PORTADA

NOTICIAS  

A GUARDA

TUI

O ROSAL

OIA

TOMIÑO

BAIXO MIÑO

LOCAL

OUTRAS NOVAS

DEPORTE

AXENDA

NECROLÓXICAS

ENTREVISTAS

COMUNICADOS

PORTUGAL

HEMEROTECA

PÁXINAS

 REPORTAXES

CONCELLO DA GUARDA

RÚAS DA GUARDA

VARIA

FOTOSAYER

FOTOS LECTORES

PATRIMONIO arquivo e documentación

XENTES de Ribadavila

Calendario

ENLACES

 
 
 

 

galiciasuroeste                                                  Informativo A Guarda

  

En el puerto de A Guarda

Rúa Dr. Fernández Albor, 19

Teléf. 986 610 4 74

        659 984 234

A Guarda

CARTELES, CATÁLOGOS, PUBLICIDAD, TARJETAS, SOBRES, LIBROS, FACTURAS, CARPETAS, DÍPTICOS, PROGRAMAS...

Plaza de San Benito 2 y 3 bajo

36.780 · A Guarda

telf. 986 60 89 20

infsb@infsb.com

Rúa do Porto, 59

Tlfno. 986 610 473

36780 A GUARDA

www.restaurantetrasmallo.es

Carretera de Camposancos, 110

Camposancos (Pontevedra)

Teléfono 986 62 72 36

 

AQUÍ SU ANUNCIO

infórmese en

galiciasuroeste.info

galiciasuroeste                                                                              

Sábado, 24 de febreiro de 2018 

A Guarda conmemora hoxe o 24 de febreiro cun espectáculo familiar sobre a vida de Rosalía de Castro

Hoxe, sábado, o público guardés ten unha cita para coñecer a vida de Rosalía de Castro co espectáculo de monicreques “A viaxe de Rosalía”, que se representará ás 19.30 horas, no Centro Cultural, achéganos á vida da poetisa contada pola súa madriña Francisca do Campo, a quen lle gusta lembrarnos como aquela meniña que ela coidou se foi convertendo, pouco a pouco, na escritora que deixou unha pegada imborrable, nunha muller culta, traballadora, valente e que interpretou como ninguén un tempo histórico na súa terra.

 

Convocatoria da Asemblea Xeral Ordinaria 2018 de socios da Asociación Érguete Baixo Miño

A Asociación Érguete Baixo Miño informa que o venres 9 de marzo de 2018, terá lugar a Asemblea Xeral Ordinaria sendo ás 19.00 horas a primeira convocatoria e ás 19.30h a segunda convocatoria, no local social onde a Asociación ten as instalacións, rúa Colón, 20(Edif. O Percador, 1º piso) de A Guarda.

Como cada ano por estas datas, convócase aos socios e socias a participar na mesma, a cal contará coa seguinte orde do día:

ORDE DO DÍA:

1º Lectura e aprobación se procede da acta anterior.

2º Presentación do Estado de Contas.

3º Presentación da Memoria de Actividades 2017 e Programa para o 2018.

4º Renovación de Cargos da Xunta Directiva.

5º Rogos e preguntas.

Para calquera consulta pódense por en contacto coa Asociación por vía telefónica/fax 986 61 44 07, no local da Asociación (r/Colón, 20 –Edificio O Pescador 1º piso- A Guarda, Pontevedra), por correo electrónico (info@erguete.org), no twitter @ErgueteBM ou en facebook.com/erguetebm.

 

Venres, 23 de febreiro de 2018 

 A OMIX publica un tríptico informativo con todas as actividades programadas para 2018

A  Oficina de Información á Xuventude (OMIX) do Concello da Guarda vén de publicar un tríptico informativo sobre as actividades programadas para este 2018, xa dispoñible para o público no Concello, en entidades educativas e  sociais, e  en diversos locais comerciais e de ocio da vila.

Co lema “Sal e participa! Comparte. Experimenta. Aprende”, o folleto recolle os distintos obradoiros, cursos e campamentos que a OMIX ofertará durante o ano, con información complementaria de interese. Así, no vindeiro mes de marzo haberá un curso de monitor de tempo libre e un obradoiro de elaboración de galletas. O periodo de inscrición estará aberto ata o vindeiro 9 de marzo.

No mes de abril, comezará un curso de inglés para adultos que, a un prezo de 25 euros, ofertará ao alumnado as ferramentas necesarias para manter conversacións cotiás; e, tamén en abril, celebrarase un obradoiro de Scketching, en colaboración coa Escola Superior Gallaecia. Este será un obradoiro de aproximadamente 3 horas de duración, co que se pretenderá achegar a toda a poboación as ferramentas para sacar proveito ás habilidades plásticas, o deseño e os recursos multimedia. 

En maio, tócalle a quenda ao obradoiro de iniciación ao gravado en relevo e de creación de selos para estampar (stamp carving). Da man do artista local Alfonso Vicente, aprenderanse as técnicas básicas do gravado en relevo, para toda aquela persoa que desexe experimentar cun proceso manual e personalizado.

A mocidade terá oportunidade de realizar en xuño un obradoiro de vídeo en 1 minuto, organizado en colaboración coa Escola Superior Gallaecia. Este taller ofrecerá os coñecementos e ferramentas básicas para realizar edicións rápidas e sinxelas de vídeo, logrando montaxes audiovisuais completas e atractivas.

Nos meses de verán, organizaranse o tradicional campamento urbano e o campus deportivo, cuxas modalidades e prezos de inscricións daranse a coñecer unha vez se anuncie a apertura do prazo de inscrición, previsiblemente en xuño.

Durante o derradeiro cuadrimestre do ano, retomaranse os obradoiros de cociña, cun curso centrado na elaboración de masas para o mes de setembro. As populares xornadas de micoloxía celebraranse en outubro, con data a establecer en función da meteoroloxía e, xa en novembro, os amantes das manualidades poderán participar nun obradoiro de DIY para a personalización de axendas. 

A información detallada sobre as actividades programadas a partir do segundo trimestre do ano daranse a coñecer en redes sociais e medios de comunicación nos próximos meses.  Para máis información, as persoas interesadas poden dirixirse á OMIX do Concello da Guarda, chamando ao 986 614 546, a través do correo electrónico informacion@aguarda.es ou na súa páxina de Facebook (@patricia.omixaguarda).

Ver a AXENDA

 

Mércores, 21 de febreiro de 2018 

O Entroido guardés culminou cun divertido desfile tras cinco días de foliada 

* Galería de imaxes do desfile de Entroido:

https://www.facebook.com/media/set/?set=a.354751835040963.1073741830.196914254158056&type=1&l=cfd5bca76f

O Entroido guardés rematou o domingo 18 de febreiro coa celebración do tradicional desfile-concurso. Centos de persoas congregáronse ao longo das rúas entre a «esquina Famosa» e a Alameda para gozar da festa, na que participaron comparsas, carrozas e disfraces a nivel individual ou en grupo.

O Entroido comezou o pasado xoves 15 de febreiro coa celebración do desfile dos colexios guardeses. O alumnado dos centros de educación infantil e primaria PP Somascos, Hermanas Carmelitas, As Solanas, Manuel Rodríguez Sinde, A Gándara e a Escola Infantil Municipal percorreron as rúas da Guarda amosando os disfraces elaborados manualmente para a ocasión. Os deseños destacaron pola súa orixinalidade, dende as temáticas celta ou tribal ata disfraces de choiva e lume, bombeiros, botes de salsas variadas e personaxes clásicos de cómics.

A carpa situada na Alameda encheuse durante a noite do sábado co concerto de Rockin’ Gina & the Sentinels e DJ Guille, que mantiveron ao público bailando e gozando do mellor música rock e retro ata ben entrada a madrugada. Este foi, con todo, un dos grandes eventos musicais da programación deste Entroido, que continuou  o domingo coa actuación da orquestra Abanico, tamén na Alameda. O chamado «domingo das familias» ofreceu á veciñanza e visitantes unha oportunidade de ocio para todos os públicos durante a tardiña e a noite.

Xa o luns, centos de cativos e cativas atoparon un espazo de diversión e xogos na festa infantil da Alameda. Alí, animáronse a participar no baile de disfraces e a decorar as súas caras no obradoiro de maquillaxe, ademais de esgotar as filloas das que dispoñía o carriño larpeiro, situado no paseo para goce das familias.

A oferta gastronómica completouse co popular «Menú de Entroido», que atraeu a veciñas e veciños de toda a comarca para saborear o lacón con grelos e as sobremesas de Entroido en sete restaurantes guardeses. Os establecementos amosaron a súa satisfacción tras a boa acollida do menú, do que gozaron centos de persoas, especialmente en grandes grupos, nas comidas e ceas dos días 10, 11, 12 e 13 de febreiro.

Desfile-Concurso de Entroido

A culminación da festa chegou da man do tradicional desfile de Entroido. Inicialmente programado para o martes 13 de febreiro, o desfile celebrouse finalmente o domingo 18 de febreiro no seu percorrido habitual, isto é, dende a «esquina Famosa» ata a Alameda. O bo tempo acompañou os participantes e o numeroso público, que puideron gozar dunha xornada festiva caracterizada polo humor das compasas, as carrozas e os participantes individuais.

A batucada Bate no Cobre e a charanga Os Charamujas contribuíron ao ambiente festivo coa súa música durante o desfile e, unha vez na Alameda, animaron a espera ata a entrega de premios. Os galardóns repartíronse da seguinte maneira:

Na categoría individual infantil, logrou o primeiro premio «Centauro», seguido de  «O corvo mensaxeiro do Rei» «Vaiana e Te Fiti», en segundo e terceiro lugar, respectivamente.  

Na categoría individual xuvenil e adulto, o primeiro premio foi para «Os marabillosos heroes do Entroido», o segundo para «O acordeón», e o terceiro para «Te Fiti». O  cuarto e quinto galardón recollérono as «Princesas de Bouzó» «Cisne Branco», nesta orde.

Na categoría de comparsas, o primeiro premio foi para «Os Rockeros», seguidos por «O México de Frida Kahlo» e «Tino Casal», en segundo e terceiro lugar, respectivamente. O cuarto premio foi para Os «Wally-fláuticos» e un quinto recoñecemento dirixiuse a «Fantasía Caribeña e Brasil». As carrozas «Spice Girls» e «Tu cara me suena» conseguiron o primeiro e segundo premio, nesa orde, coas súas divertidas creacións.

Amais destes recoñecementos, todas as comparsas e carrozas participantes recibiron 200€ en concepto de axuda polo traballo e esforzo realizado para a elaboración dos disfraces e a decoración.

 

Martes, 20 de febreiro de 2018 

Cruz Roja Baixo Miño inicia la actividad Taller Literario para mayores

En los próximos meses la Asamblea Comarcal de Cruz Roja Baixo Miño, con la financiación de la Xunta de Galicia, iniciará una serie de talleres literarios en diferentes puntos de la comarca del Baixo Miño, dirigidos a una figura diferente de nuestra literatura. El objetivo de estas sesiones es dar a conocer a los mayores personalidades de gran relevancia literaria para que, de esta forma, conozcan  la gran riqueza de nuestro patrimonio escrito.

Estos talleres comenzarán el martes, 27 de Febrero, a las 17.00 horas, con una sesión destinada a la figura de Rosalía, leyédose alguna de sus obras más destacadas y desarrollando una serie de actividades que tienen como objetivo dar a conocer a la poetisa gallega, además de estimular las capacidades cognitivas de los mayores a través de la lectura y posterior análisis de la misma. 

 

Luns, 19 de febreiro de 2018 

XI Gala do Deporte: A gran festa do deporte guardés celebrarase o 23 de febreiro no Centro Cultural

A festa do deporte guardés celebrarase o vindeiro venres, 23 de febreiro, na XI Gala do Deporte. No evento recoñeceranse os logros e méritos deportivos acadados durante o ano polos deportistas, os clubs e as entidades deportivas do municipio, poñendo en valor o traballo das numerosas persoas que forman parte do ámbito deportivo local.

Á gala, que comezará ás 20:30 horas no Centro Cultural, será conducida polo xornalista Terio Carrera, acompañado pola actriz Beatriz Campos. A capitana do Mecalia Atlético Guardés, Estela Doiro, amadriñará o evento, ao que están convidadas todas as asocicións, clubs e deportistas individuais da Guarda, así como todas aquelas pesoas que desexen achegarse e participar na xornada de celebración e xuntanza do deporte municipal.

 

Sábado, 17 de febreiro de 2018 

A Guarda homenaxeará a Rosalía de Castro con versos, pintura e un espectáculo sobre a súa vida

A Guarda conmemorará o 181º aniversario do nacemento de Rosalía de Castro con seis días de actividades dirixidas ao alumnado escolar, ó comercio e ó público en xeral, coa Semana por Rosalía” orientada á divulgación da figura e obra da autora, referente literario da nosa cultura.

As actividades comezarán o 19 de febreiro con Cada día un poema”, unha iniciativa do departamento de Cultura coa que se anima a compartir nas Redes Sociais (Facebook, Twitter e Instagram) un poema diario da obra rosaliana facendo uso da etiqueta #Rosalíate. Ao tempo, a Concellería divulgará a través das súas contas oficiais nas redes sociais unha selección de versos da autora senlleira da lingua galega.

Os centros de educación infantil e primaria guardeses participarán na Semana por Rosalía coa elaboración duns debuxos dentro da iniciativa Que che inspira?”. Así, máis de 400 cativos de infantil e primeiros cursos de primaria basearanse nuns versos extraídos da poesía rosaliana para elaborar debuxos orixinais que poderán decorar ao gusto. As súas creacións serán expostas, a partir do 20 de febreiro, en espazos públicos da vila (Concello, Centro Cultural e Praza de Abastos) e naqueles comercios que se sumen á iniciativa.

O alumnado de 3º a 6º de primaria, pola súa parte, participará na elaboración dun “Mural por Rosalía” os días 22 e 23 de febreiro. A pintura realizarase a continuación da elaborada o pasado ano na rúa Vigo, á altura do colexio da Sangriña, en dúas fases, de xeito que unha voluntaria fará o deseño primario duns versos e, a continuación, os escolares serán os encargados de pintalo e decoralo.

O sábado 24 de febreiro, Día de Rosalía, celebraranse dúas actividades culturais dirixidas ao público familiar. Pola mañá, a Biblioteca Pública Municipal acollerá unha nova sesión de “Contos contados” centrado na vida e obra da poetisa. A actividade contará coa participación do veciño da Guarda, Manuel Cadilla (“Maruxo”), que lerá versos rosalianos e contará a vida da autora aos pequenos participantes e ás súas familias. A continuación, poderán participar no obradoiro de elaboración de marcapáxinas.

A actividade de peche desta “Semana por Rosalía” guardesa será o espectáculo de monicreques “A viaxe de Rosalía, da man da actriz e titiriteira Larraitz Urruzola. A obra narra as pasaxes máis importantes da  vida da autora compostelá dun xeito ameno e accesible para os cativos a partir de 6 anos, a través da voz da súa madriña, Francisca do Campo.  Ela amosará ao público, a través das ferramentas da narración oral tradicionais, a historia da nena que chegou a ser un símbolo na cultura galega.

O espectáculo comezará ás 19:30 horas no Centro Cultural. Alí, as entradas estarán dispoñibles a partir do 17 de febreiro, en horario de mañá (de) e, de luns a venres, en horario de mañá e tarde (de 10 a 13  e de 17 a 20).

 

Venres, 16 de febreiro de 2018 

A citania de Santa Trega, presente no vídeo promocional de Marca España como mostra da cultura milenaria

O vídeo promocional de Marca España para 2018, elaborado por Televisión Española (TVE), destaca o asentamento castrexo guardés como un dos elementos sobresaíntes do legado cultural e patrimonial do país.

A montaxe, titulada “España, tan singular como plural”, pon en valor o potencial español a través do amplo legado patrimonial e histórico do país, con imaxes de distintos monumentos, paisaxes e tradicións representativos da súa cultura e patrimonio.

Un plano aéreo da citania do Monte Santa Trega amósase no minuto 00:36 do vídeo, como un dos mellores exemplos da cultura milenaria da que somos herdeiros. O vídeo estrenouse en versión curta tras as campanadas de fin de ano nas canles públicas La 1 e Canal Internacional e, posteriormente, foi difundido na súa totalidade nas redes sociais de Marca España, a través do hashtag #SomosEspaña.

Marca España

Marca España é unha política de Estado que ten como obxectivo mellorar a imaxe do país no estranxeiro e entre a cidadanía española. A máxima representación da Marca España corresponde ao Alto Comisionado a través da Oficina do Alto Comisionado para a Marca España, dependente xerárquicamente do Ministerio de Asuntos Exteriores e Cooperación. Esta sección encárgase de planificar, coordinar e impulsar as actuacións de organismo públicos e privados orientadas á promoción da imaxe de España dentro e fora do país.

* Vídeo promocional «España, tan singular como plural»:

https://www.youtube.com/watch?v=W-O9futG7O4

 

Xoves, 15 de febreiro de 2018 

O MASAT e o Museo do Mar volven abrir as portas no seu horario habitual

O Museo Arqueolóxico do Monte Santa Trega (MASAT) e o Museo do Mar volven abrir as portas no seu horario habitual, tras o habitual paro de inverno.

O MASAT retomará a súa actividade de martes a domingo en horario de inverno, de 11:00 a 17:00 horas, namentres o Museo do Mar poderá visitarse sábados e domingos, e días festivos, de 11:00 a 14:00 horas e de 16:00 a 19:00 horas.

Para máis información sobre os horarios dos espazos museísticos, as persoas interesadas poden visitar a páxina web de Turismo, onde se especifican os horarios do MASAT e o Museo do Mar nas distintas temporadas do ano.

 

Mércores, 14 de febreiro de 2018       

A Guarda apraza o Desfile-Concurso do Martes de Entroido ao domingo por mor da choiva

O tradicional Desfile-Concurso de Entroido programado para esta tarde aprázase finalmente ao domingo 18 de febreiro por mor das condicións meteorolóxicas adversas para a súa celebración.

Así as cousas, as comparasas, carrozas, grupos e participantes individuais ou en parellas desfilarán o vindeiro domingo a partir das 17:30 horas dende a coñecida como «esquina Famosa» na rúa San Bernardo, para despois percorrer as rúas Porto Rico e Galicia ata chegar á Alameda, onde se darán a coñecer os gañadores en cada categoría do concurso.

            As comparsas e carrozas concursarán por un primeiro e segundo premio (dotados de 250€ e 150€, respectivamente) e nas demais categorías repartiranse ata 18 recoñecementos entre os 6 mellor valorados en cada grupo, cun orzamento total de 1.070€. 

O desfile porá fin a unha intensa programación de Entroido na vila da Guarda, chea de actividades para todos os públicos.

 

Luns, 12 de febreiro de 2018       

Prazo voluntario para o pagamento da taxa de recolida de lixo

Ata o 7 de abril estarán ó cobro, na Oficina de Xestión Trobutaria da Guarda, en período voluntario de pagamento os recibos correspondentes á taxa pola recollida do lixo, do exercicio 2018.

           No caso de que algún contribuínte non recibira a carta de pagamento pode solicitar un duplicado da misma dirixíndose á Oficina de Xestión Tributaria (R/ Jose M. Andreini 6 Bajo – Tfno: 986 60 90 67) ou a través da páxina web do Concello de A Guarda (http://www.aguarda.es/Normativa municipal>Cartas de pagamento), xa que ó  tratarse de débedas de carácter periódico e notificación colectiva a non recepción no domicilio da mesma non exime da obriga de pago nin da vía executiva.

          Infórmase, ademais, que a partir de dita data as débedas serán esixidas polo procedemento de prema e devengarán os recargos, xuros de demora, e demáis conceptos esixibles.

 

Sábado, 10 de febreiro de 2018       

A Deputación aproba en Xunta de Goberno o proxecto para a mellora integral da rúa Concepción Arenal na Guarda

A Deputación de Pontevedra aprobou en Xunta de Goberno o proxecto para a ‘Recuperación de espazos e mellora da mobilidade peonil na rúa Concepción Arenal EP-3401 de acceso ao porto en A Guarda’. Segundo explica o deputado de Mobilidade Uxío Benítez, o orzamento para a actuación ascende a 1.598.755 euros (financiados ao 70% con fondos provinciais) e a obra terá un prazo de execución de dez meses logo do inicio, que se prevé na primavera.

A mellora integral da rúa Concepción Arenal, de titularidade provincial, pretende recuperar o espazo público da rúa para os veciños e fomentar un modelo de convivencia co tránsito rodado, sempre coa filosofía de que a circulación peonil debe ser a principal. Deste xeito, o proxecto redactado segundo os criterios do departamento de Mobilidade da Deputación, afirma Benítez, “facilitará e promoverá os tránsitos peonís cara ao Porto, que a día de hoxe están limitados polo tráfico rodado e a existencia de beirarrúas mínimas, en mal estado, e con nula accesibilidade”.

O ámbito de actuación das obras é de 8.527,85 metros cadrados nunha lonxitude de 670 metros, creando unha plataforma única desestruturada e non lineal con once redutores físicos de velocidade de vehículos, e unha velocidade máxima permitida de 20 quilómetros por hora. Crearase unha grande praza na fronte do convento de San Bieito e darase un novo tratamento para a praza de Avelino Vicente. En ambos casos limitarase o aparcamento actual para recuperar a maior cantidade de superficie de espazo público para a cidadanía.

Segundo explica Benítez, no cruzamento coa rúa Enrique María Sesto e o hotel convento de San Bieito convivirán o tráfico e a circulación peonil, transformando o espazo da edificación relixiosa, potenciando as súas características monumentais. Proponse crear unha área de descanso e reunión cun espazo verde con árbores e bancos e, do outro lado, unha pérgola acompañada tamén de bancos. A rúa resólvese nun mesmo nivel e xógase cos materiais e texturas, de forma que a parte estritamente peonil levará lousa e a parte rodada unha base de formigón negro grafito con bandas transversais. Ao chegar á igrexa producirase un cambio na conformación do solado, cunha maior presenza de pedra.

Na zona dende o cruzamento coa PO-552 ata a rúa Enrique María Sesto redefinirase a Praza Avelino Vicente. Haberá tamén un único nivel con diferentes materiais para os pavimentos e elementos de formigón a modo de mobiliario urbano, e a praza consolidarase arredor do monumento existente con dúas áreas de descanso diferenciadas: unha delas en forma lonxitudinal sobre unha das dúas fachadas acompañada de árbores e zonas de lecer, e a outra disposta arredor dun elementos de formigón, con bancos e zonas verdes.

O deputado de Mobilidade destaca que a configuración na nova rúa e o aproveitamento por parte da cidadanía verase potenciado unha vez que se desenvolva o novo acceso ao Porto que a Xunta debe tramitar como proxecto sectorial pola zona sur. Lembrou que existen tres alternativas deseñadas pola Deputación que permitirán retirar o tráfico pesado do centro da vila, xa que o uso de Concepción Arenal para o  transporte de mercadorías ao Porto non é compatible co seu novo deseño.

“Estamos nunha fase na que só debe haber un final: recuperar o espazo para as persoas. E no caso de A Guarda a Deputación puxo sobre a mesa solucións a dous problemas da vila: a recuperación do espazo de Concepción Arenal para os peóns, e varias propostas para crear un novo o acceso ao Porto que agora ten que concretarse e ser realidade da man administración competente para facelo, a Xunta de Galicia”, insistiu.

 

Mércores, 7 de febreiro de 2018       

O comercio poderá participar na “Semana por Rosalía” poñendo os debuxos dos escolares

O Concello da Guarda, a través da Concellería de Cultura, impulsa unha serie de actividades entre os días 19 e 24 de febreiro no marco da campaña “Semana por Rosalía”, coa que se conmemora o 181º aniversario do nacemento da afamada escritora galega.

Alguns dos cativos dos centros de educación infantil e primaria da Guarda elaborarán para a ocasión debuxos persoais inspirados nos versos da poetisa, dentro da actividade “Que che inspira?”.  

As obras elaboradas polos escolares expoñeranse, a partir do 20 de febreiro, en distintos espazos públicos do municipio -tales como a Casa Consistorial, o Centro Cultural e a Praza de Abastos-, así como naqueles comercios da vila que desexen participar.

As e os comerciantes interesados en sumarse a esta iniciativa cultural, deberán poñerse en contacto co departamento de Cultura chamando ao 986 610 000 (ext. 5) ou no correo eletrónico cultura@aguarda.es, ou ben coa concelleira de Educación e Cultura, María Elena Baz, no correo electrónico elenabaz@aguarda.es.

 

Martes, 6 de febreiro de 2018       

Amplíase ata o xoves o prazo de inscrición no Desfile-Concurso do Martes de Entroido

A Concellería de Cultura amplía ata o vindeiro xoves 8 de febreiro o prazo de inscrición no Desfile-Concurso que se celebrará o Martes de Entroido.

As bases do desfile contemplan ata cinco categorías diferentes de participación (incluíndo carrozas, comparsas, grupos e individual-parellas  adulto ou infantil) na modalidade de concurso, cunha ampla variedade de premios.

Nesta liña, as 10 primeiras comparsas e carrozas que se inscriban recibirán unha axuda de 200 euros como compensación polo traballo e esforzo realizado. As comparsas e carrozas concursarán por un primeiro e segundo premio (dotados de 250 euros e 150 euros, respectivamente) e nas demais categorías repartiranse ata 18 recoñecementos entre os 6 mellor valorados en cada grupo, cun orzamento total de 1.070 euros.

As persoas interesadas en participar poderán ampliar a información nas bases dispoñibles neste enlace e deberán entregar o formulario de inscrición anexo ás bases, así como a documentación recollida na base 4ª, no Rexistro Xeral do Concello ou a través da sede electrónica.

O desfile partirá ás 17:30 horas da coñecida como “esquina Famosa” na rúa San Bernardo, para despois percorrer as rúas Porto Rico e Galicia ata chegar á Alameda, onde se darán a coñecer os gañadores en cada categoría do concurso.

 

Sábado, 3 de febreiro de 2018       

Pepe Carreiro presenta ante o alumnado guardés «Os Bolechas na desembocadura do Miño»

O alumnado dos colexios da Guarda recibiu esta semana o novo libro do debuxante Pepe Carreiro «Os Bolechas na desembocadura do Miño», da man do alcalde, Antonio Lomba, e a concelleira de Educación, María Elena Baz.

Os representantes municipais visitaron o pasado mércores os centros escolares do municipio para facer entrega do agasallo ás alumnas e alumnos de todos os cursos de educación especial, infantil e primaria, de xeito que puidesen ler e ollar a obra antes da súa presentación oficial co autor.

Ao acto de presentación, celebrado na Casa dos Alonso,  acudiron máis de 200 cativos dos centros de educación primaria e infantil PP. Somascos, As Solanas, A Sangriña e M.R. Sinde, o centro San Xerome Emiliani e a escola de educación infantil da Gándara. 

Os escolares tiveron a oportunidade de aprender a debuxar os populares personaxes creados por Pepe Carreiro e mesmo de resolver as súas dúbidas. Así, Carreiro confesou non ter un Bolechas favorito e lembrou o seu primeiro libro («Os Bolechas lavan o can») publicado fai  18 anos e ao que se seguiron máis de 500 novas historias, tres das cales teñen A Guarda como protagonista.

«Os Bolechas na desembocadura do Miño»

A popular familia de irmáns Bolechas e o seu can trasládanse nesta ocasión á parroquia de Salcidos, onde reside a súa amiga Sabela. Ela levaraos pola beira do río Miño -pasando pola Xunqueira, a praia do Muíño e o Puntal, entre outras localizacións- á procura dun mazarico. No proceso, os cativos coñecerán novos lugares, así como a fauna e a flora característica da vila guardesa.

A edición do libro contou co financiamento da Deputación de Pontevedra  no marco das subvencións para a dinamización lingüística da institución provincial.

 

Venres, 2 de febreiro de 2018       

O Concello e a Xunta acordan as necesidades de reforma para a mellora dos CEIP da Guarda

A concelleira de Educación, María Elena Baz, reuniuse esta mañá en Vigo co xefe territorial de Educación en Pontevedra, César A. Pérez Ares, para trasladarlle as demandas esixidas polos centros de educación infantil e primaria da Guarda.

Neste encontro acordouse a prioridade e urxencia de accións que, como a da reparación dunha das cubertas do CEIP A Sangriña, serán acometidas durante o presente curso. A edil recalcou ao delegado da Xunta o feito de que dous dos centros de ensino público guardeses contan con máis de 25 anos de antigüidade, de xeito que precisan de obras de mellora e mantemento -como a reforma dos baños e outras estancias- similares ás que a Consellería de Educación ten realizado noutros centros da comarca.

Proximamente, o equipo técnico da Xunta visitará A Guarda para estudar as necesidades dos colexios e determinar as posibilidades da institución autonómica de atender ás distintas demandas trasladadas hoxe.

 

Xoves, 1 de febreiro de 2018       

Abre o prazo para solicitar a axuda económica para persoas con fillos menores de 3 anos

O Departamento de Servizos Sociais do Concello da Guarda informa de que a Xunta de Galicia,  a partir do 1 de febreiro, abriu o prazo para solicitar a prestación económica de pagamento único de entre 360 e 2.400 euros para familias con fillas ou fillos menores de 3 anos.

Poderanse beneficiar desta axuda as persoas con cativos nacidos entre o 2 de xaneiro de 2015 e o 1 de xaneiro de 2018 (ambos incluídos), que non  tivesen obriga de presentar a declaración do IRPF do ano 2016 nin se tivese presentado de xeito voluntario aínda sen estar obrigados.

O prazo para a presentación das solicitudes rematará o 21 marzo. Para máis información sobre os requisitos e o procedemento para a tramitación, as persoas interesadas poden dirixirse ó departamento de Servizos Sociais do Concello da Guarda, no teléfono 986 61 45 07 ou ben presencialmente.  O horario de atención ao público é de 9:00 a 13:00 horas os luns, mércores e xoves.

 

Mércores, 31 de xaneiro de 2018       

Os escolares da Guarda invitados pola Comunidade de Montes de Caamposancos para plantar 1.000 árboles

Hoxe, mércores, o xoves e o venres, a Comunidade de montes de Camposancos en colaboración cos colexios de primaria da Guarda, Manuel Rodriguez Sinde, PP.Somascos e HH. Carmelitas, plantarán 500 árbores: 250 cerdeiras e 250 nogais. 

            Esta actividade comezará ás 11.00 horas de hoxe co colexio Rodríguez Sinde; mañá, ás 10 horas, será a quenda do alumnado do colexio PP Somascos, e o venres, ás 11 da mañá, subirán ao Trega os alumnos do colexio HH, Carmelitas.

Fernando Martínez, presidente dos comuneiros de Camposancos, explica que pasado o Entroido, seguirán coa plantación doutras 500 árbores, neste caso 300 castiñeiros, 100 nogais e 100 cerdeiras.

Nestes momentos os comuneiros traballan preparando o terreo onde se farán as prantacións con cinco obreiros contratados pola Comunidade na zona de Chans de arriba, para continuar posteriormente, co arrincado de rebrotes de acacias en toda a zona deforestada en anos anteriores e na limpeza de sendeiros.

 

Martes, 30 de xaneiro de 2018       

O curso preparatorio para o graduado en ESO comeza con 30 persoas inscritas

O curso preparatorio para a obtención do graduado en Educación Secundaria Obrigatoria (ESO), organizado polo Concello da Guarda, comezou o pasado 22 de xaneiro con preto de 30 persoas inscritas.

As clases, sen custe para o alumnado, impartiranse ata setembro no antigo colexio Sinde en horario de mañá, con profesorado cualificado e un programa de ensino orientado á superación do exame en modalidade libre.

Prazo de matriculación nas probas

As persoas interesadas en realizar a proba para a obtención do graduado en ESO xa poden consultar as datas para a matriculación nas convocatorias de maio e setembro no Diario Oficial de Galicia (DOG) Nº 16, do 23 de xaneiro de 2018.

Así, para a realización do exame do 25 de maio, a matriculación deberá realizarse entre o 12 e o 23 de marzo; namentres para acudir á segunda convocatoria (7 de setembro), compre realizar a matriculación entre o 2 e o 9 de xullo (*).

Aquelas persoas que desexen manterse informadas sobre a apertura do prazo de inscrición en futuros cursos preparatorios, poderán dirixirse á Oficina de Información á Xuventude (OMIX), chamando ao 986 614 546, ou á Axencia de Emprego e Desenvolvemento Local (AEDL) do Concello da Guarda, chamando ao 986 610 000 ou no correo electrónico emprego@aguarda.es.

 

Sábado, 27 de xaneiro de 2018       

O BNG presenta moción na Guarda contra a suba das peaxes da AP-9

O Bloque Nacionalista Galego presentou unha moción na que se insta á Xunta de Galicia a demandar a supresión da subida das peaxes na AP-9, así mesmo, tamén se insta a Xunta de Galicia a que cumpra os acordos do Parlamento galego e demando ao Goberno do estado a transferencia da AP-9 á administración galega e a supresión do tramo da AP-9 entre Vigo e Rande.

O BNG lembra que o Goberno do Estado do PP, a través do Ministerio de Fomento, acaba de autorizar a Audasa unha subida extraordinaria durante os próximos 3 anos do 3,1% para todos os tramos da AP-9, que vén representar o dobre do IPC.

O BNG aspira a que desde Galicia se tome o control desta autoestrada para rematar coas deficiencias na súa xestión, as tarifas abusivas, os incrementos constantes e mesmo que sexa empregada como obxecto especulativo por parte de fondos de investimento dados os altos beneficios que xera a custa do peto do pobo galego.

“É indecente que esta infraestrutura vaia a unha concesión de 75 anos, sen poñer unha alternativa pública gratuíta, simplemente é unha chantaxe as persoas e empresas que están obrigadas a utilizar a AP-9, afectando a competitividade de concellos como o noso”, comentou Xan Lois Lomba concelleiro do BNG.

O BNG leva anos loitando contra o que se considera unha ultraxe ao pobo galego, onde o PSOE e o PP obraron cunha dobre moral cando ostentaron o Goberno do Estado.

“É indecente o que fai o PP: votar no Parlamento galego a favor da transferencia e vetala no Congreso en Madrid. De que serven estes representantes para Galiza?”, sinalou Xan.

O BNG seguirá loitando para que a AP-9 sexa unha infraestrutura ao servizo do pobo galego e non a grupos de investimento de risco.

 

Venres, 26 de xaneiro de 2018       

Curso de preparación da ESO para adultos en Érguete Baixo Miño

A Asociación Érguete Baixo Miño informa que se están a impartir nas instalacións deste colectivo, clases de preparación para as probas libres de obtención do título de Graduado en Educación Secundaria Obrigatoria para maiores de 18 anos da Xunta de Galicia.

O persoal laboral técnico da Asociación é o encargado de impartir os diferentes ámbitos social e de comunicación xunto cunha Licenciada en matemáticas, encargada do ámbito científico-tecnolóxico.

Esta iniciativa encóntrase dentro da carteira de servizos da Asociación e trátase do programa incorporación social e laboral financiado pola Consellería de Política Social, Dirección Xeral de Inclusión Social, e que en colaboración co Concello da Guarda, decídese a que persoas vai destinado o curso.

Hoxe en día vese de vital importancia contar co título da ESO para acceder a calquera posto de traballo polo que é unha iniciativa moi favorecedora para a sociedade e dentro das nosas accións de prevención para futuros riscos de exclusión social.

Trátanse dunhas probas con certa dificultade e que require dedicación por parte do alumnado pero que coa axuda do equipo técnico pódense levar a cabo e conseguir deste xeito unha mellor situación laboral.

É o primeiro ano que se imparten clases para a obtención do título da ESO nas instalacións da Asociación, pero unha vez valorada a boa acollida por parte dos usuarios, valorarase realizar máis cursos enfocados na obtención do título da ESO.

 

Xoves, 25 de xaneiro de 2018       

O Concello convoca ao comercio guardés para tratar sobre a reubicación do ‘mercadillo’

O Concello da Guarda, a través da Concellería de Comercio, convoca ás asociacións de comerciantes da Guarda a unha reunión para tratar sobre a reubicación do mercado popular, que na actualidade se celebra cada sábado pola mañá na rúa A Coruña.

Tal e como se anticipou na Mesa de Comercio Local, celebrada o pasado 22 de xaneiro, cómpre acordar unha nova localización para a realización do ‘mercadillo’, co obxectivo de potenciar a súa actividade. A cita será ás 20:00 horas do vindeiro luns, 29 de xaneiro, no Concello da Guarda.

 

Mércores, 24 de xaneiro de 2018       

A Guarda homenaxeará aos fundadores do Hospital Casa-Asilo no centenario da súa xuntanza

O Concello da Guarda organiza este sábado, 27 de xaneiro, un acto conmemorativo con motivo do centenario da constitución da Xunta Organizadora para a construción do Hospital Casa-Asilo da Guarda, edificio que na actualidade serve de Centro Cultural.

O acto comezará ás 20:30 horas co descubrimento dunha placa no busto de Avelino Vicente, impulsor da iniciativa para a construción do edificio, fronte a entrada do Centro Cultural. Deseguido, o historiador Joaquín Miguel Villa ofrecerá un relatorio sobre o labor da Xunta Organizadora Pro Hospital Casa-Asilo, formada o 17 de xaneiro de 1918 en San Juan de Puerto Rico por oito emigrantes guardeses que, sabedores das necesidades sanitarias e de atención dos seus compatriotas, decidiron impulsar a creación dun complexo sanitario benéfico na vila guardesa.

O edificio de estilo indiano construise entre 1921 e 1932, e mantivo actividade sanitaria ata 1990, ano no que foi remodelado para acoller o Centro Cultural da Guarda, sen alterar a esencia do emblemático edificio, legado do altruismo dos emigrantes guardeses.

 

Martes, 23 de xaneiro de 2018       

O Concello celebrará unha xuntanza informativa sobre a humanización de Concepción Arenal

            O vindeiro xoves, 25 de xaneiro, o Concello da Guarda celebrará unha xuntanza na que o equipo de goberno ofrecerá información sobre o proxecto de humanización da rúa Concepción Arenal a todas aquelas persoas que asistan. A reunión comezará ás 21:00 horas no Centro Cultural.

O proxecto

O pasado 3 de xaneiro, o Concello da Guarda e a Deputación de Pontevedra asinaron o convenio de colaboración para executar as obras de urbanización da rúa. No documento recóllese o compromiso da institución provincial de asumir o 70% do custe da obra (1.119.128 €), mentres que o Concello asumirá o restante 30 % (479.626 €).

Esta actuación contempla a renovación de tódolos servizos da parte máis alta da rúa, ata o cruce con Domínguez Fontela. A nova vía terá unha plataforma única en toda a súa lonxitude, creando un espazo de lecer na praza Avelino Vicente e ampliando as zonas de espallamento no entorno de San Bieito. Terá unha circulación de vehículos calmada, cunha limitación de 20 km/h para favorecer a mobilidade peonil. A circulación será en dobre sentido en toda a rúa, permitindo a subida de autobuses e transportes pesados. A plataforma única permite delimitar con mobiliario as zonas destinadas a circulación de vehículos e o espazo para os peóns.

Para humanizar a rúa, tamén será necesario reubicar as prazas de estacionamento que existen na actualidade.Neste sentido, xa se habilitaron 30 novas prazas na última reforma da rúa Manuel Álvarez e, ademais, o Concello creará novas zonas de aparcamento para que, cando remate a obra, a oferta de estacionamento -a unha distancia de 5 minutos de calquera punto da rúa- sexa maior que a actual.

Esta é unha actuación de gran importancia para A Guarda, posto que afecta a unha das nosas rúas principais. É por isto que o equipo de goberno, consciente de que as obras sempre producen molestias, leva tempo traballando co obxectivo de minimizar os inconvenientes.          Nesta liña, realizouse un estudo das alternativas de tráfico e das fases de execución, para que a repercusión das obras nos meses de verán sexa nula. Unha vez realizada a licitación por parte da Deputación, a empresa adxudicataria e o Goberno local sentaranse para programar a súa execución.

 

Sábado, 20 de xaneiro de 2018       

O Concello da Guarda impulsa a promoción da vila como destino turístico en FITUR 2018

O Concello da Guarda participou na Feira Internacional de Turismo (FITUR) 2018, que se celebra entre os días 17 e 21 de xaneiro en Madrid, impulsando a promoción da vila como destino turístico de calidade.

A delegación da Guarda, formada pola concelleira de Turismo, Montserrat Magallanes, o concelleiro de Patrimonio, Xavier Crespo, e a técnica de Turismo, Rosalía Verde, mantivo durante as xornadas do mércores e xoves, días 17 e 18 de xaneiro, diversas reunións e encontros con consultores turísticos especializados, empresas de turismo tecnolóxico e turismo activo, e importantes axencias turísticas, tanto consolidadas como de creación recente. Estas últimas, especializadas en segmentos do mercado turístico, resultaron de gran interese para A Guarda.

Na tarde do mércores, os representantes da localidade acudiron ao acto de entrega dos premios EDEN (Destinos Europeos de Excelencia) 2017 que tivo lugar no expositor de Turespaña. No evento, convocado pola Secretaría de Estado de Turismo e presentado polo subdirector xeral de Cooperación e Competitividade Turística, Antonio Nieto Magro, e a secretaria de Estado de Turismo, Matilde Asián González, fíxose entrega do galardón ao proxecto vasco “Tierra Ignaciana. Tras a entrega do premio, os técnicos dos destinos EDEN mantiveron a habitual reunión de traballo na que se concretaron as próximas actuacións para a promoción dos Destinos Europeos de Excelencia, entre os que se atopa a vila guardesa.

O xoves foi o día máis importante para a delegación da Guarda nesta trixésimo oitava edición da feira. Ás 12 h, os representantes municipais acudiron á presentación da campaña  «Rías Baixas,somos historias» realizada pola Deputación de Pontevedra, co obxectivo de prestixiar a provincia como destino turístico cultural e de lecer e propiciar un turismo desestacionalizado.

Este ano, o Concello da Guarda e a Comisión das Festas do Monte traballarán conxuntamente para lograr o recoñecemento destas como Festas de Interese Turístico Nacional. Con este obxectivo, a delegación guardesa mantivo durante a súa estadía en Madrid reunións con axencias de comunicación e asociacións de xornalistas especializados en turismo.

Os representantes municipais, aproveitando a viaxe, visitaron a mostra pictórica «Laberinto de colores» do artista guardés Antonio Martínez («Cachi»), formada por lenzos que amosan a natureza, o mar e a terra, e nos que A Guarda é protagonista. As obras permanecerán expostas na Casa de Galicia en Madrid ata o próximo 31 de xaneiro.

FITUR 2018

A Guarda, que participa na feira dende o ano 2011, estivo presente durante as xornadas do 17 e o 18 de xaneiro no expositor de Turismo de Galicia, ofrecendo información turística de interese ao público en xeral. A información sobre a vila permanecerá exposta ata o remate da feira, para que profesionais e visitantes podan dispoñer dela e coñecer a oferta turística da Guarda.

A Feira Internacional de Turismo (FITUR) defínese como un punto de encontro global entre os profesionais do sector, coa participación  anual de miles de empresas, entidades públicas e profesionais de todo o mundo.