g@lici@suroeste

 

 

 

 

ADEGAS ALDEA DE ABAIXO

Portada       Nuestros Vinos    La Bodega    Fotos     Contactar

Premio para Gran Novás       D.O. Rías Baixas

horizontal rule

 

 

 

Mércores, 29 de marzo de 2006

Gran Novas entre los mejores blancos del mundo al recibir un Bacchus de plata en la VII edicion del concurso de calidad de vinos de España

La bodega de O Rosal, Aldea de Abaixo, presentó su nuevo albariño 2005, de la marca Gran Novás, al concurso que el Ministerio de Agricultura Pesca y Alimentación y la Unión Española de Catadores organizaron entre el 18 y el 21 de Marzo del 2006. Abierto a todos los vinos del mundo, con y sin indicación geográfica, en este certamen participaron 1.800 vinos de 17 países de todo el planeta. Los vinos quedaron organizados en siete categorías con el fin de abarcar todos los productos vinícolas, consiguiendo la bodega rosaleira un nuevo reconocimiento al recibir el Baccus de Plata. Con este premio Aldea de Abaixo ve cumplidas sus espectativas de que la presente añada presenta unas extraordinarias cualidades .

.

*****************************************************

O albariño Gran Novás, da adega Aldea de Abaixo, destácase como un dos mellores viños da Galicia

Arturo Conde e Francisco Valderrama dous dos socios de Aldea de Abaixo

.

            A adega Aldea de Abaixo, ubicada nunha zona cun microclima especial que fai que os viños que aquí se producen sexan un regalo ao padal, rematou o ano 2005 ratificando a calidad e o gusto dos seus viños. Niguén mellor que o xerente da adega Aldea de Abaixo, Arturo Conde, para que nos ilustre sobre esta adega e os seus caldos no mesmo lugar onde se producen: Novás, xuradía que dá nome a un dos mellores albariños das Rías Baixas.

 

O ano que rematou veo a ratificar a calidade dos viños da adega Aldea de Abaixo ¿É así Arturo?

            Pois si. A verdade é que si. Conseguimos unha vez máis o Primeiro Premio na Cata de Viños de Galicia co albariño Gran Novás, e un par de meses despois repetimos o primeiro premio tamén no albariño, en Cambados.

 

¿Facemos memoria dos premios acadados por estes viños que producides?

            ...Levamos xa uns poucos. Ademais dos que mencionamos antes, o ano pasado acadamos tres: o Primeiro na Cata de viños de Galicia co Gran Novás, tamén; o terceiro no albariño, co Gran Novás, e o segundo na cata de viños de Galicia co Señorío da Torre, o rosal que temos. Tivemos un Baccus en Madrid que foi co Señorío da Torre, no ano 96; varias mencións nos premios de Radioturismo, en Madrid...

 

¿É o Gran Novás o viño estrela de Aldea de Abaixo?

            Ben; o viño estrela da casa empezou sendo o rosal, o Señorío da Torre que foi o primeiro que sacamos, xa que como estabamos no Rosal a nosa intención era elaborar rosal. Pero claro, un pouco polo tema de comercialización, no 96-97 sacamos o albariño, o Gran Novás, e de cara a fóra de Galicia ten máis recoñecemento o albariño que o rosal; coñécese mellor; entón agora estamos cos dous, non queremos perder o rosal pero, ben, o albariño a verdade que leva unha boa liña estes anos.

 

¿Que características definirían o albariño que producides?

            Segundo a última cata que fixemos o ano pasado, definida pola nosa enóloga e que podemos ler na etiqueta que acompaña ás botellas, podemos dicir que se trata dun viño cristalino á vista, que amosa unha atractiva cor amarela-verdosa, de aromas complexos marcados por nítidos recordos de compota de mazá e ecos de herbas aromáticas. Destaca a súa estructura froiteira na boca, resulta goloso e tenro, enchendo o padal coas súas elegantes e intensas aromas.

 

¿Como se presentou a colleita do ano que rematou?

            Moi boa; impresionante. Creo que foi a mellor colleita destes últimos dez anos en todo: en calidade de uva, en grao, en azucres.

 

Se falamos de producción, de cantidade ¿que datos aporta a adega Aldea de Abaixo?

            Pois o ano que rematou nos metemos nos 75.000 quilos de uva, aproximadamente, e nos imos redondeando un pouco as cifras, a 75.000 botellas. Estamos subindo unhas 15.000 botellas máis que o ano anterior.

 

¿Significa que tamén houbo un incremento de hectáreas?

            As hectáreas da bodega practicamente son as mesmas, o que pasa é que todas estas hectáreas que están con pouca producción están subindo, están producindo moito máis, e aparte compramos unha pequena partida de uva de aquí, de pequenos colleiteiros da zona de Novás.

 

 Entón a adega, arestora dispón ¿de cantas hectáreas?

            Agora mesmo estamos, aproximadamente, nas 12 hectáreas dos seis socios que somos, das cales once son de albariño e, aproximadamente unha hectárea, de caíño e loureiro.

 

¿Por onde pasan os obxectivos de cara a 2006?

            Como mínimo levar a liña de viño como estes tres ou catro anos atrás e creo que vai ser así porque estamos a probar os viños e está saíndo moi bo, e logo seguir abrindo mercados, sobre todo fóra de Galicia, porque xa con 75.000 botellas xa empeza a costar máis vender aquí, en Galicia, toda a producción. 

 

Porque non debemos esquecer a competencia

            Si, si. En Galicia, e máis na zona das Rías Baixas, estamos practicamente tódolos productores metidos, entonces hai que saír de aquí.

 

Xa que falamos de mercado, ¿onde se localizan as vendas da adega Aldea de Abaixo cos seus viños Gran Novás e Señorío da Torre?

            Pois practicamente en toda Galicia: bastante cuberta temos a zona da Coruña, temos toda Pontevedra ata Santiago e parte de Ourense, e en Lugo temos unha comercializadora. E estamos abrindo en Madrid, en Valencia temos uns puntos bos, en Cataluña  temos algo, e estamos abrindo mercados no estranxeiro, exportando sobre todo a Estados Unidos e Brasil.

 

¿E Portugal, aí tan pretiño, non lle interesan os nosos viños?

             Pois a verdade que non. A verdade é que aquí, na zona de arriba de Portugal hai xa moito albariño, e viños verdes...

 

A adega Aldea de Abaixo foise modernizando nos últimos anos. ¿Que melloras incorporou máis recentemente?

            Pois o filtro ao vacío, necesario para sacarlle as borras, os fangos na vendima, e mercamos unha embotelladora-etiquetadora, un tren de embotellado, como se chama, que realiza todo o proceso desde sacar o viño, embotellalo, encorchalo, sácalle osíxeno e etiqueta a botella.

 

¿Lles preocupan eses outros albariños producidos fóra de Galicia?

            A min a verdade que non me preocupa, en absoluto. Nós temos unha zona de producción amable para contar con mellores albariños., que son as Rías Baixas. O noso producto que é albariño, ou pode ser rosal, condado, etc., ten unhas calidades que a doutros lugares nada teñen que ver.

 

Porque un bo albariño non é o só o resultado da elaboración na adega...

            Son as mans que o produce, é a terra, é o clima; son as viñas...

 

Un consello para beber un viño

            O albariño vai ben na mesa: con peixes, sobre todo con mariscos; pero vai ben con todo.

 

¿E a que temperatura?

            Eu considero que os dez ou doce graos é a temperatura óptima.  

Xaneiro, 2006

 

Os medios de comunicación fixéronse eco, en 2006, como en anos posteriores, dos premios acadados polo viño Gran Novás como o conseguido ese ano na Festa Albariño de Cambados

Á esquerda, Francisco Valderrama, e ao seu carón, Arturo Conde, cos trofeos acadados na

LIV Festa do Albariño de Cambados

 

Arturo Conde e Francisco Valderrama, son dous dos socios que compoñen Adegas Aldea de Abaixo. O primeiro actúa, ademais, como xerente da empresa, e quizais tamén sin sabelo -ou sabéndoo- sexa parte da alma do viño, repetidamente premiado en distintos certames. Porque a súa sabiduría nesto dos viños hai que levala a práctica na proporción axeitada para lograr que, xunto ó labor da natureza, se consigan uns caldos de apetencia para os padares. Con Arturo coñecemos algo máis dun viño cun lugar xa propio na historia vinícola co Rosal.

 

O Gran Novás, Arturo, vén de colleirar un novo premio. ¿Cando se fallou o Albariño de Cambados?

            O último premio fallouse o domingo, 6 de agosto, sobre as seis da tarde, cando o notario sacou o sobre e se revelou que éramos nós, Gran Novás, o 1º Premio da LIV Festa Albariño de Cambados.

 

¿Estabades presentes nese acto?

            En representación da bodega atopábase un socio que foi o encargado de recoller o premio.

 

Gran Novás ten recibido xa repetidas distincións

            Pois o Gran Novás, na Festa do Albariño, é a terceira vez consecutiva que é premiado. En 2004, recibiu un 3º premio; o ano pasado e neste 2006, conseguiu o 1º Premio.

 

¿E que supón para unha bodega ser premiada no Albariño de Cambados?

            Pois supón que teñamos vendida, practicamente, a colleita, porque estamos nunha época en que hai moito turista, que coñece a Festa do Albariño e que sabe cal é o viño que foi premiado e que o demanda na hostelería e alí onde se traballa co viño.

 

¿E emocionalmente, como vos sentides?

            Pois xa ves... (sorrí abertamente) Ter dous anos consecutivos un primeiro premio na Festa do Albariño que, segundo me consta, non hai outra bodega que o lograse, pois para nós, para a bodega Aldea de Abaixo, supón un motivo de satisfacción, sobre todo.

 

¿Acudides habitualmente a outros certames?

            Pois non. Practicamente nos limitamos aos de Galicia, aos oficiais, e a algún outro como o Bachus que se celebra en Madrid, no que este ano acadamos o Bachus de Prata, tamén co Gran Novás.

 

¿Quen fai o Gran Novás: a terra, o clima, as mans...?

            Home; de todo un pouco. Está claro que a terra é o importante sobre todo para a materia prima, a uva, que é o primordial; pero tamén na bodega se coida, e se se trata ben, poden saír cousas moi boas.

 

O Gran Novás é un albariño “puro”

            Si. O cen por cento. Ademais temos o Señorío da Torre que leva mestura doutras uvas.

 

¿Non concursa o Señorío da Torre?

            Asistimos a concursos na Cata de Viños de Galicia, porque na Feira do Viño Albariño non se pode presentar o Señorío, xa que esixen que sexa monovarietal; albariño cen por cento.

 

¿Pódese dicir que Gran Novás é hoxe a bandeira da bodega?

            Home; nestes últimos anos a verdade é que si; aínda que o noso buque insignia fora o Señorío da Torre, porque foi co que empezamos e co que ata o ano 96 estivemos facendo viño. A partires do ano 96, que foi cando sacamos o albariño co que logramos ser premiados, o Gran Novás é agora, case pode dicirse, o noso buque insignia.

           

¿Por onde se encamiña o futuro da bodega: a ampliación, a mellora tecnolóxica...?

            Non. Este ano xa acometemos unha remodelación importante da bodega coa incorporación de novos equipos de frío, cun sistema de embotellado novo e un filtro de vacío novo;  fixemos unha inversión importante, de modo que, practicamente, agora estamos, no tema da maquinaria, cubertos. O único que nos queda é ampliar a producción que eu creo que en tres ou catro anos poderemos acadar as cen mil botellas, aproximadamente. Coa producción que temos e as hectáreas existentes, imos camiño de logralo.

 

Agora mesmo ¿que cifras manexades?

            Pois en hectáreas, só dos socios, hai unhas nove, das que oito son de albariño e unha de loureiro e caíño, destinados ao viño Señorío da Torre. De esas hectáreas hai algunhas que están empezando a producción e vai lenta.

 

O tempo vai seco. ¿De que maneira lle pode afectar á uva?

            Pois tiña que ter chovido. O ano pasado foi unha boa colleita porque choveu en xullo, que é cando a planta se nutre, engorda, aguantando esa auga ata agosto.  Pero en agosto volveu chover repercutindo favorablemente e veu unha colleita impresionante.

            Este ano non choveu en xullo e, no que levamos en agosto, tampouco está chovendo, e as cepas precisan auga.

 

¿Vendo as viñas, que deducides de cara a próxima vendima?

            A pesar do dito antes, vémolas ben, aínda que estarían mellor se recibisen a auga que precisan para que a uva estivese o gorda que debera nesta época.

Agosto, 2006