoxía e Didácticas, Juan José Bueno.

O profesor da UDC no departamento de Pedagoxía e Didácticas, Javier F. Rouco, participará no terceiro faladoiro, que xirará en torno á «Filosofía para/con a infancia», namentres a derradeira entrega deste outono será o 1 de decembro e estará dirixida polo catedrático da UDC no departamento de Pedagoxía e Didácticas, Jurjo Torres. Este versará sobre as «Políticas educativas e as influencias neoliberais», realizando tamén unha análise sobre o futuro da educación. 

Todos os encontros serán na Casa dos Alonso ás 20:30 horas, sen límite de aforo e sen necesidade de  inscrición previa.

 

Mércores, 25 de outubro de 2017    

O alumnado dos colexios da Guarda visita a exposición «Proxecto táctil»

O alumnado ao completo dos cinco centros de educación primaria da Guarda e do Centro de Educación Especial San Xerome Emiliani visitará ata o próximo luns a exposición «Proxecto táctil» no Centro Cultural.

A artista e investigadora Iria Vázquez é a encargada de guiar aos cativos e cativas pola mostra, introducíndoos no universo da arte táctil. Uns antefaces fan que os pequenos espectadores perciban dun xeito alternativo as obras, facendo uso unicamente das súas mans e a súa imaxinación.

Un grupo de alumnos do CEE San Xerome foi o encargado de estrear a exposición xa na súa inauguración, o pasado xoves 19 de outubro. Un segundo grupo do centro poderá gozar dela a próxima semana, despois da visita dos rapaces e rapazas do CPR San José-Hermanas Carmelitas, que se achegarán ao Centro Cultural durante a mañá do luns.

O alumnado do CEIP As Solanas, pola súa parte, encheu onte a sala da exposición, namentres  esta mañá foi a quenda dos cativos e cativas do CEIP Manuel Rodríguez Sinde.  As visitas escolares continuarán este xoves e o venres, co alumnado do CEIP A Sangriña e o CPR Pais Somascos, respectivamente. 

Sobre a exposición

Unha decena de creadoras da Facultade de Belas Artes e da escola de moda ESDEMGA son as autoras da decena de obras que compoñen esta exposición, coa que se pretende explicar como ‘ver’ coas mans cun duplo obxectivo: o de permitir que as persoas con discapacidade visual accedan á arte contemporánea de xeito normalizado e o de concienciar ao conxunto da poboación sobre as necesidades das persoas cegas.  Ao ter que ‘ver’ as obras sen facer uso do sentido da vista, pódese experimentar a forma en que as persoas cegas perciben os obxectos.

«Proxecto táctil»  está comisariada pola decana da Facultade de Belas Artes, Silvia García e impulsada pola Deputación de Pontevedra en colaboración coa ONCE. Nesta ocasión, e a diferenza doutros proxectos cuxas pezas son creadas para ser tocadas, a comisaria elixiu obras que xa estaban realizadas pero que se adaptaban á idea de «ser táctiles» pola multiciplidade de texturas e materiais.

A exposición permanecerá aberta ao público ata o próximo 4 de novembro no horario habitual do Centro Cultural, isto é, de 10 a 13 h e de 17 a 20 h de luns a venres, e os sábados en horario de mañá.

 

Martes, 24 de outubro de 2017    

O obradoiro de baile e música tradicional “Canta avoas” admite inscricións ata o 10 de novembro

A Oficina Municipal de Información á Xuventude (OMIX) do Concello da Guarda manterá aberto o prazo de inscrición no obradoiro interxeracional de danza e música tradicional Os nosos bailes e cancións de agora e de sempre: Canta avoas” ata o venres 10 de  novembro.

Esta actividade enmárcase no programa “Tecendo lazos” da Deputación de Pontevedra, cuxa principal finalidade é desenvolver obradoiros interxeracionais no ámbito do lecer e o tempo libre a través dos que establecer espazos para o encontro entre diferentes xeracións.

O curso terá unha duración de 16 horas repartidas entre os venres (de 18:15 a 20:30 horas) e os sábados (de 10:15 a 12:30 horas) entre o 24 de novembro e o 16 de decembro no antigo Colexio Sinde. Nesta actividade poderán participar persoas de entre 10 e 99 anos, preferentemente pertencentes ao mesmo núcleo familiar: avós/as, netas/os, pais/nais, fillas/os, etc.

Para inscribirse, deberase entregar o formulario de solicitude cuberto xunto cunha fotocopia do DNI, certificado/volante de empadroamento e, no caso de menores de idade, autorización para participar no obradoiro.

As persoas interesadas poderán obter máis información na oficina da OMIX situada na Casa do Concello, chamando ao teléfono 986 614 546 ou ben no correo electrónico informacion@aguarda.es.

 

Venres, 20 de outubro de 2017    

Taller de elaboración de galletas” organizado por Cruz Roja

El jueves, 16 de noviembre, de 11 a 13 Cruz Roja Baixo Miño organiza un taller de elaboración de galletas, dirigido a personas mayores de 65 años, que tiene, además entre otros objetivos, trabajar la psicomotricidad fina de las personas asistentes y crear un nuevo espacio de ocio en el que desarrollar nuevas redes de apoyo social y conocer nuevas recetas bajo la dirección de pasteleros de A Guarda.

El taller se desarrollará en el obrador de la pastelería Rogelito de A Guarda, siendo una actividad gratuita y están enmarcada dentro del área de mayores del programa Enrédate, financiada por el Ministerio de Sanidad, Servicios Sociales e Igualdad y cumpliendo la finalidad de lograr una mayor autonomía en las personas mayores favoreciendo un envejecimiento activo.

Para más información o inscribirse, las personas interesadas pueden dirigirse a la Oficina de Cruz Roja Baixo Miño de A Guarda o llamar al teléfono 606 34 84 71.

 

Mércores, 18 de outubro de 2017    

La Comisión Internacional de Atunes del Atlántico (ICCAT siglas en inglés) premia también en 2017 a un pescador gallego

El lunes 2 de octubre de 2017 la ICCAT (Comisión Internacional para la Conservación de Atunes) celebró su tradicional lotería anual de premios entre las recapturas de peces con marcas científicas que fueron comunicadas por los pescadores de diferentes países. Esta lotería abarca cuatro apartados: pez espada, marlines, tiburones y atunes.

En el apartado de tiburones, resultó premiado con 500 dólares USA el pescador gallego José A. Martínez de la flota de palangre de superficie, por la recaptura de un ejemplar macho de quella o tiburón azul (Prionace glauca) cuyos datos fueron comunicados al equipo de Túnidos del Centro Oceanográfico de A Coruña del IEO.

La marca premiada nº 354658 había sido encontrada adherida a la parte externa del cuerpo de una quella o tintorera (Prionace glauca) cuando este ejemplar fue capturado por el buque de palangre de superficie “Ribel III”. El marcado científico y posterior liberación de este tiburón macho había sido realizado previamente por pescadores estadounidenses, pero por desgracia aún no han comunicado los datos correspondientes al marcado. La posterior

recaptura por el palangrero español, fue realizada en el mes de octubre de 2016 en aguas del Atlántico Norte cuando el ejemplar medía aproximadamente 140 cm FL (medida desde el morro a la horquilla de la aleta caudal).

Orpagu agradece el esfuerzo diario de la flota de palangre de superficie española con base en puertos gallegos y desean que estos reiterados premios continúen alentando la estrecha colaboración que desde décadas mantiene esta flota con el Programa científico de Marcado-Recaptura desarrollado por el equipo de Túnidos y especies afines del Instituto Español de Oceanografía de A Coruña, el cual a su vez mantiene una fluida comunicación con diversos institutos de investigación en el marco internacional de ICCAT.

Más información sobre estas actividades de marcado-recaptura de este Equipo de Túnidos de A Coruña puede consultarse en la web: http://www.co.ieo.es/tunidos/default.htm

o directamente en: http://www.co.ieo.es/tunidos/esp/MR.php

 

Xoves, 12 de outubro de 2017    

O ciclo «Cinema volta ao cole» comeza este sábado coa proxección do filme «Buscando a Dory»

O ciclo de películas «Cinema volta ao cole» regresa este outono con dúas novas achegas orientadas ao público infantil. 

Este sábado 14 de outubro será a primeira sesión, coa proxección do filme «Buscando a Dory» ás 17:30 horas no Centro Cultural. O ciclo continuará o 11 de novembro, coa proxección da película «Trolls» á mesma hora e tamén no Centro Cultural. 

«Cinema volta ao cole» é unha iniciativa da Concellería de Cultura que busca ofrecer espazos para gozar da cultura en familia e dun xeito ameno na nosa vila. O acceso é libre e gratuíto.

 

Martes, 10 de outubro de 2017    

O obradoiro de baile e música tradicional  “Canta avoas” admite inscricións ata o 20 de outubro

A Oficina Municipal de Información á Xuventude (OMIX) do concello da Guarda manterá aberto o prazo de inscrición no obradoiro interxeracional de danza e música tradicional “Os nosos bailes e cancións de agora e de sempre: Canta avoas” ata o venres 20 de outubro.

Esta actividade enmárcase no programa “Tecendo lazos” da Deputación de Pontevedra, cuxa principal finalidade é desenvolver obradoiros interxeracionais no ámbito do lecer e o tempo libre a través dos que establecer espazos para o encontro entre diferentes xeracións.

O curso terá unha duración de 16 horas repartidas entre os venres (de 18:30 a 20:30 horas) e os sábados (de 10:30 a 12:30 horas) durante o mes de novembro no antigo Colexio Sinde. Nesta actividade poderán participar persoas de entre 10 e 99 anos, preferentemente preferentemente pertencentes ao mesmo núcleo familiar: avós, netas, pais, fillas, etc.

Para inscribirse,  deberase entregar o formulario de solicitude cuberto xunto cunha fotocopia do DNI, certificado/volante de empadroamento e, no caso de menores de idade, autorización para participar no obradoiro.

As persoas interesadas poderán obter máis información na oficina da OMIX situada na Casa do Concello, chamando ao teléfono 986 614 546 ou ben no correo electrónico informacion@aguarda.es.

   

O ciclo “Diálogos en Educación” retorna este outono con catro novos faladoiros na Casa dos Alonso

O ciclo de charlas “Diálogos en Educación” volverá celebrarse na Guarda este outono, contando coa participación de profesionais do mundo da pedagoxía e a psicoloxía que guiarán os faladoiros abertos ao público.

Nesta terceira edición, os encontros trasládanse á Casa dos Alonso, onde se trataran como temas principais o multiculturalismo nas aulas, o mindfulness (a atención consciente ou plena), a filosofía adaptada á infancia e as influencias neoliberais na política educativa. Esta pretende ser unha actividade aberta ao público e participativa, de interese para persoas de diferentes perfís -máis alá da profesión docente- e na que se promoverá o debate e a reflexión sobre as temáticas propostas.

Presentación do novo ciclo de charlas

A presentación do novo programa de “Diálogos en Educación” tivo lugar na Casa dos Alonso, coas intervencións do alcalde do Concello da Guarda, Antonio Lomba; a concelleira de Cultura, Educación e Xuventude, Elena Baz; e o doutor en Filosofía e Pedagoxía e mestre na Universidade da Coruña (UDC), Xosé Manuel Malheiro.

Este último, impulsor da actividade, puxo en valor a boa acollida coa que o ciclo de charlas contou dende os seus inicios, fai xa dous anos. Entón, pensouse na necesidade dunha actividade de contido educativo que fose distinta ás conferencias maxistrais. Así, o obxectivo de “Diálogos en Educación” concibiuse, explica, orientado ao debate e o intercambio de ideas, e no que os convidados -docentes universitarios- se sumasen ás conversas pola súa transcendencia, sen máis interese que contribuír ao enriquecemento común. Esta é, con todo, unha experiencia de carácter aberto  na que “todos vimos a aprender e a ensinar”.

O rexedor local quixo destacar, pola súa parte, a importancia desta clase de eventos culturais e educativos que, “non sendo multitudinarios, son moi grandes pola súa transcendencia”, dado o alto nivel dos convidados que dirixirán cada un dos faladoiros e as “interesantes reflexións”  que con seguridade nos deixarán, tendo na memoria a experiencia de pasadas edicións.

Nesta mesma liña, a concelleira de Educación referiuse aos convidados como  “persoas dunha grande calidade humana e profesional” cos que “será sinxelo reflexionar e extraer ensinanzas de enorme transcendencia”. Coa mirada posta no futuro, Elena Baz defendeu a continuidade dos ciclos de charlas educativas, referíndose a este como “un evento precioso, dos que fan cambiar o mundo e polo que seguiremos apostando”.

Programación e temáticas

O primeiro faladoiro, co título “O multiculturalismo nas aulas, problema ou oportunidade” celebrarase o venres 27 de outubro, contando coa participación do profesor da UDC no departamento de Pedagoxía e Didácticas, Juán José Bueno. O venres 10 de novembro será a segunda charla do ciclo, co título “Educación consciente: baseada en Minsfulness”, dirixida pola psicóloga do Centro San Xerome Emiliani, Joana L. Pereira.

O profesor da UDC no departamento de Pedagoxía e Didácticas, Javier F. Rouco participará na terceira charla, que xirará en torno á “Filosofía para/con a infancia”, namentres a derradeira entrega deste outono estará dirixido polo catedrático da UDC no departamento de Pedagoxía e Didácticas, Jurjo Torres, e versará sobre as “Políticas educativas e as influencias neoliberais”, realizando tamén unha análise sobre o futuro da educación.

Os encontros serán na Casa dos Alonso ás 20:30 horas, sen límite de aforo e sen necesidade de  inscrición previa.