XV TRAVESÍA A NADO “O PORTO DA GUARDA”
Domingo, 08 de agosto de 2010 ás 12.00 horas
PUNTUABLE PARA O CIRCUITO GALEGO DE AUGAS ABERTAS
REGULAMENTO
1.- ORGANIZACIÓN:
Correrá a cargo da Asociación Érguete Baixo Miño e o Concello de A
Guarda, coa colaboración do Clube de Natación Codesal, Clube de Remo
Robaleira, Asociación Pedra Furada, Confraría de Pescadores Santa Tecla
e a Asociación Friends Music.
A XV edición da TRAVESÍA A NADO rexirase pola Normativa FINA de Augas
Abertas, pola Normativa de Competición de Augas Abertas da Federación
Española de Natación, polo Regulamento do VII Circuíto Galego de Augas
Abertas da FEGAN e polo presente regulamento particular.
2.- PARTICIPACIÓN:
Poderán participar na proba tanto nadadores federados como non
federados. Para puntuar no Circuito Galego de Longa Distancia é
necesario estar FEDERADO, con licencia en vigor na presente tempada en
calquera das disciplinas que integran a FEGAN (Federación Galega de
Natación).
3.- CATEGORIAS:
4.- DISTANCIA:
para as categorías: A, B, C e D 400 metros
para as categorías: E, F, G, H, I, J, K e L 2500 metros
5.- PERCORRIDO:
A saída e a chegada dos nadadores, debidamente sinalada para a súa
mellor orientación, darase dende a rambla situada ao final do paseo
marítimo (Zona Dique-Atalaia do Porto da Guarda), no orden seguinte:
primeiro as categorías A, B, C e D e ao seu remate o resto das
categorías E, F, G, H, I, J, K e L.
O percorrido para as categorías: A, B, C e D
consistirá en ida (ata unha boia no centro do peirao) e volta. Para as
categorías: E, F, G, H, I, J, K e L consistirá en dar dúas voltas a un
cadrado acotado por boias de obrigado paso, que os nadadores bordearán
deixándoas á súa esquerda.
6.- INSCRICIÓNS:
As inscricións poderanse efectuar en Érguete Baixo Miño, ben sexa por
teléfono, fax ou correo electrónico en horario de 8 a 15 horas (a
partires da publicación deste regulamento ata o 6 de agosto), sendo
requisito imprescindible a presentación de calquera documento oficial no
que figure a data de nacemento do nadador/a. Así mesmo, os nadadores non
federados menores de 18 anos necesitarán autorización da nai/pai para
inscribirse.
Nota: A inscrición na travesía supón a aceptación do presente
regulamento quedando reservado o dereito de admisión. Os dereitos de
inscrición son gratuitos.
8.- DESENVOLVEMENTO DA PROBA:
A proba estará controlada polo Comité Galego de Árbitros de Natación,
sendo a súa competencia a resolución de calquera cuestión ou recurso que
apareza no desenrolo da competición.
Para confirmar a inscirición dos participantes na proba, deberán
presentarse no lugar unha hora antes do comezo da mesma. A efectos de
identificación cada participante recibirá da organización un gorro
numerado (que non deberá quitarse ata a finalización da competición),
polo que será necesario acreditar a personalidade con algún documento
oficial.
Queda prohibida a utilización de axudas externas como aletas,
frotadores, neoprenos e similares.
O remate da proba os participantes recibirán un refrixerio, un bocadillo
e unha peza de froita, ademais da posibilidade de darse unha ducha nas
instalacións do Clube de Remo Robaleira.
A Travesía contará en materia de seguridade coa colaboración da Policía
Local, Protección Civil, Autoridades Portuarias, Club de Natación
Codesal e o Club de Remo Robaleira.
8.- PREMIOS:
Trofeos para o 1º, 2º e 3º clasificados de cada categoría.
Trofeo aos gañadores absolutos masculino e feminino da travesía.
Trofeo para o nadador e nadadora máis xoven e máis veterán que rematen a
proba.
PARA MÁIS INFORMACIÓN:
Asociación Érguete Baixo Miño
r/ Colón, 20 – 36780 A Guarda (Pontevedra)
Telf./Fax: 986 61 44 07
e-mail: info@erguete.org
web: www.erguete.org